२ कोरिन्‍थि 1:12 - याम्फु

¹² मक्‍खाम्‍डेमबेॽहा याॽमिजिनुङ मोबाङ्‌सो बेॽलो हे़निङ्‌नुङ सोरि पेम्‍माबेॽ कानिङ्‌मि चाल चलन चोखो युङ्‌नुङ इमान्‍दार हिङ्‌बॽआ खा निवाबाङ इमाङ मे़मिॽलेॽ लुहेन्‍डुङ्‌मा। इघा खाबेॽ कानिङ ओहाक कान्‍डिङ्‌मे़। इगो चाइबमा निवा कानिङे़ॽ निवाहाङ्‌बाङ चुप्‍मिटुङ्‌मे। इगो निवाहाङ्‌मि अनुग्‍रहाबाङ चुप्‍पॽआ ले़ये, तर याॽमिमि निवा ने़ॽनिबा।

२ कोरिन्‍थि 1:12 Iomraidhean Croise

एप्‍पा चोङ्‌सा 23:1

पावलडे़ॽ मोबेॽ सुम्‍बॽआ चोप खाङ्‌नुङ इडोॽ लुसु, “होउ वावानिसाजि, आयुरो के़ए़ हिङ्‌मवाबेॽ निवाहाङ्‌मि पोम्‍बेॽ चोखो निवा युङ्‌इटुङे।”

एप्‍पा चोङ्‌सा 24:16

मोडोगे़ॽ का निवाहाङ्‌नुङ याॽमिजिमि पोम्‍बेॽ के़ए़ निवा चोखो युङ्‌मा मिॽइनुङे।

रोमि 9:1

हागो के़ॽ खिरिस्‍टमि निङ्‌बेॽ चाइबमा खा इःमे़ॽनिङ्‌सिनुङे़, रेम्‍डेॽपॽआ ने़ॽनि। पबित्‍रा होङ्‌निवामि पोम्‍बेॽ टुये काङ्‌मि नुबानुङ मङे़ॽमा खा लेघुबा निवाडे़ॽ इगो खामि साक्‍छि पिये।

१ कोरिन्‍थि 1:17

इन्‍ढोङ्‌होङ खिरिस्‍टडे़ॽ का बप्‍तिस्‍मा पिसिॽ ने़ॽनि, सुसमाचार खेम्‍मेॽसिॽ चाहिँ पाङ्‌बॽआ ले़ये। के़ॽ परचार ले़ःॽमाबेॽ याॽमिमि चेन्‍दुबा निवाबाङ मे़ले़टुङ, मोडोक्‍होङ्‌गो काप्‍सिङ्‌बेॽ खिरिस्‍टडे़ॽ पिबॽआ बलिमि सक्‍तिनोॽ योम्‍बोक मे़ॽनिङ्‌मा लिघे़ये।

१ कोरिन्‍थि 12:8

आढाजि पबित्‍रा होङ्‌निवाडे़ॽ चेन्‍दुबा निवामि बचन इःमे बरदान पिये। आढाजि मोनोॽ होङ्‌निवाडे़ॽ निवामि खा इःमे बरदान पिये।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 2:13

मोडोगे़ॽ कानिङे़ॽ इःॽपॽआ खा याॽमिजिमि निवाडे़ॽ इःॽपॽआ ने़ॽनि, तर पबित्‍रा होङ्‌निवाडे़ॽ इःॽपॽआडोॽ कानिङे़ॽ होङ्‌निवामि चाइबमा खा नुरोॽ इःन्‍डुङ्‌मे।

१ कोरिन्‍थि 4:4

काङ्‌टाङ्‌बामि आप्‍टिक के़ॽ लेसुङ्‌नि, तर मोसे़ॽ का चइबानोॽ आप्‍टिक मे़ॽनिङ्‌मागो लिङानि। का न्‍याय ले़ःॽखुबागो परभुनोॽ ले़ये।

१ कोरिन्‍थि 5:8

मोडोगे़ॽ कानिङे़ॽ छुट्‌कारामि चाड चामाबेॽ खमिरबाङ टोङ्‌बॽआ चरेपा ए़ॽचामा लुबॽआ चाहिँ बिस्‍वासि हिङ्‌मवाबेॽ मङे़हानुङ दुस्‍ट निवा खिनुङ ने़ॽनि, चाइबमानुङ पबित्‍रा लिमानुङ हिङ्‌मे़ लुबॽआ ले़ये।

२ कोरिन्‍थि 1:17

इमा का आप्‍माबेॽ इमाङ मे़मिॽलेॽ आप्‍सिॽपोरोक्‍पॽआ मिडानिङे ? घरि नुये, घरि फे़न्‍निबा लुनुङ इमा के़ॽ काङ्‌मि नुबामि लागि लुबॽआडे ?

