२ कोरिन्‍थि 2:3 - याम्फु

³ मोडोगे़ॽ का लेम्‍माबेॽ का हाङ्‌हाङ टोङ्‌घुबा याॽमिबाङ्‌नोॽ दुःखि लिमा मे़सिॽलो लुनुङ के़ॽ मो पत्‍रा साबुङ। इन्‍ढोङ्‌होङ का हाङ्‌हाङ मिम्‍माबेॽ हे़निङ्‌सो हाङ्‌हाङ मिङ्‌इन्‍डानिङे लुनुङ के़ॽ बिस्‍वास ले़नुङे।

२ कोरिन्‍थि 2:3 Iomraidhean Croise

१ कोरिन्‍थि 4:21

हे़निङे़ॽ इमाङ नेन्‍जान्‍डानुमे ? का टोङ्‌इरा याङ्‌नुङ लेम्‍मेन्‍डे ? ए़डेम्‍मा लिघुबा निवा मोबा नम्‍नमनुङ लेम्‍मे़ ?

२ कोरिन्‍थि 1:15

कानिङे़ॽ इक्‍कोसे़ॽ हाइको नुरोॽ लेन्‍डानुमे लुमे खाबेॽ पक्‍का भरोसा काबेॽ टुसे़। मोडोगे़ॽ हे़निङे़ॽ फेरिसो आसिस चुप्‍टानुमे लुनुङ हाइके खेॽ हे़निङ चुप्‍सिॽ आप्‍मा मिनिङे।

२ कोरिन्‍थि 1:23

निवाहाङ के़ए़ साक्‍छि ले़ये, हे़निङ योप्‍मा मे़मिॽपॽआसे़ॽ का कोरिन्‍थिबेॽ मे़आबिङ।

२ कोरिन्‍थि 12:11

हे़निङे़ॽनोॽ का उम्‍बरिङ्‌डोॽ कामेॽटानिङ, इन्‍ढोङ्‌होङ हे़निङ्‌बाङ्‌गो काङ्‌मि आदर लिमा खडे़। का इमाङ मे़ले़टिङासो माहा बेॽहा बेॽहा एप्‍पा चोङ्‌साजिबाङ चुक्‍ङानिबा।

२ कोरिन्‍थि 12:21

हाइकोखेॽ हे़निङ्‌बेॽ लेम्‍माबेॽ आक्‍कोबेॽहा इक्‍को निप्‍पाङ याॽमिजिडे़ॽ याक्‍लोनोॽ इडोक्‍हा पाप योम्‍बोक असुद्‌ध योम्‍बोक, बेभिचारनुङ ङेसिमा टे़क्‍टे़क्‍हा योम्‍बोक ले़ःॽनुङ्‌सो निवाहाङ्‌बेॽ मे़न्‍टेबॽआ खाङ्‌नुङ दुःखि लिमा खे़येन्‍डे मिॽइनुङे। इडोॽ निवाहाङ्‌डे़ॽ का हे़निङ्‌मि पोम्‍बेॽनोॽ मिॽमु युङ्‌इयेन्‍डे मिॽनुङ का किस्‍सिङे।

२ कोरिन्‍थि 13:10

हे़निङ्‌बेॽ लेम्‍माबेॽ निवाहाङ्‌डे़ॽ का पिबॽआ अधिकार हे़निङ नम्‍नमनोॽ मे़ॽनिङ बेभार ले़ःॽमा मे़सिॽलो लुनुङ का हे़निङ्‌बाङ ओः टुमाबेॽ इघा खा साप्‍मे़ॽनिङ्‌सिनुङे। मो अधिकारगो हे़निङ नासि ले़ःॽमामि लागि ने़ॽनि, तर नुबा याॽमि टोङ्‌मामि लागि पिबॽआ ले़ये।

