१ तिमोथि 6:14 - याम्फु

¹⁴ हे़न असे़ॽसो आप्‍टिक मे़न्‍टिहेसुजिरो लुनुङ इगो आग्‍या कानिङ्‌मि परभु येसु खिरिस्‍ट फेरि मे़लेङ्‌रो नुरोॽ पालना ले़टे।

१ तिमोथि 6:14 Iomraidhean Croise

१ कोरिन्‍थि 1:8

कानिङ्‌मि परभु येसु खिरिस्‍ट लेङ्‌इये याकपेॽ हे़निङ आप्‍टिक मे़ॽनिङ युङ्‌मामि खोसे़ॽ ए़क्‍साङ्‌रो बिस्‍वासबेॽ बोलियो टोङ्‌इये।

एफिसि 5:27

मोबा कानिङ बिस्‍वासिजि पबित्‍रा, आप्‍टिक मे़ॽनिङ्‌मा, खोट मे़ॽनिङ्‌मानुङ चोप खाबेॽ नुबा लिबॽआ खिरिस्‍टमि मन्‍डलि टोङ्‌मामि लागि इडोॽ ले़टु।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 1:6

मोबा निवाहाङ्‌डे़ॽ हे़निङ्‌बेॽ मुक्‍तिमि योम्‍बोक तरिक्‍इटुए। येसु खिरिस्‍ट फेरि लेङ्‌इये याकठोक्‍पेॽ निवाहाङ्‌डे़ॽ मो नुबा योम्‍बोक येॽएन्‍डुए लुनुङ के़ॽ चइबानोॽ बिस्‍वास ले़नुङे।

फिलिप्‍पि 2:15

मोडोॽ ले़टानुमहोङ हे़निङ चाहिँ सुधोनुङ आप्‍टिक मे़ॽनिङ्‌हाजि लिनुङ पापिनुङ मङे़हा याॽमिजिमि रुम्‍बेॽ निवाहाङ्‌मि खोट मे़ॽनिङ्‌हानुङ चोखो पसाजि लिन्‍डानिङे। हे़निङे़ॽ साङ्‌गेडे़ॽ सेन्‍जुगुपेॽ उज्‍यालो टोङ्‌डिडोॽ माहाजिमि रुम्‍बेॽ उज्‍यालो टोङ्‌मा खे़ये।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

कलस्‍सि 4:17

मोबा परभुडे़ॽ अरखिप्‍पस पिबॽआ योम्‍बोक इन्‍डोॽहोङ्‌सो पुरा ले़ःॽसेॽमे लुनुङ लुबेॽटानुमे।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

२ थेस्‍लोनिकि 2:1

वावानिसानुङ नानुसाजि, कानिङ्‌मि परभु येसु फेरि लेङ्‌इये लुमे खामि टुम्‍बेॽनुङ खो चुप्‍सिॽ कानिङ चोप सुम्‍इन्‍डिङ्‌मा लुमे खामि टुम्‍बेॽ हे़निङ बिन्‍ति ले़निम्‍ने़।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

२ तिमोथि 4:1

निवाहाङ्‌मि पोम्‍बेॽ मोबा सिघे़ॽपॽआजिनुङ हिङ्‌रिकजिमि न्‍याय ले़ःॽसिॽ लेङ्‌खुबा खिरिस्‍ट येसुमि पोम्‍बेॽ मोबा खिरिस्‍ट लेङ्‌इये खानुङ खोमि राज्‍य निवाबेॽ मिॽसाङ के़ॽ हे़न इडोॽ आग्‍या ले़न्‍ने़,

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:19

हे़निङ खिरिस्‍टमि इन्‍नोॽइन्‍हेनिबा हरिडे़ॽ छुट्‌कारा पिटे़। खो चोखो, इक्‍कोसो आप्‍टिक मे़ॽनिङ्‌मा थुमा ले़टा।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

२ पत्‍रुस 2:21

इन्‍ढोङ्‌होङ माहाजि पिबॽआ पबित्‍रा आग्‍या लेनुङ्‌सो फेरि मङे़हा खाबेॽनोॽ टेघे़म्‍मिहोङ्‌गो बोरु खोजिडे़ॽ धारमिक खानोॽ मे़लेबॽआहोङ्‌सो नुडे़।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

२ पत्‍रुस 3:2

याक्‍लो याक्‍लोहा अगमबक्‍ताजिडे़ॽ पिबॽआ सिक्‍छे, मोबा एप्‍पा चोङ्‌साजिडे़ॽ खेम्‍मेॽपॽआ कानिङ्‌मि परभु मुक्‍तिदाङ्‌बामि आग्‍या हे़निङे़ॽ मिॽयुक्‍सानुमे।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।