२ कोरिन्‍थि 11:3

तर सैतानडे़ॽ पुसे़ॽ लिनुङ हब्‍बा रेम्‍बॽआडोॽ मोसे़ॽ हे़निङ्‌मि खिरिस्‍टबेॽ टिबॽआ सोझोनुङ चोखो भक्‍तिनुङ्‌मा निवासो नासि ले़न्‍डुएन्‍डे लुनुङ का किस्‍सिटिङे।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

२ कोरिन्‍थि 4:2

कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

२ कोरिन्‍थि 8:8

के़ॽ इगो खा आग्‍या ले़ःॽपॽआ ने़ॽनि, तर हाइखाजिमि जोसनुङ सोरि योम्‍नुङ हे़निङे़ॽ हाइखाजि ले़ःॽपॽआ नम्‍नम चाइबमा ले़येन्‍डे ले़ःॽनिबा लुनुङ लेडोक्‍मामि लागि इडोॽ ले़ःॽपॽआ ले़ये।

गलाति 6:4

चोबे़ॽ टाङ्‌बामि आनिबानि टाङ्‌बे़ॽ नुरोॽ खाक्‍सुजिरो। नुबा ले़ःॽहोङ साप्‍थाङ्‌रो, तर हाइखाजिबाङ के़ॽनोॽ नुबा ले़टुङ अथबा कानोॽ नुबा मिॽनुङ बेॽए मे़रे़ङ्‌रो।

एफिसि 6:14

हागो येःपुक्‍नुङ पोरोगानिङे। चाइबमा खा हे़निङ्‌मि सुमरिकपेॽ थोङ्‌माइडोॽ हिःगानुमे, मोबा धारमिक खा चाहिँ हे़निङ्‌मि रच्‍छेमि लागि हेप्‍सोक पाताडोॽ चाक्‍सानुमे।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

१ थेस्‍लोनिकि 2:10

हे़निङ बिस्‍वासिजिनुङ टुमाबेॽ कानिङ पबित्‍रा, धरमिनुङ आप्‍टिक मे़ॽनिङ पेनिङ्‌मा। इगो खामि लागि साक्‍छि निवाहाङ्‌नुङ हे़निङ्‌नोॽ टुन्‍डानिङे।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

हिब्‍रु 13:18

कानिङ्‌मि लागि पारथना ले़टानुमे। कानिङे़ॽ बिस्‍वास ले़न्‍डुङ्‌मे, कानिङ्‌मि होङ्‌सिॽयुए निवा चोखो ले़ये, इन्‍ढोङ्‌होङ कानिङे़ॽ सानिङ नुबा योम्‍बोक ले़ःॽमारेॽ मिॽइन्‍डुङ्‌मे़।

याकुब 4:6

तर निवाहाङ्‌डे़ॽ हागोसो बेॽलो अनुग्‍रहा ले़ये। मोडोगे़ॽ पबित्‍रा धरमिक नेॽचिराबेॽ इडोॽ साप्‍पॽआ ले़ये, “निवाहाङ्‌डे़ॽ काङायोङ्‌बाजिमि बिरोध ले़न्‍डुए, तर ए़डे़म्‍मा लिघुबाजि अनुग्‍रहा ले़न्‍डुजे।”

१ पत्‍रुस 3:16

तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।

१ पत्‍रुस 3:21

इगो योङानोॽ आइ याॽमिजिडे़ॽ लामे बप्‍तिस्‍मामि चिङ्‌गा ले़ये, मोसे़ॽ हे़निङ हिङ्‌माराप्‍मिये। इगो हिङामि मिक्‍नुवा वासोक्‍पॽआडोॽमा ने़ॽनिबा, तर इगो चोखो निवाडे़ॽ निवाहाङ्‌नुङ ले़ःॽपॽआ बेॽए हेन्‍ज्‍रुङ ले़ये। येसु खिरिस्‍ट सिबॽआबाङ हिङ्‌बोक्‍पॽआसे़ॽ बप्‍तिस्‍माडे़ॽ हे़निङ हिङ्‌मेन्‍डानिङे।