२ कोरिन्‍थि 3:6 - याम्फु

⁶ खोसे़ॽ इक्‍को चोङ हेन्‍ज्‍रुङ चोगु, मोबा कानिङ मो हेन्‍ज्‍रुङ्‌बेॽ योम्‍बोक ले़ःॽहेखुबा सेवाक टोक्‍सा। इगो चाहिँ पबित्‍रा होङ्‌निवामि हेन्‍ज्‍रुङ ले़ये, यहुदि धारमिक नियमडे़ॽ चोक्‍पॽआ ने़ॽनि, मो नियमडे़ॽको सिमवा लाजे़न्‍डुए, तर पबित्‍रा होङ्‌निवाडे़ॽको हिङ्‌मवा लाजे़न्‍डुए।

२ कोरिन्‍थि 3:6 Iomraidhean Croise

मत्‍ति 13:52

मोबा येसुडे़ॽ माहाजि लुसुजि, “मोडोगे़ॽ थाङ्‌सिरिमि राज्‍यमि सिक्‍छे चुप्‍पॽआ याॽमि लुबॽआ चाहिँ खिमबेॽए मुलि याॽमिडोॽ ले़ये। खोसे़ॽ खोमि खिमबेॽए ढुकुटिबाङ चोङ्‌नुङ पुरानो बेॽलो मुल्‍यनुङ्‌हा थोक पाखे़ॽयु रिॽआप्‍मिन्‍डुहा।”

मत्‍ति 26:28

इन्‍ढोङ्‌होङ इगो चोङ करारमि के़ए़ हरि ले़ये, इगो बेॽलो याॽमिजिमि पाप वासोक्‍मामि लागि पिनुङे।

मरकुस 14:24

मोबा येसुडे़ॽ फेरि लुसुजि, “इगो चोङ करारमि के़ए़ हरि ले़ये, इगो बेॽलो याॽमिजिमि लागि ले़ये।

लुका 22:20

मोडोक्‍नोॽ चरेपा चासे़ॽनुङ अङ्‌गुरमि खे़वाँनुङ्‌मा खोरिया ठेॽनुङ चोङ्‌साजि पिसाङ लुसुजि, “इगो अङ्‌गुरमि खे़वाँनुङ्‌मा खोरिया के़ए़ हरिबेॽ हे़निङ्‌नुङ हुप्‍पॽआ चोङ हेन्‍ज्‍रुङ ले़ये। इगो हरि हे़निङ्‌मि लागि यिःॽपॽआ ले़हा।

युहन्‍ना 5:21

इन्‍ढोङ्‌होङ निवाहाङ पाबाडे़ॽ सिगुयाकजि हिङ्‌बोक्‍नुङ खोजि हिङ्‌मवा पिन्‍डुजे, मोडोक्‍नोॽ पसाडे़ॽसो असा असा हिङ्‌मवा पिमा मिॽइन्‍डुजे माहाजि हिङ्‌मवा पिन्‍डुजे।

युहन्‍ना 6:63

हिङ्‌मवा पिघुबा चाहिँ निवाहाङ्‌मि होङ्‌निवानोॽ ले़ये। इगो योम्‍बोक याॽमिमि हिङ्‌मवाबाङ इमाङ्‌सो ले़ःॽहे़निबा। के़ॽ हे़निङ लुबॽआ खा चाहिँ होङ्‌निवानुङ हिङ्‌मवा ले़ये।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 3:20

मोडोगे़ॽ धारमिक नियम पालना ले़ःॽनुङ असासो निवाहाङ्‌मि पोम्‍बेॽ धरमि लिमिने। इन्‍ढोङ्‌होङ धारमिक नियमडे़ॽको याॽमिडे़ॽ ले़ःॽपॽआ पापरेॽ लेमेये।

रोमि 4:15

इन्‍ढोङ्‌होङ धारमिक नियम पालना मे़ले़ःॽखुबाजि सोक्‍पेॽ निवाहाङ्‌मि सुरिक सिॽइये। तर धारमिक नियम माडाहोङ्‌गो, पाप लुबॽआ इमाङ्‌डे लुनुङ लेनोॽ मे़लेसा।

