१ तिमोथि 6:12 - याम्फु

¹² हे़ने़ए़ बिस्‍वासमि लागि नुरोॽ ङे ले़टेनुङ ए़ॽसिघे़ॽमे हिङ्‌मवा नुरोॽ जोगा ले़टे। इन्‍ढोङ्‌होङ इगोमि लागिनोॽ हे़न निवाहाङ्‌डे़ॽ के़ए़टे़। मोडोक्‍पेॽ हे़ने़ॽ खिरिस्‍टबेॽ टुये बिस्‍वासमि टुम्‍बेॽ बेॽलो साक्‍छिजिमि पोम्‍बेॽ लुटुए।

१ तिमोथि 6:12 Iomraidhean Croise

२ कोरिन्‍थि 6:7

चाइबमा खा यामुनुङ निवाहाङ्‌मि सक्‍तिडे़ॽ योम्‍बोक ले़ःॽपॽआ लुनुङ खाङ्‌मुसुङ्‌मा। याॽमिजिनुङ काक्‍मा सिॽहोङ्‌सो कानिङ्‌नुङ हतियार टुये, मो हतियार लुबॽआ चाहिँ निवाहाङ्‌डे़ॽ नेन्‍जामारोमा हिङ्‌मवा हिङ्‌मानोॽ ले़ये।

२ कोरिन्‍थि 9:13

इडोक्‍हा योम्‍बोकबाङ हे़निङ इन्‍डोक्‍हा याॽमिजि ले़न्‍डानिङे लुनुङ खाङ्‌मुये। खिरिस्‍टमि सुसमाचारमि लागि हे़निङे़ॽ भक्‍तिनुङ नुबा निवाडे़ॽ हाइखाजिमि लागि पिबॽआ खाङ्‌नुङ याॽमिजिडे़ॽ निवाहाङ ओहाङ ले़न्‍डुजे।

फिलिप्‍पि 1:30

याक्‍लोहा याकपेॽ के़ॽ आङ्‌बॽआ चुङ्‌जामा खेः हे़निङे़ॽ खाङ्‌इटानुमेनुङ मो आयुसो के़ॽ आङ्‌मे़ॽसिनुङे मो खेः हे़निङ चोबे़ॽसो आङ्‌मे़ॽसिन्‍डानुमे।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

२ थेस्‍लोनिकि 2:14

इगो खामि लागिनोॽ कानिङे़ॽ खेम्‍मेॽपॽआ सुसमाचारबाङ कानिङ्‌मि परभु येसु खिरिस्‍टडे़ॽ चुप्‍पॽआ महिमा चुप्‍मामि लागि खोसे़ॽ हे़निङ के़ए़टे़।

१ तिमोथि 1:18

खेप्‍से, हे़न के़ए़न्‍नोॽ पसाडोॽमा तिमोथि, बेॽलो याक्‍लो हे़ने़ए़ टुम्‍बेॽ निवाहाङ्‌बाङ्‌ए खाडे़ॽ लुबॽआडोॽ के़ॽ हे़न मिन्‍डुहा खा लुन्‍ने़। नुबा योम्‍बोक ले़ःॽमामि निवाहाङ्‌डे़ॽ लुबॽआ मो खाबाङ हौसला चुप्‍नुङ सुसमाचारमि लागि नुरोॽ ङे ले़टे।

१ तिमोथि 1:19

मोडोक्‍पेॽ हे़ने़ॽ आमटाङ्‌बामि बिस्‍वास, मोबा नुबानुङ मङे़ॽमा लेमे निवा नुरोॽ हुप्‌युङ्‌मे़। मो निवाडे़ॽ लुबॽआ खा मे़ङ्‌खे़म्‍खुबाजिडे़ॽ टाङ्‌बामि बिस्‍वासनोॽ मे़चोबेसुजि।

१ तिमोथि 4:14

हे़न्‍नुङ टुहा बरदान हेला ए़ॽले़टे। मो बरदान मन्‍डलिबेॽहा अगुवाजिडे़ॽ हे़न सोक्‍पेॽ खोजिमि हुक युङ्‌माबेॽ अगमबानिबाङ हे़ने़ॽ चुप्‍मिटुए।

