२ कोरिन्‍थि 13:9 - याम्फु

⁹ कानिङ चाहिँ इमाङ्‌सो मे़ले़ःॽहेघुबा कमजोर, तर हे़निङ चोप योम्‍बोक ले़ःॽहेघुबा बोलियो लिबॽआ खाबेॽ कानिङ साप्‍थाङ्‌इन्‍डिङ्‌मे़। मोबा हे़निङ बिस्‍वासबेॽ पक्‍का लिहेसानिङे लुनुङ हे़निङ्‌मि लागि कानिङ पारथना ले़न्‍डुङ्‌मा।

२ कोरिन्‍थि 13:9 Iomraidhean Croise

रोमि 15:2

कानिङ चोबे़ॽ माहा बिस्‍वासबेॽ थोःप्‍थोप याॽमिजि बोलियो लिमिरो लुनुङ खोजि साप्‍थाङ्‌मेॽमा खे़म्‍मे।

१ कोरिन्‍थि 1:10

के़हा वावानिसानुङ नानुसाजि, कानिङ्‌मि परभु येसु खिरिस्‍टमि निङ्‌बेॽ हे़निङ बिन्‍ति ले़निम्‍ने़, हे़निङ चोप इक्‍को निवानुङ्‌हाजि लिसानिङे, मोबा हे़निङ्‌मि रुम्‍बेॽ फाटो मे़लिरो, तर हे़निङ सानिङ इक्‍को निवानुङ चोबे़ॽ इक्‍कोनोॽ खाबेॽ निवा टिसानुमे।

१ कोरिन्‍थि 2:3

का हे़निङ्‌बेॽ लेम्‍माबेॽ कमजोर ले़टिङानुङ किस्‍सिमे़ॽ योङ्‌मानुङ लेस्‍सिङ।

१ कोरिन्‍थि 4:10

कानिङ खिरिस्‍टमि सेवाक लिबॽआसे़ॽ याॽमिजिमि लागि उम्‍बरिङ लिटिङ्‌मे़, तर हे़निङ चाहिँ खिरिस्‍टबेॽ निवादाङ्‌बा लिटानिङे। कानिङ बोल मे़ॽनिङ्‌मा लिटिङ्‌मा, हे़निङ बोलियो लिटानिङे। कानिङ नेम्‍मा टोङ्‌इम्‍मे, तर हे़निङ सम्‍मान ले़म्‍मे।

२ कोरिन्‍थि 11:30

के़ॽ काङायोङ्‌बानोॽ लिमा खे़ॽहोङ, का कमजोर लिबॽआ खाबेॽ काङायोङ्‌बा रे़ङ्‌इङे।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

२ कोरिन्‍थि 13:4

खो कमजोर लिनुङ काप्‍सिङ्‌बेॽ कानिङ्‌मि लागि बलि लिसा, तर निवाहाङ्‌मि सक्‍तिडे़ॽ खो हिङ्‌रिक लिसा। इडोॽ कानिङ्‌सो खोडोक्‍नोॽ कमजोर लिटिङ्‌मे़, तर कानिङे़ॽ हे़निङ्‌मि रुम्‍बेॽ निवाहाङ्‌मि योम्‍बोक ले़ःॽमामि खोमि सक्‍तिडे़ॽ खिरिस्‍टनुङ्‌नोॽ सक्‍तिनुङ्‌मा लिन्‍डिङ्‌मे़।

२ कोरिन्‍थि 4:12

इडोॽ कानिङे़ॽ सानिङ सिघे़ॽलो खेः आङ्‌मानुङ परभुमि योम्‍बोक ले़ःॽमाबेॽ हे़निङे़ॽ चाहिँ ए़स्‍सिमे हिङ्‌मवा चुप्‍मिन्‍डानुमे।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

कलस्‍सि 1:28

मोडोगे़ॽ कानिङे़ॽ चोप याॽमिजि खिरिस्‍टमि टुम्‍बेॽ खेम्‍मेटुङ्‌मे। चोप याॽमिजि खिरिस्‍टबेॽ पक्‍का टोङ्‌नुङ निवाहाङ्‌बेॽ रुक्‍मेॽमामि कानिङ चोप निवाडे़ॽ चोप याॽमिजि होसियार ले़ःॽसाङ हे़निङ सिक्‍छे पिन्‍डुङ्‌मे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 3:10

हे़निङ्‌नुङ चुप्‍हेमा लुनुङ कानिङ लेन्‍डा सेन्‍डा निवाहाङ्‌नुङ निवाहोङ्‌सिॽयुबाङ्‌नोॽ पारथना ले़ःॽमे़ॽनिङ्‌सिन्‍डिङ्‌मा। हे़निङ्‌नुङ चुप्‍टोक्‍माहोङ हे़निङ्‌मि बिस्‍वासबेॽ इमा इमा चुक्‍खे़ॽपॽआ ले़हा माहा पुरा ले़ःॽटोक्‍इन्‍डुङ्‌मा।

२ तिमोथि 3:17

निवाहाङ्‌मि याॽमिजिडे़ॽ चोप नुबा योम्‍बोक ले़ःॽहेसुजिरो लुनुङ्‌नोॽ धारमिक नेॽचिरा पिबॽआ ले़ये।

हिब्‍रु 12:23

हे़निङ निवाहाङ्‌मिनोॽ टुम्‍मि हक चुप्‍खुबाजिमि मन्‍डलिबेॽ लेङ्‌इटानिङे, खोमि निङ थाङ्‌सिरिबेॽसो साप्‍पॽआ ले़ये। हे़निङ चोप याॽमिजिमि न्‍याय ले़ःॽखुबा निवाहाङ्‌बेॽ लेङ्‌इटानिङे। परिपक्‍का टोङ्‌बॽआ धारमिक याॽमिजिमि रुम्‍बेॽ लेङ्‌इटानिङे।

हिब्‍रु 13:21

हे़निङ चोप खालहा नुबा खाबेॽ पक्‍का लिमामि सहायात ले़ःॽरो, मोबा निवाहाङ्‌डे़ॽ नेन्‍जोन्‍डुए खा येसु खिरिस्‍टबाङ खोसे़ॽ हे़निङ्‌बेॽ पुरा लिरो। खोमि महिमा युग युगठोक लिरो। आमेन।

हिब्‍रु 6:1

मोडोगे़ॽ खिरिस्‍टमि टुम्‍बेॽहा याक्‍लोमा सिक्‍छेरेॽ ने़ॽनि कानिङ परिपक्‍का टोङ्‌घुबा खाबेॽ निवा टिमा, सिमवालाम लाघे़ॽखुबा योम्‍बोकबाङ निवा टेमा,

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।