२ कोरिन्‍थि 13:4 - याम्फु

⁴ खो कमजोर लिनुङ काप्‍सिङ्‌बेॽ कानिङ्‌मि लागि बलि लिसा, तर निवाहाङ्‌मि सक्‍तिडे़ॽ खो हिङ्‌रिक लिसा। इडोॽ कानिङ्‌सो खोडोक्‍नोॽ कमजोर लिटिङ्‌मे़, तर कानिङे़ॽ हे़निङ्‌मि रुम्‍बेॽ निवाहाङ्‌मि योम्‍बोक ले़ःॽमामि खोमि सक्‍तिडे़ॽ खिरिस्‍टनुङ्‌नोॽ सक्‍तिनुङ्‌मा लिन्‍डिङ्‌मे़।

२ कोरिन्‍थि 13:4 Iomraidhean Croise

युहन्‍ना 10:18

असे़ॽसो काङ्‌मि हिङ्‌मवा काबाङ नाप्‍खे़ॽहेसुनि, तर के़ॽ काङ्‌दाङ्‌बे़ॽ काङ्‌मि हिङ्‌मवा पिनुङे़। काङ्‌मि हिङ्‌मवा हाइखाजिमि लागि पिमे हक कानुङ टुये, मोबा फेरि लामे अधिकारसो कानुङ टुये। काङ्‌मि पाबाडे़ॽ पिबॽआ आग्‍या इगोनोॽ ले़ये।”

एप्‍पा चोङ्‌सा 2:36

“मोडोगे़ॽ चोप इस्‍राएलि याॽमिजि हे़निङे़ॽ इगो खा नुरोॽ लेसानुमे, हे़निङे़ॽ काप्‍सिङ्‌बेॽ किङ्‌नेबॽआ येसुनोॽ निवाहाङ्‌डे़ॽ परभुनुङ मुक्‍ति पिघुबा खिरिस्‍ट टोङ्‌इटुए।”

एप्‍पा चोङ्‌सा 3:16

मोनोॽ येसुमि निङ्‌मि सक्‍तिडे़ॽ बोल चुप्‍टु। येसुमि निङ्‌बेॽ मो याॽमिडे़ॽ बिस्‍वास ले़ःॽपॽआसे़ॽ इगो याॽमि नुरोॽ नुबोक्‍नुङ हे़निङ्‌मि पोम्‍बेॽनोॽ टुये।

रोमि 1:4

पबित्‍रा होङ्‌निवामि सक्‍तिडे़ॽ खो निवाहाङ्‌मि पसा ले़ये लुनुङ खाङ्‌मुसा। इगो खा येसु सिघे़ॽनुङ्‌सो हिङ्‌बोक्‍पॽआ खाडे़ॽ खाङ्‌मुये। खोनोॽ कानिङ्‌मि परभु येसु खिरिस्‍ट ले़ये।

रोमि 14:9

मोडोगे़ॽ कानिङ सिमाबेॽसो हिङ्‌माबेॽसो परभुमिन्‍नोॽ ले़न्‍डिङ्‌मा। इगोमि लागिनोक खिरिस्‍ट सिनुङ फेरि हिङ्‌बोगा, खो हिङ्‌रिकजिमिनुङ सिघे़ॽपॽआ चोपजिमि परभु ले़ये।

रोमि 6:4

मोडोगे़ॽ बप्‍तिस्‍मा लामाबेॽ कानिङ्‌सो खोनुङ्‌नोॽ सिनुङ हुम्‍सिघे़टिङ्‌मा, मोबा निवाहाङ पाबामि महिमामि सक्‍तिडे़ॽ खिरिस्‍ट सिबॽआबाङ हिङ्‌बोगु, मोडोक्‍नोॽ कानिङ्‌सो याक्‍लोमा पापि हिङ्‌मवा सिनुङ हागो चोङ हिङ्‌मवाबेॽ खिरिस्‍टडोक्‍नोॽ हिङ्‌इन्‍डिङ्‌मे।

१ कोरिन्‍थि 1:25

इन्‍ढोङ्‌होङ निवाहाङ्‌मि उम्‍बरिङ खा याॽमिजिमि निवाबाङ महान ले़ये मोबा निवाहाङ्‌मि कमजोर खा याॽमिजिमि सक्‍तिबाङ्‌सो सक्‍तिमान ले़ये।

१ कोरिन्‍थि 15:43

कानिङ्‌मि हिङा येःॽमाबेॽ युङ्‌माबेॽ मङे़ॽमानुङ थोःप्‍थोःप्‍मा लिये, तर फेरि हिङ्‌बोक्‍माबेॽ नुबानुङ सक्‍तिनुङ्‌मा लिये।

१ कोरिन्‍थि 2:3

का हे़निङ्‌बेॽ लेम्‍माबेॽ कमजोर ले़टिङानुङ किस्‍सिमे़ॽ योङ्‌मानुङ लेस्‍सिङ।

१ कोरिन्‍थि 6:14

निवाहाङ्‌डे़ॽ परभु सिघे़ॽपॽआबाङ हिङ्‌बोगु मोबा खोमिन्‍नोॽ सक्‍तिडे़ॽ कानिङ्‌सो हिङ्‌बोक्‍इये।

२ कोरिन्‍थि 10:10

इक्‍को निप्‍पाङ याॽमिजि काम्‍मि होला, “पावलमि पत्‍रा सारोनोॽ खरोनुङ छॽइहा, तर पोम्‍बेॽ चुप्‍माबेॽ चाहिँ सोझो लिनुङ यामुहेनिबा लिये।”

२ कोरिन्‍थि 12:10

मोडोगे़ॽ खिरिस्‍टमि लागि का कमजोर ले़ःॽमाबेॽ, हेलाबेॽ सिॽमाबेॽ, अप्‍ठ्‌यारोबेॽ सिॽमाबेॽ, चुङ्‌जामाबेॽ मोबा दुःख आङ्‌मा सिॽमाबेॽ साप्‍थाङ्‌इङे, इन्‍ढोङ्‌होङ का कमजोर लिमाबेॽ छना बेॽलो परभुमि बोलनुङ्‌मा लिङे।

२ कोरिन्‍थि 13:9

कानिङ चाहिँ इमाङ्‌सो मे़ले़ःॽहेघुबा कमजोर, तर हे़निङ चोप योम्‍बोक ले़ःॽहेघुबा बोलियो लिबॽआ खाबेॽ कानिङ साप्‍थाङ्‌इन्‍डिङ्‌मे़। मोबा हे़निङ बिस्‍वासबेॽ पक्‍का लिहेसानिङे लुनुङ हे़निङ्‌मि लागि कानिङ पारथना ले़न्‍डुङ्‌मा।

फिलिप्‍पि 3:10

के़ॽ खिरिस्‍टनुङ खो हिङ्‌बोक्‍मे सक्‍ति लेहेमा, खोसे़ॽ आङ्‌बॽआ खेः आङ्‌मानुङ खोमि सिमवाठोक खोडोक्‍नोॽ लिमा मिङ्‌इङे।

हिब्‍रु 5:7

येसु टाङ्‌बामि खेःबेॽ टुमाबेॽ, खो सिमवाबाङ हिङ्‌मेॽहेघुबानुङ बेॽलो हाःप्‍साङ बिन्‍तिनुङ पारथना ले़टु। मोबा खोसे़ॽ भक्‍तिनुङ बिन्‍ति ले़ःॽपॽआसे़ॽ निवाहाङ्‌डे़ॽ खोमि पारथना खेप्‍सु।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।