१ तिमोथि 6:13

चोप थोक हिङ्‌मवा पिघुबा निवाहाङ्‌नुङ पन्‍तियस पिलातसमि पोम्‍बेॽ चाइबमा खामि साक्‍छि पिघुबा येसु खिरिस्‍टमि पोम्‍बेॽ इगो आग्‍या पिन्‍ने़,

१ तिमोथि 6:19

इडोॽ खोजिडे़ॽ ए़क्‍साङ्‌ए चाइबमा हिङ्‌मवामि लागि याङ्‌सरावा सुप्‍सुजिरो। खोजिमि लागि मो ए़क्‍साङ्‌ए हिङ्‌मवामि नुबा जग लिये। मोबारेॽ खोजिडे़ॽ ए़क्‍साङ्‌ए चाइबमा हिङ्‌मवा चुप्‍मिन्‍डुजे।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

२ तिमोथि 2:2

बेॽलो साक्‍छि पिघुबा याॽमिजिमि रुम्‍बेॽ हे़ने़ॽ काबाङ चिम्‍बॽआ सिक्‍छे, नुरोॽ इःॽलेघुबा हाइखा बिस्‍वासि याॽमिजिमि जिम्‍माबेॽ पिसाजे।

२ तिमोथि 4:7

के़ॽ काङ्‌मि ङे नुरोॽ ले़ःॽसेटुङे। के़ए़ पिम्‍मे योम्‍बोक येॽपेटुङेनुङ काङ्‌मि बिस्‍वास हिङ्‌रिकनोॽ युङ्‌इटुङे।

हिब्‍रु 13:23

कानिङ्‌मि निसा तिमोथि से़क्‍सिघे़ॽपॽआबाङ लेॽपेबॽआ खा हे़निङ लुनिम्‍ने़। तिमोथि चान्‍डोनोॽ इगोबेॽ लेङ्‌होङ खोसो कानुङ्‌सोरि हे़निङ्‌बेॽ चिॽआप्‍मिनुङे।

हिब्‍रु 3:14

कानिङे़ॽ याक्‍लो बिस्‍वास ले़ःॽमाबेॽ खोबेॽ भरोसा ले़टिडोॽ ए़क्‍साङ्‌ठोक बिस्‍वासनुङ्‌मा लिन्‍डिङ्‌माहोङ कानिङ खिरिस्‍टनुङ हकदार लिन्‍डिङ्‌मा।

हिब्‍रु 6:18

हागो निच्‍चि खा टुहा, माहा फेङ्‌घे़ॽनिहा खामि टुम्‍बेॽ निवाहाङ मे़ॽनोॽमा लिनिबा। मोडोगे़ॽ खोबेॽ बिस्‍वास ले़ःॽखुबाजिडे़ॽ कानिङ्‌मि पोम्‍बेॽ युङ्‌बॽआ आसा ले़टुङ्‌घे़ॽमे़ हौसला चुप्‍मिटुङ्‌मे।

१ पत्‍रुस 3:9

हे़निङ मङे़ॽमा ले़ःॽखुबा हाइखा याॽमिजि हे़निङे़ॽसो मङे़ॽमा ए़ले़टानुमे, खोजिडे़ॽ चापहिमिहोङ्‌सो हे़निङे़ॽ चाहिँ खोजि मोडोक्‍नोॽ ए़ले़टानुमे। बोरु मोमि साटो आसिस पिसानुमे, इन्‍ढोङ्‌होङ निवाहाङ्‌डे़ॽ हे़निङ आसिस पिमामि लागिनोॽ के़ॽपॽआ ले़ये।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

१ युहन्‍ना 2:25

खोसे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ खा चाहिँ, ए़ॽसिमे हिङ्‌मवा ले़ये।

यहुदा 1:3

लङ्‌गामजि, कानिङ चोबे़ॽ चुप्‍पॽआ मुक्‍तिमि टुम्‍बेॽए खा हे़निङ साप्‍हाङ्‌मा बेॽलो मिॽटुङ। तर मोमि साटो निवाहाङ्‌मि भक्‍ति ले़ःॽखुबाजि सानिङ्‌मि लागि पिबॽआ बिस्‍वास जोगा ले़ःॽयुङ्‌मा खे़ये लुनुङ साप्‍हाङ्‌मा चाहिँ छना नुबा मिॽटुङ।

परकास 3:3

मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।