२ कोरिन्‍थि 2:9

के़ॽ लुबॽआ हे़निङे़ॽ खसिन्‍डानिङेन्‍डे खसिसानिङ्‌ने लुनुङ हे़निङ जाँच ले़ःॽमामि लागिनोॽ मो पत्‍रा साबुङे।

२ कोरिन्‍थि 7:12

के़ॽ मो पत्‍रा अन्‍याय ले़ःॽमामि लागि साप्‍पॽआसो ने़ॽनि, अन्‍यायबेॽ सिॽखुबा याॽमिमि लागि साप्‍पॽआसो ने़ॽनि। तर निवाहाङ्‌मि पोम्‍बेॽ हे़निङे़ॽ कानिङ नम्‍नम ले़ःॽपॽआ खा खाङ्‌मुमामि लागि मो पत्‍रा साप्‍मिटुङे।

२ कोरिन्‍थि 7:16

का साप्‍थाङ्‌इङे, इन्‍ढोङ्‌होङ हे़निङ्‌बेॽ के़ए़ पुरा भरोसा टुये।

२ कोरिन्‍थि 7:6

तर आसा मे़ॽनिङ्‌हाजि आसा पिघुबा निवाहाङ्‌डे़ॽ तितस कानिङ्‌बेॽ लेम्‍बॽआ खाडे़ॽ कानिङ बोल पिसा।

२ कोरिन्‍थि 7:8

मो काङ्‌मि पत्‍राडे़ॽ हे़निङ्‌मि निवा टुगानोॽ होला, तर मोमि लागि का हे़क्‍हे़क मिङ्‌ङानि, याक्‍लो इॽछोॽको हे़क्‍हे़क मिनिङा। तर आइ मो पत्‍राडे़ॽ हे़निङ्‌मि निवा टुक्‍मेॽसो इॽछोॽरेॽ टुक्‍मेॽटा लुमे खा के़ॽ लेडोक्‍इटुङ।

२ कोरिन्‍थि 8:22

मोडोगे़ॽ तितसनुङ मो निसा मोबा हाइको इक्‍को निसासो पाङ्‌मे़ॽनिङ्‌सिन्‍डुङ्‌मे, मो निसासो कानिङे़ॽ बेॽलोखेॽ खाक्‍सुङ्‌मा खो चोप योम्‍बोकपेॽ सानिङ पाङ्‌नुये, खोसे़ॽ हे़निङ्‌बेॽ बेॽए भरोसा ले़न्‍डुएनुङ आइ हे़निङ योम्‍बोक ले़ःॽमाराप्‍मा छना बेॽलो मिङ्‌इये।

गलाति 5:10

कानिङ चोप परभुबेॽ भरोसा युङ्‌घुबाजि लिबॽआसे़ॽ मे़ॽनोक्‍हा खाबेॽ निवा टिसानुम्‍नि लुनुङ आसा ले़ए़टुङे। हे़निङ फाङ्‌सेॽनुङ मे़ॽनोक्‍हा खाबेॽ चिक्‍खे़ॽखुबाजि असाहोङ्‌सो निवाहाङ्‌डे़ॽ दन्‍डा पिन्‍डुए।

२ थेस्‍लोनिकि 3:4

कानिङे़ॽ लुबॽआडोॽ हे़निङे़ॽ ले़ःॽमे़ॽनिङ्‌सिन्‍डानुमेनुङ ए़क्‍साङ्‌सो मोडोक्‍नोॽ ले़न्‍डानुमे लुनुङ परभुबेॽ भरोसा ले़ए़टुङ्‌मे़।

फिलेमोन 1:21

हे़न के़ॽ लुबॽआ खा नुरोॽ पालना ले़ःॽखु ले़येन्‍से़ॽ के़ॽ लुबॽआबाङ्‌सो बेॽलो हे़ने़ॽ ले़न्‍डुए मिॽनुङ इगो पत्‍राबेॽ साप्‍मे़ॽनिङ्‌सिनुङे।