२ कोरिन्‍थि 4:2 - याम्फु

² कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

२ कोरिन्‍थि 4:2 Iomraidhean Croise

रोमि 1:16

याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

रोमि 6:21

मोडोक्‍पेॽ ले़ःॽपॽआ माहा मङे़हा योम्‍बोक मिॽनुङ आयु हे़निङ ङेसिन्‍डानिङे। माहा पापि योम्‍बोक ले़ःॽनुङ हे़निङे़ॽ इमाङ चुप्‍टानुमे ? माहा चोप चिक्‍चिमिॽमारोहा योम्‍बोकडे़ॽको निवाहाङ्‌बाङ ओः टोङ्‌इयेनुङ सिमवा लाजे़न्‍डुए।

१ कोरिन्‍थि 4:5

मोडोगे़ॽ हे़निङे़ॽ असामिसो न्‍याय ए़ले़टानुमे, परभु मे़लेङ्‌रो हुक्‍सानुमे। खोसे़ॽ सेन्‍जुगुप्‍पेॽ चुम्‌युङ्‌बॽआ खा खाङ्‌मुन्‍डुहानुङ याॽमिमि निवाहोङ्‌सिॽयुहा खा खाङ्‌मुन्‍डुहा। मोबा चोप याॽमिजिडे़ॽ चुप्‍मा खे़ये ओहाक निवाहाङ्‌बाङ चुप्‍मिन्‍डुजे।

२ कोरिन्‍थि 1:12

मक्‍खाम्‍डेमबेॽहा याॽमिजिनुङ मोबाङ्‌सो बेॽलो हे़निङ्‌नुङ सोरि पेम्‍माबेॽ कानिङ्‌मि चाल चलन चोखो युङ्‌नुङ इमान्‍दार हिङ्‌बॽआ खा निवाबाङ इमाङ मे़मिॽलेॽ लुहेन्‍डुङ्‌मा। इघा खाबेॽ कानिङ ओहाक कान्‍डिङ्‌मे़। इगो चाइबमा निवा कानिङे़ॽ निवाहाङ्‌बाङ चुप्‍मिटुङ्‌मे। इगो निवाहाङ्‌मि अनुग्‍रहाबाङ चुप्‍पॽआ ले़ये, तर याॽमिमि निवा ने़ॽनिबा।

२ कोरिन्‍थि 11:3

तर सैतानडे़ॽ पुसे़ॽ लिनुङ हब्‍बा रेम्‍बॽआडोॽ मोसे़ॽ हे़निङ्‌मि खिरिस्‍टबेॽ टिबॽआ सोझोनुङ चोखो भक्‍तिनुङ्‌मा निवासो नासि ले़न्‍डुएन्‍डे लुनुङ का किस्‍सिटिङे।

२ कोरिन्‍थि 11:6

के़ॽ खोजिडे़ॽ लुडिडोॽ मे़इःलेसुङ्‌होङ्‌सो माहाजिबाङ चुक्‍लो निवा काबेॽ माॽआये। इघा चोप खा कानिङे़ॽ हे़निङ नुरोॽ लुबेटुङ्‌मे।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

२ कोरिन्‍थि 5:11

परभुनुङ इन्‍ढोङ किस्‍सिमा खे़ये लुमे खा लेन्‍डुङ्‌मे़ मोडोगे़ॽ हाइखा याॽमिजिसो मोडोक्‍नोॽ ले़ःॽमा खे़ये लुनुङ इःन्‍डुङ्‌मा। कानिङ इन्‍डोक्‍हाजि ले़न्‍डिङ्‌मा लुनुङ निवाहाङ्‌डे़ॽ नुरोॽ लेयेनुङ का इन्‍डोक्‍मा ले़ङे लुनुङ हे़निङे़ॽ नुरोक्‍नोॽ लेन्‍डानुम लुमे के़ॽ मिॽइटुङे।

२ कोरिन्‍थि 6:8

कानिङे़ॽ इजेतसो चुप्‍टुङ्‌मा बेजेतसो चुप्‍टुङ्‌मा। नुबासो लुम्‍मि, मङे़ॽमासो लुम्‍मि, कानिङे़ॽ चाइबमा खारेॽ यामुन्‍डिङ्‌मा, तर रेम्‍डेॽखुबा लुम्‍मे।

२ कोरिन्‍थि 7:14

के़ॽ तितसनुङ हे़निङ्‌मि टुम्‍बेॽ बेॽहा खा इःसुङ मो खाबेॽ हे़निङे़ॽ का निरास मे़न्‍टोक्‍सानिङ। कानिङे़ॽ हे़निङ्‌नुङ सानिङ चाइबमा खा इःसुङ्‌मा। मोडोक्‍नोॽ कानिङे़ॽ तितसनुङ इःबॽआ बेॽहा खासो चाइबमानोॽ लिसा।

एफिसि 4:14

इडोॽ कानिङ पिच्‍छाजिडोॽ लिसिङ्‌मानि। मे़ॽनोक्‍हा सिक्‍छे इःॽखुबाजिमि सिक्‍छेमि हिॽवाबाडे़ॽ येप्‍खे़ॽहेनिबा। माहाजिमि रेम्‍सिङ सिक्‍छेडे़ॽ माङे़ॽमा रामलाम खे़ॽखुबा याॽमिडोॽ लिसिङ्‌मानि।

एफिसि 5:12

सेन्‍जुगुपेॽ राम्‍खुबा याॽमिजिडे़ॽ कुम्‍नुङ ले़ःॽपॽआ योम्‍बोकमि टुम्‍बेॽ इःमासो ङेसिमा लुये।