२ कोरिन्‍थि 10:5 - याम्फु

⁵ निवाहाङ्‌मि निवा टेडिघरिक्‍हा खानुङ काङायोङ्‌बानुङ्‌हा बाधा कानिङे़ॽ नास ले़न्‍डुङ्‌मे। खिरिस्‍टमि आग्‍या पालना ले़ःॽखुबा लिमामि लागि चोप मङे़हा निवा अधिनबेॽ युङ्‌इन्‍डुङ्‌मे।

२ कोरिन्‍थि 10:5 Iomraidhean Croise

मत्‍ति 15:19

इन्‍ढोङ्‌होङ दुस्‍ट निवा खिमा, याॽमि सेॽमा, बेभिचार ले़ःॽमा, खाल खालहा बेभिचारि पाप ले़ःॽमा, खुजामा, मे़ॽनोक्‍हा साक्‍छि पिमानुङ याॽमिजि इःजामा इघा चोप मङे़हा खा याॽमिमि निवाबाङ्‌नोॽ लेङ्‌इहा।

लुका 1:51

मोबा खोमि सक्‍तिनुङ्‌मा हुगे़ॽ निवाहोङ्‌सिॽयु काङायोङ्‌बा ले़ःॽखुबाजिमि निवा फेम्‍बेबेटुजे।

रोमि 1:21

इन्‍ढोङ्‌होङ माहाजिडे़ॽ निवाहाङ लेनुङ्‌सो महिमानुङ ओहाङ्‌ मे़म्‍पिसुजि, बोरु मोमि टेडिघरिक खोजिमि निवानोॽ योम्‍बोक मे़ॽनिङ्‌मा लिसा, खोजिमि काङायोङ्‌बा निवाडे़ॽ चाइबमा खानोॽ मे़लेहेसुजि।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 16:26

तर हागो येसु खिरिस्‍टमि टुम्‍बेॽहा खा अगमबक्‍ताजि साप्‍मेॽनुङ छे़ङ्‌गै टोङ्‌इटुए। मोबा इगो सुसमाचारबाङ्‌नोॽ चोप याॽमिजिडे़ॽ खोबेॽ बिस्‍वास ले़ःॽनुङ खोमि आग्‍या पालना ले़टुजिरो लुनुङ इन्‍डोक्‍पेॽसो सिघे़ॽनिबा निवाहाङ्‌डे़ॽ चोप याॽमिजिबेॽ मोबा चोप ठाउँबेॽ इगो सुसमाचार परचार ले़ःॽमामि आग्‍या ले़टा।

रोमि 7:23

तर काङ्‌मि हिङामि अङ्‌गबेॽ चाहिँ हाइके नियमडे़ॽ योम्‍बोक ले़ःॽपॽआ चुप्‍मिनुङे। इगो नियम चाहिँ काङ्‌मि होङ्‌निवानुङ काॽइये। मोडोगे़ॽ इगो पापि निवाडे़ॽ का अधिन ले़ये।

१ कोरिन्‍थि 1:19

इडोक्‍नोॽ धारमिक नेॽचिराबेॽ निवाहाङ्‌डे़ॽ लुबॽआ ले़ये, “निवादाङ्‌बाजिमि निवा नास ले़नुङे, चेन्‍दुबाजिमि बाठो योम्‍बोक बिफल ले़पेनुङे।”

१ कोरिन्‍थि 3:19

इन्‍ढोङ्‌होङ मक्‍खाम्‍डेममि निवा निवाहाङ्‌मि पोम्‍बेॽ उम्‍बरिङ खा लिये। धारमिक नेॽचिराबेॽ इडोॽ साप्‍पॽआ ले़ये, “निवाहाङ्‌डे़ॽ मक्‍खाम्‍डेमबेॽहा निवादाङ्‌बाजि खोजिमि चेन्‍दुबा खाबेॽनोॽ रेम्‍इन्‍डुजे।”

२ कोरिन्‍थि 11:20

इन्‍ढोङ्‌होङ याॽमिजिडे़ॽ हे़निङ सेउतेनोॽ टोक्‍सामिहोङ्‌सो, हे़निङ्‌मि चोप थोक लाघे़ॽटुजिहोङ्‌सो, हे़निङ रेम्‍जामिहोङ्‌सो, हे़निङ पोम्‍बेॽ बेॽए रे़ङ्‌मिहोङ्‌सो मोबा हे़निङ फे़ःक्‍मिहोङ्‌सो माहा चोप हे़निङे़ॽ योङ आङ्‌इन्‍डानुमे।

२ कोरिन्‍थि 9:13

इडोक्‍हा योम्‍बोकबाङ हे़निङ इन्‍डोक्‍हा याॽमिजि ले़न्‍डानिङे लुनुङ खाङ्‌मुये। खिरिस्‍टमि सुसमाचारमि लागि हे़निङे़ॽ भक्‍तिनुङ नुबा निवाडे़ॽ हाइखाजिमि लागि पिबॽआ खाङ्‌नुङ याॽमिजिडे़ॽ निवाहाङ ओहाङ ले़न्‍डुजे।

फिलिप्‍पि 4:7

मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

२ थेस्‍लोनिकि 2:4

मोसे़ॽ आयुरो याॽमिजिडे़ॽ पुजा ले़ःॽपॽआनुङ निवाहाङ लुनुङ मिॽपॽआ चोप थोकमि बिरोध ले़न्‍डुए। मोसे़ॽको मन्‍दिरबेॽ पेन्‍नुङ कानोॽ निवाहाङ ले़ङे लुन्‍डुए।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

हिब्‍रु 4:12

निवाहाङ्‌मि बचनगो हिङ्‌रिक ले़येनुङ सानिङ्‌नोॽ योम्‍बोक ले़न्‍डुए। खोमि बचन निच्‍चिलामनोॽ धारनुङ्‌मा फेयाबाङ्‌सो बेॽलो वे़ङ्‌इये। इगोसे़ॽ होङ्‌सिॽयु खे़ॽनुङ सोःक्‍मानुङ होङ्‌निवा हान्‍डुए, मोबा जोरनिनुङ से़ॽकोॽवा खोरो खोरो टोङ्‌इन्‍डुए, निवा होङ्‌सिॽयुनुङ निवे़ॽ मिॽपॽआ खा जाँच ले़ःॽहेन्‍डुए।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।