रोमि 4:17

धारमिक नेॽचिराबेॽ निवाहाङ्‌डे़ॽ अब्‍राहाम इडोॽ लुबॽआ ले़ये, “के़ॽ हे़न बेॽलो जातिजिमि पाबा टोङ्‌इटुङे।” मोबा अब्‍राहामडे़ॽ निवाहाङ्‌बेॽ बिस्‍वास ले़टु। निवाहाङ्‌मि पोम्‍बेॽ अब्‍राहाम चाहिँ कानिङ चोपजिमि पाबा ले़ये। मो निवाहाङ्‌डे़ॽ सिघे़ॽपॽआजिसो हिङ्‌मवा पिन्‍डुजे, मोबा खोमि याबुकमि बचनडे़ॽनोॽ माॽआहा थोकजिसो सिरिस्‍टि ले़हेन्‍डुए।

रोमि 7:6

हागो कानिङ अधिनबेॽ युङ्‌खुबा धारमिक नियममि लागि सिघे़टिङ्‌मे़नुङ धारमिक नियममि अधिनबाङ फुक्‍का लिटिङ्‌मे़। इन्‍ढोङ्‌होङ कानिङ खिरिस्‍टनुङ सिघे़ॽपॽआसे़ॽ पुरानो धारमिक नियमडोॽ ने़ॽनि, तर पबित्‍रा होङ्‌निवामि चोङ हिङ्‌मवाडोॽ सेवा ले़न्‍डुङ्‌मा।

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

१ कोरिन्‍थि 11:25

मोडोक्‍नोॽ चरेपा चाबेनुङ खोसे़ॽ खोरिया याङ्‌मानुङ लुसु, “इगो खोरिया चाहिँ निवाहाङ्‌नुङ याॽमिमि रुम्‍बेॽ हुप्‍पॽआ चोङ हेन्‍ज्‍रुङ ले़ये। इगो हेन्‍ज्‍रुङ काङ्‌मि हरिबाङ तरिक्‍पॽआ ले़ये। इन्‍डोक्‍पेॽ हे़निङे़ॽ इगो उङ्‌इन्‍डानुमे, का मिॽयुङ्‌मामि इडोक्‍नोॽ ले़टानुमे।”

१ कोरिन्‍थि 12:28

निवाहाङ्‌डे़ॽ मन्‍डलिबेॽ याक्‍लो एप्‍पा चोङ्‌साजि, मोबा ए़क्‍साङ अगमबक्‍ताजि, मोबा ए़क्‍साङ सिक्‍छे इःॽखुबाजि, मोबा खरिहा योम्‍बोक ले़ःॽखुबाजि, मोबा टुक्‍खुबा याॽमिजि नुबोक्‍खुबाजि, मोबा हाइखाजि साहेता ले़ःॽखुबाजि, मोबा याॽमिजि खाङ्‌खुबाजि मोबा खाल खालहा खाप्‍लाबाङ यामुमे बरदान चुप्‍खुबाजि युङ्‌बेटे़।

१ कोरिन्‍थि 15:45

मोडोगे़ॽ धारमिक नेॽचिराबेॽ इडोॽ साप्‍पॽआ ले़ये, “याक्‍लोमा याॽमि आदम हिङ्‌मवा चुप्‍खुबा याॽमि ले़टा।” तर ए़क्‍साङ्‌ए आदम अथबा खिरिस्‍ट चाहिँ हिङ्‌मवा पिघुबा होङ्‌निवा ले़ये।

१ कोरिन्‍थि 3:10

निवाहाङ्‌डे़ॽ का पिबॽआ अनुग्‍रहाडे़ॽ ले़ःॽमे़ॽ सिपालु करमिडे़ॽ गारो सोक्‍टिडोॽ के़ॽ खिममि जग एन्‍डुङ। मोबा हाइखाजिडे़ॽ मो जगसोक्‍पेॽ गारो सोक्‍खे़न्‍डुजे, तर माहा खिम आङ्‌खुबाजिडे़ॽ इन्‍डोॽ आङ्‌घे़ॽमा खे़ये लुमे खाबेॽ नुरोॽ निवा टिमा खे़ये।

