१ तिमोथि 6:18 - याम्फु

¹⁸ नुबा योम्‍बोक ले़ःॽखुबाजि, बेॽलो नुबा योम्‍बोकमि टाङायोङ्‌बाजि, निवादाङ्‌बाजिनुङ हाइखाजिनुङ हाःजाखुबाजि लिमे लुनुङ आग्‍या पिसाजे।

१ तिमोथि 6:18 Iomraidhean Croise

मत्‍ति 5:42

मोडोक्‍नोॽ हे़निङ्‌नुङ ङाःक्‍खुबाजि पिसानुमे, सिङि ङाःक्‍खुबाजि सिङि पिसानुमे।

लुका 12:21

मोबा येसुडे़ॽ मो खानवा इडोक्‍पेॽनोॽ येॽसाङ लुसु, “टाङ्‌बामि लागि याङ्‌सरावा सुम्‌युङ्‌घुबा, तर निवाहाङ्‌मि लागि याङ्‌सरावा मे़सुम्‍खुबा याॽमिजिमि दसा इडोक्‍नोॽ लिये।”

लुका 3:11

खोसे़ॽ माहाजि लुसुजि, “असानुङ निच्‍चि लॽलिङ टुहा मोसे़ॽ इक्‍को लॽलिङ, इक्‍को मे़ङ्‌काप्‍खुबा पिसुरो। मोडोक्‍नोॽ चामा उङ्‌मा काप्‍खुबे़ॽ मे़ङ्‌काप्‍खुबा पिसुरो।”

एप्‍पा चोङ्‌सा 10:38

निवाहाङ्‌डे़ॽ नासरतबेॽए येसु पबित्‍रा होङ्‌निवामि सक्‍ति पिसु। मोबा खोनुङ निवाहाङ टुबॽआसे़ॽ खोसे़ॽ याॽमिजि भलाइमि योम्‍बोकनुङ सैतानडे़ॽ चुङ्‌जाबॽआजि नुबोक्‍साङ चोपराजि राम्‍डुसा।

एप्‍पा चोङ्‌सा 11:29

अगाबसमि इगो खा खेम्‍नुङ एन्‍टिओकबेॽहा परभुमि चोङ्‌साजिडे़ॽ खोजिडे़ॽ पिहेरो भेटि सहायोग यहुदियाबेॽ पेङ्‌घुबा वावानिसाजि पिमे निवा ले़टुजि।

एप्‍पा चोङ्‌सा 9:36

योप्‍पा लुमे सहरबेॽ तबिता निङ ले़ःॽखुबा इक्‍को परभुबेॽ बिस्‍वास ले़ःॽखुबा मेॽनामिॽ टुसे़। खोमि निङ डोरकास ले़टे़। खोसे़ॽ सानिङ्‌नोॽ इमाङ मे़ङ्‌काप्‍खुबाजि सहायोग ले़ःॽमे योम्‍बोक ले़टुए।

रोमि 12:13

निवाहाङ्‌मि योम्‍बोक ले़ःॽखुबाजि खाँचोबेॽ सिॽमाबेॽ सहायता ले़टानुमे, चाबाङ्‌जिमि नुरोॽ सेवा ले़टानुमे।

रोमि 12:8

अरति पिमे बरदान चुप्‍खुबे़ॽ नुरोॽ अरति पिसुरो, दान पिमे बरदान चुप्‍खुबे़ॽ साप्‍थाङ्‌मानुङ दान पिसुरो, अगुवामि बरदान चुप्‍खुबे़ॽ पुरा निवा टिनुङ योम्‍बोक ले़टुरो, नम्‍नावा ले़ःॽमे बरदान चुप्‍खुबे़ॽ साप्‍थाङ्‌मानुङ याॽमिजि नम्‍नावा ले़टुजिरो।

१ कोरिन्‍थि 16:2

सातामि याक्‍लोए याक हे़निङ चोबे़ॽ टाङ्‌बा टाङ्‌बामि नमयाकबाङ इन्‍डोक पिहेन्‍डानुमे हायुक्‍सानुमे, मोडोॽ ले़ःॽमाहोङ का लेम्‍माबेॽ भेटि सुम्‍मा पाप्‍निबा।

