२ कोरिन्‍थि 1:11 - याम्फु

¹¹ हे़निङे़ॽसो कानिङ्‌मि लागि पारथना ले़ःॽनुङ सहायता ले़ःॽमा खे़ये। इडोॽ बेॽलो कानिङ्‌मि लागि पारथना ले़ःॽमाबेॽ मोमि साटो निवाहाङ्‌डे़ॽ कानिङ आसिस पिये, मोबा बेॽलो याॽमिजिडे़ॽ कानिङ्‌मि लागि निवाहाङ ओहाक पिन्‍डुजे।

२ कोरिन्‍थि 1:11 Iomraidhean Croise

एप्‍पा चोङ्‌सा 12:5

पत्‍रुस तिरिङ्‌गा खिमबेॽ टुमाबेॽ मन्‍डलिबेॽहा याॽमिजिडे़ॽ खोमि लागि बेॽलो पारथना ले़ःॽमे़ॽनिङ्‌सिडुजे।

२ कोरिन्‍थि 4:15

इघा चोप खा हे़निङ्‌मि लागिनोॽ लिबॽआ ले़ये, इन्‍ढोङ्‌होङ इन्‍डोक बेॽलो याॽमिजिडे़ॽ निवाहाङ्‌मि अनुग्‍रहा चुप्‍मिन्‍डुजे, मोडोक्‍नोॽ बेॽलो खोजिडे़ॽ निवाहाङ्‌मि महिमामि लागि ओहाक पिन्‍डुजे।

२ कोरिन्‍थि 9:14

हे़निङ्‌बेॽ निवाहाङ्‌डे़ॽ इडोॽ बेॽलो अनुग्‍रहा ले़ःॽपॽआ खाङ्‌नुङ माहाजिडे़ॽ बेॽलो नम्‍नम ले़ःॽनुङ हे़निङ्‌मि लागि पारथना ले़न्‍डुजे।

फिलिप्‍पि 1:19

इन्‍ढोङ्‌होङ के़ॽ लेनुङे़, हे़निङ्‌मि पारथनानुङ येसु खिरिस्‍टमि होङ्‌निवाडे़ॽ पिबॽआ सहायताडे़ॽ का इगोबाङ लेॽखे़ङे।

कलस्‍सि 4:3

के़ॽ सुसमाचार परचार ले़ःॽपॽआसे़ॽ का तिरिङ्‌गा खिमबेॽ से़क्‍सिघे़टिङे। हागो खिरिस्‍टमि टुम्‍बेॽए लेमा छॽइये खा याॽमिजि परचार ले़ःॽमामि निवाहाङ्‌डे़ॽ कानिङ राम हेम्‍बेॽलो लुनुङ कानिङ्‌मि लागि पारथना ले़टानुमे।

१ थेस्‍लोनिकि 5:25

वावानिसानुङ नानुसाजि, कानिङ्‌मि लागिसो पारथना ले़ःॽपेॽमाजे।

२ थेस्‍लोनिकि 3:1

चोप्‍पाङ ए़क्‍साङ, वावानिसानुङ नानुसाजि, हे़निङे़ॽ निवाहाङ्‌मि सुसमाचार सम्‍मान ले़टिडोॽ हाइखा चोप ठाउँबेॽ निवाहाङ्‌मि बचन फोप्‍पुक्‍नुङ चोप याॽमिजिडे़ॽ सम्‍मान ले़ःॽहेसुजिरो लुनुङ कानिङ्‌मि लागि पारथना ले़ःॽपेॽमा।

फिलेमोन 1:22

इगो खानुङ्‌नोॽ हाइको खासो हे़न लुन्‍ने़, हे़निङ्‌मि पारथनाडे़ॽ कासो हे़न टुढाम ठाउँबेॽ लेङ्‌हेङा लुमे आसा युङ्‌इटुङे। मोबा काङ्‌मि लागिसो पेन्‍ढाम कोठा पोरोक्‍पेॽमायो।

हिब्‍रु 13:18

कानिङ्‌मि लागि पारथना ले़टानुमे। कानिङे़ॽ बिस्‍वास ले़न्‍डुङ्‌मे, कानिङ्‌मि होङ्‌सिॽयुए निवा चोखो ले़ये, इन्‍ढोङ्‌होङ कानिङे़ॽ सानिङ नुबा योम्‍बोक ले़ःॽमारेॽ मिॽइन्‍डुङ्‌मे़।