२ कोरिन्‍थि 10:4 - याम्फु

⁴ ङे ले़ःॽमाबेॽ पाप्‍मिहा कानिङ्‌मि हतियार मक्‍खाम्‍डेमबेॽहा हतियारडोॽ ले़ःॽनिहा, कानिङ्‌मि हतियारगो किल्‍लाडोॽहा छॽइहा खा योबेहेघुबानुङ निवाहाङ्‌मि सक्‍तिनुङ्‌बा हतियार ले़हा।

२ कोरिन्‍थि 10:4 Iomraidhean Croise

एप्‍पा चोङ्‌सा 7:22

इडोॽ मोसाडे़ॽ मिस्‍रि याॽमिजिमि टुम्‍बेॽहा खा नुरोॽ नेॽटोक्‍टु। मोबा खो चोप खाबेॽनुङ योम्‍बोक ले़ःॽलेघुबा लिसा।

रोमि 13:12

हागो सेन्‍जुगुप रुक्‍खे़ॽसिॽ पोरोइटे़, नम टे़ॽसिॽपोरोइटे़। मोडोगे़ॽ माहा सेन्‍जुगुप्‍पेॽ ले़ःॽमे योम्‍बोक लेप्‍पेनुङ जोतिमि तिरिङ्‌गाजिडोॽ पोरोक्‍मा खे़ये।

रोमि 6:13

हे़निङ्‌मि हिङाबेॽहा अङ्‌ग हागो पापि योम्‍बोकपेॽ ए़ॽटिसानुमे। मोमि साटो हे़निङ सिबॽआबाङ हिङ्‌बोक्‍पॽआ याॽमिडोॽ टाङ्‌बा निवाहाङ्‌डे़ॽ नेन्‍जामे योम्‍बोकपेॽ टिसानुमे। हे़निङ्‌मि हिङामि चोप अङ्‌ग धारमिक योम्‍बोक ले़ःॽमामि पिबेसानुमे।

१ कोरिन्‍थि 2:5

मोडोगे़ॽ हे़निङ्‌मि बिस्‍वास याॽमिमि निवानुङ चेन्‍दुबा खाबेॽ ने़ॽनि, तर निवाहाङ्‌मि सक्‍तिबेॽ युङ्‌इटानुमे।

१ कोरिन्‍थि 9:7

टाङ्‌बामिनोॽ याङ खरचा ले़ःॽनुङ हाम्‍बे तिरिङ्‌गाडे़ॽ योम्‍बोक ले़न्‍डुए ? इमा अङ्‌गुरमि खेति टिखुबे़ॽ मोमि चा चोसुने ? इमा गोठ्‌लाडे़ॽ टाङ्‌बामि पिकमि टुडु उक्‍सुने ?

२ कोरिन्‍थि 10:8

परभुडे़ॽ का पिबॽआ अधिकारमि खाबेॽ के़ॽ बेॽहा खा इःसुङ्‌होङ्‌सो ङेसिङानि, इन्‍ढोङ्‌होङ काङ्‌मि अधिकार हे़निङ नास ले़ःॽमामि लागि ने़ॽनि, तर हे़निङ नुबा याॽमिजि टोङ्‌मामि लागि ले़ये।

२ कोरिन्‍थि 13:10

हे़निङ्‌बेॽ लेम्‍माबेॽ निवाहाङ्‌डे़ॽ का पिबॽआ अधिकार हे़निङ नम्‍नमनोॽ मे़ॽनिङ बेभार ले़ःॽमा मे़सिॽलो लुनुङ का हे़निङ्‌बाङ ओः टुमाबेॽ इघा खा साप्‍मे़ॽनिङ्‌सिनुङे। मो अधिकारगो हे़निङ नासि ले़ःॽमामि लागि ने़ॽनि, तर नुबा याॽमि टोङ्‌मामि लागि पिबॽआ ले़ये।

२ कोरिन्‍थि 3:5

इघा इमाङ खासो कानिङ्‌मि निवाबाङ, बुद्‌धिबाङ लेङ्‌इटा लुहेघुबा कानिङ ले़टिङ्‌मानि, तर कानिङ्‌बेॽ निवा, सक्‍ति चोपनोॽ निवाहाङ्‌बाङ्‌नोॽ लेङ्‌इहा।

२ कोरिन्‍थि 4:7

इडोक्‍मा जोति बेॽलो मोलनुङ्‌मा याङ्‌सरावा आक्‍खामामि सुॽउबेॽ युङ्‌डिडोॽ कानिङ याॽमिबेॽ युङ्‌बॽआ ले़ये। मोडोॽगे़ॽ कानिङ्‌बाङ ने़ॽनि, तर मो सक्‍ति चाहिँ निवाहाङ्‌मि हुकपेॽ टुये लुमे खा छे़ङ्‌गै लेडोक्‍इये।

२ कोरिन्‍थि 6:7

चाइबमा खा यामुनुङ निवाहाङ्‌मि सक्‍तिडे़ॽ योम्‍बोक ले़ःॽपॽआ लुनुङ खाङ्‌मुसुङ्‌मा। याॽमिजिनुङ काक्‍मा सिॽहोङ्‌सो कानिङ्‌नुङ हतियार टुये, मो हतियार लुबॽआ चाहिँ निवाहाङ्‌डे़ॽ नेन्‍जामारोमा हिङ्‌मवा हिङ्‌मानोॽ ले़ये।

१ थेस्‍लोनिकि 5:8

तर कानिङ्‌गो लेन्‍डामि पसाजि ले़ःॽपॽआसे़ॽ टाङ्‌बा अधिनबेॽ युङ्‌मा खे़ये। कानिङे़ॽ बिस्‍वासनुङ नम्‍नममि हाङ्‌डाङ पाताडोॽ चाङ्‌मा, मोबा मुक्‍ति चाहिँ चे़क्‍चिमि टोपिडोॽ ओम्‍मा।

१ तिमोथि 1:18

खेप्‍से, हे़न के़ए़न्‍नोॽ पसाडोॽमा तिमोथि, बेॽलो याक्‍लो हे़ने़ए़ टुम्‍बेॽ निवाहाङ्‌बाङ्‌ए खाडे़ॽ लुबॽआडोॽ के़ॽ हे़न मिन्‍डुहा खा लुन्‍ने़। नुबा योम्‍बोक ले़ःॽमामि निवाहाङ्‌डे़ॽ लुबॽआ मो खाबाङ हौसला चुप्‍नुङ सुसमाचारमि लागि नुरोॽ ङे ले़टे।

२ तिमोथि 2:3

येसु खिरिस्‍टमि नुबा तिरिङ्‌गाडोॽ दुःख आङ्‌सिॽ कानिङ्‌नुङ सोरि पोरोगे।

हिब्‍रु 11:30

बिस्‍वास ले़ःॽपॽआसे़ॽनोॽ साता इक्‍कोठोक यरिहोमि परखाल खिरिरि वेङ्‌माबेॽ मो परखाल योघडा।