१ कोरिन्‍थि 3:5

अपोल्‍लोस असाडे ? पावल असाडे ? काजिङ निप्‍पाङ्‌नोॽ परभुमि योम्‍बोक ले़ःॽखुबा सेवाक ले़न्‍जिङे, मोबा हे़निङ बिस्‍वासबेॽ कोघुबा ले़न्‍जिङे। परभुडे़ॽनोॽ पिबॽआ योम्‍बोक काजिङेॽ ले़न्‍जुङ्‌मा।

२ कोरिन्‍थि 11:23

इमा खोजि खिरिस्‍टमि सेवाकजि ले़म्‍मे ? का खोजिबाङ बेॽलो खिरिस्‍टमि नुबा सेवाक ले़ङे। का नाक्‍सुबाङ्‌डोक्‍नोॽ यामुमे़ॽनिङ्‌सिङे, खोजिबाङ बेॽलो दुःख ले़ःॽनुङ के़ॽ योम्‍बोक ले़टुङ, बेॽलोखेॽ तिरिङ्‌गा खिमबेॽ से़क्‍सिघे़ॽमा सिॽटिङा। नेॽनोक नेॽहेनिहा कोररामि मोःक्‍मा खेः आक्‍सुङ। कालमि याबुकपेॽ बेॽलोखेॽ सिॽटिङ।

२ कोरिन्‍थि 3:14

तर खोजिमि निवा छाक्‍टुवाक लिबॽआ ले़टे़, मोडोगे़ॽ आइरोसो पुरानो करार नेॽमाबेॽ खोजिडे़ॽ चाइबमा खा मे़लेसुजिरो लुनुङ खोजिमि निवा टे़क्‍चुम्‍बॽआसे़ॽ खोजिडे़ॽ मो चाइबमा खा लेसुजिने। मो टे़क्‍चिरा चाहिँ खिरिस्‍टबाङ्‌रेॽनोॽ राप्‍खे़ये।

२ कोरिन्‍थि 3:3

हे़निङ्‌मि हिङ्‌मवाबेॽ खाङ्‌मुये, चइबानोॽ खिरिस्‍टडे़ॽ साप्‍पॽआ पत्‍रा चाहिँ हे़निङ्‌नोॽ ले़न्‍डानिङे, मो पत्‍रा लाजे़ॽखुबा कानिङ्‌नोॽ ले़न्‍डिङ्‌मा। तर इगो पत्‍रा रुङ्‌गोॽवामि पाटिबेॽ मसिडे़ॽ साप्‍पॽआ पत्‍रा ने़ॽनि, तर हिङ्‌रिक निवाहाङ्‌मि होङ्‌निवाडे़ॽ हे़निङ्‌मि निवामि पाटिबेॽ साप्‍पॽआ ले़ये।

२ कोरिन्‍थि 3:7

मो सिमवा लाप्‍खुबा यहुदि धारमिक नियम रुङ्‌गोॽवाबेॽ साप्‍पॽआ ले़टे़, मो नियम इढे़ॽलो जोतिनुङ्‌मा ले़टे़। मोसामि नजिकपेॽ मो जोति मे़खे़ॽमे़निङ्‌सिडारोसो खोमि नजिक इस्‍राएलि याॽमिजिडे़ॽ मे़ङ्‌खाङ्‌हेसुजि। सिमवा लाजे़ॽखुबा यहुदि धारमिक नियमसो मोढे़ॽलो जोतिनुङ्‌मा ले़टाहोङ,

२ कोरिन्‍थि 3:9

इन्‍ढोङ्‌होङ आप्‍टिक टिघुबा नियमनोक्‍सो मोढे़ॽलो महिमानुङ्‌मा ले़टाहोङ, छना याॽमि धरमि टोङ्‌घुबा योम्‍बोक इन्‍डोक बेॽलो महिमानुङ्‌मा ले़ए़ होला ?