२ कोरिन्‍थि 8:12

इन्‍ढोङ्‌होङ हे़निङ पिमा मिङ्‌इन्‍डानुमहोङ टाङ्‌बानुङ इमाङ टुहा माहा खानोॽ पिबॽआनोॽ निवाहाङ्‌डे़ॽ नेन्‍जोन्‍डुहा, तर हे़निङ्‌नुङ्‌नोॽ माॽअहा खा पिमा लुनिबा।

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

एफिसि 4:28

हागो खुसुबाङ्‌डे़ॽ खुमा लेॽनुङ नुबा योम्‍बोक ले़चारो। मोबा मोसे़ॽ खाँचोबेॽ सिॽपॽआजि पिहेसुरो।

१ तिमोथि 5:10

खो नुबा नुबा योम्‍बोक ले़ःॽनुङ आदरनुङ्‌मा लिमा खे़ये। खोसे़ॽ पसाजि नुरोॽ कुबॽआ, चाबाङ्‌जि नुरोॽ सेवा ले़ःॽपॽआ, निवाहाङ्‌मि याॽमिजिमि सराङ वसोक्‍पॽआ, दुःखबेॽ सिॽपॽआ याॽमिजिमि सेवा ले़ःॽपॽआ, खो सानिङ्‌नोॽ नुबा नुबा योम्‍बोक ले़ःॽयाङ लिमा खे़ये।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

तितस 3:8

इगो खा चइबानोॽ ले़ये। निवाहाङ्‌बेॽ बिस्‍वास ले़ःॽखुबाजिडे़ॽ नुबा योम्‍बोक्‍पेॽ निवा टिसानुमे लुनुङ हे़ने़ॽ इन्‍डोॽहोङ्‌सो इःॽपॽआ के़ॽ नेन्‍जानुङे। इघा नुबा योम्‍बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।

हिब्‍रु 13:16

इक्‍कोसे़ॽ हाइकोमि लागि भलाइमि योम्‍बोक ले़ःॽमा ए़लेडानुमे, मोबा टाङ्‌बानुङ टुहा खा हाःजासानुमे, इन्‍ढोङ्‌होङ निवाहाङ्‌डे़ॽ नेन्‍जाबॽआ बलिदान इगोनोॽ ले़ये।

याकुब 2:5

के़हा वावानिसानुङ नानुसाजि खेप्‍सानुमे, निवाहाङ्‌डे़ॽ इगो मक्‍खाम्‍डेमबेॽहा गरिबजि बिस्‍वासबेॽ टाङायोङ्‌बा टोङ्‌मामि, मो राज्‍यमि उत्‍तराधिकारि लिमामि सेङ्‌इटुजे ने़ॽने ? खोसे़ॽ इगो राज्‍यनोॽ खो नम्‍नम ले़ःॽखुबाजि पिनुङ्‌हाजि लुनुङ चुप्‍लाङ हे़म्‍बॽआ ने़ॽनेन्‍डे ?

१ पत्‍रुस 3:11

खो मङे़हा योम्‍बोक लेॽनुङ नुबा योम्‍बोकलाम टेमा खे़ये। खोसे़ॽ सान्‍तिनुङ्‌मा रामबेॽ राम्‍मा खे़ये।

१ युहन्‍ना 3:17

मक्‍खाम्‍डेमबेॽ बेॽलो याङ्‌सरावा काप्‍खुबाडे़ॽ खाँचोबेॽ सिॽपॽआ वावानिसा सहायता मे़ले़ःॽहेसुहोङ मो याॽमिडे़ॽ निवाहाङ इन्‍डोक्‍टे नम्‍नम ले़न्‍डुए।

३ युहन्‍ना 1:11

के़ए़ निसा, मङे़हा योम्‍बोक असाबाङ्‌सो ए़ॽचिम्‍मे़, तर भलाइमि योम्‍बोकरेॽ चिम्‍मे़। भलाइ ले़ःॽखुबा निवाहाङ्‌बाङ्‌ए ले़ये, मङे़हा योम्‍बोक ले़ःॽखुबाडे़ॽ निवाहाङ लेनोॽ लेसुनिबा।