१ तिमोथि 6:6 - याम्फु

⁶ इमाङ इमाङ टाङ्‌बानुङ टुहा मो थोकबेॽ साप्‍थाङ्‌माहोङ निवाहाङ्‌मि रामबेॽ राम्‍माबेॽ छना बेॽलो फाइदा लिये।

१ तिमोथि 6:6 Iomraidhean Croise

लुका 12:15

मोबा मोबेॽ सुम्‍बॽआ याॽमिजि लुसुजि, “होसियार ले़टानिङे! चोप खालहा खा के़ङ्‌गे़ङ ए़मिॽटानुमे इन्‍ढोङ्‌होङ याङ्‌सरावा बेॽलोनोॽ टुहोङ्‌सो मोसे़ॽ याॽमिजि चाइबमा हिङ्‌मवा पिहेसुनिबा।”

लुका 3:14

तिरिङ्‌गाजिडे़ॽसो सिप्‍सुजि, “कानिङे़ॽ इमाङ्‌डे ले़ःॽमा खे़ये ?” युहन्‍नाडे़ॽ माहाजि लुसुजि, “येॽयेॽ ले़ःॽनुङ अथबा मे़ले़ःॽपॽआ खामि आप्‍टिक टिनुङ असानुङ्‌सो याङ ए़ॽलासानुमे। टाङ्‌बामि नमयाकपेॽनोॽ सोन्‍तोक ले़टानिङे।”

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

फिलिप्‍पि 1:21

इन्‍ढोङ्‌होङ का हिङ्‌मा खिरिस्‍टमि योम्‍बोक ले़ःॽमामि लागि ले़ये। सिमागो काङ्‌मि लागि छना नुबानोॽ लिये।

१ तिमोथि 4:8

आढा याॽमिडे़ॽ लुन्‍डुजे “तालिमडे़ॽ हिङामि लागि नुबा लिये मोबाङ्‌सो बेॽलो निवाहाङ्‌डे़ॽ नेन्‍जाये योम्‍बोकपेॽ तालिम ले़ःॽमाहोङ बेॽलो नुबा लिये। इगोसे़ॽ हागोए हिङ्‌मवामिनुङ ए़क्‍साङ्‌ए हिङ्‌मवामि लागि नुबा लिये हेन्‍ज्‍रुङ हे़ङ्‌इन्‍डुहा।”

१ तिमोथि 6:8

मोडोगे़ॽ कानिङ चामानुङ चाङ्‌मा के़ॽहोङ कानिङ साप्‍थाङ्‌मा खे़ये।

हिब्‍रु 13:5

याङ्‌सरावामि लोभबाङ हे़निङ ओः पेनानिङे, टाङ्‌बानुङ इन्‍डोक टुहा, टाङ्‌बे़ॽ इन्‍डोक चुप्‍इटानुमे मोडोक्‍पेॽ हे़निङ साप्‍थक्‍सानिङे। इन्‍ढोङ्‌होङ निवाहाङ्‌डे़ॽ लुटे़, “के़ॽ हे़निङ इन्‍डोक्‍पेॽसो याःॽयानिम्‍नानि, ‘के़ॽ हे़निङ इन्‍डोक्‍पेॽसो लेॽआनिम्‍नानि’।”