गलाति 3:21

मोडोक्‍होङ इमा यहुदि धारमिक नियम निवाहाङ्‌मि हेन्‍ज्‍रुङ्‌मि टेडिघरिक ले़ये ? आक्‍टोॽ ने़ॽनिबा। यहुदि धारमिक नियमडे़ॽनोॽ याॽमि ए़स्‍सिमे हिङ्‌मवा पिसाहोङ्‌गो, इगोसे़ॽनोॽ याॽमिजि निवाहाङ्‌मि पोम्‍बेॽ धरमि टोक्‍से़न्‍डि।

एफिसि 2:1

हे़निङे़ॽ पापि योम्‍बोक ले़ःॽपॽआसे़ॽनुङ निवाहाङ्‌मि टेडिघरिक ले़ःॽपॽआसे़ॽ हे़निङ्‌मि होङ्‌निवा सिबॽआ ले़टानिङे, मो बेलाबेॽ निवाहाङ्‌डे़ॽ हे़निङ हिङ्‌बोगा।

एफिसि 2:5

मोडोगे़ॽ कानिङे़ॽ पाप ले़ःॽनुङ सिबॽआहोङ्‌सो निवाहाङ्‌डे़ॽ कानिङ खिरिस्‍टनुङ्‌नोॽ हिङ्‌रिक टोक्‍सा। हे़निङ हिङ्‌रिक लिबॽआसो निवाहाङ्‌मि अनुग्‍रहाडे़ॽनोॽ ले़ये।

एफिसि 3:7

निवाहाङ पाबामि महान अनुग्‍रहामि बरदानबाङ्‌नोॽ का सुसमाचार खेम्‍मेॽखुबा लिसिङ, इगो बरदान खोमिन्‍नोॽ सक्‍तिमि योम्‍बोकबाङ का पिसिङा।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

२ तिमोथि 1:11

निवाहाङ्‌डे़ॽ का इगो सुसमाचार परचार ले़ःॽखुबा, इक्‍को एप्‍पा चोङ्‌सानुङ इगो खा इःॽखुबा टोङ्‌इटिङे।

हिब्‍रु 12:24

याॽमिनुङ निवाहाङ्‌मि रुम्‍बेॽ चोङ हेन्‍ज्‍रुङ हे़न्‍खुबा येसुमि पोम्‍बेॽ लेङ्‌इटानिङे। हे़निङ हाबिलडे़ॽ चेॽटिबॽआ हरिबाङ्‌सो बेॽलो नुबा हेन्‍ज्‍रुङ हे़न्‍खुबा येसुमि हरिबेॽ लेङ्‌इटानिङे।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,

हिब्‍रु 7:22

मोडोगे़ॽनोॽ इगो हेन्‍ज्‍रुङ्‌डे़ॽ, येसु चाहिँ याक्‍लोए हेन्‍ज्‍रुङ्‌बाङ्‌सो चोप्‍पाङ नुबा हेन्‍ज्‍रुङ टोङ्‌इटुए।

हिब्‍रु 8:13

इगो हेन्‍ज्‍रुङ “चोङ” लुबॽआसे़ॽनोॽ याक्‍लोएगो पुरानो लिये। याक्‍लोमा पुरानो लियेनुङ चान्‍डोनोॽ मो चाहिँ नासि लिघे़ये।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 1:1

याक्‍लोएबाङ्‌नोॽ टुबॽआ, कानिङे़ॽ खेम्‍बॽआ, मोबा कानिङ्‌मि मिगे़ॽ खाङ्‌बॽआ, मोबा नुरोॽ वाःप्‍पॽआनुङ कानिङ्‌मि हुगे़ॽ के़क्‍पॽआ हिङ्‌मवामि बचनमि टुम्‍बेॽ कानिङे़ॽ साप्‍मिटुङ्‌मे।