१ तिमोथि 6:10 - याम्फु

¹⁰ इन्‍ढोङ्‌होङ याङ्‌मि लोभ ले़ःॽमानोॽ चोप खालहा मङे़हा खामि टुम्‍बिरा ले़ये। इन्‍डोॽ याॽमिजि याङ लोभ ले़ःॽनुङ निवाहाङ्‌बेॽ बिस्‍वास ले़ःॽमानोॽ ले़ःॽपेटुजे मोबा बेॽलो खेःडे़ॽ खोजिमि चुवाबेॽ खाॽइटुए।

१ तिमोथि 6:10 Iomraidhean Croise

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

मत्‍ति 23:13

“हे़निङ इनामा, हे़निङ धारमिक नियम इःॽखुबानुङ फरिसिजि! कप्‍टिजि, इन्‍ढोङ्‌होङ हे़निङे़ॽ याॽमिजिमि पोम्‍बेॽ थाङ्‌सिरिमि राम्‍डेम से़ॽइन्‍डानुमे। हे़निङ्‌टाङ्‌बासो पे़खडानिङ्‌ने, हाइखाजिसो पे़खे़ॽमेॽटानुम्‍ने।

मत्‍ति 6:19

“टाङ्‌बामि लागि इगो मक्‍खाम्‍डेमबेॽ याङ्‌सरावा ए़ॽनोःक्‌युक्‍सानुमे, इगोबेॽ पुजिक्‍नुङ खियाडे़ॽ चोबेन्‍डुहानुङ खुसुबाङ्‌जिडे़ॽ खुघे़न्‍डुजे।

मरकुस 4:19

मोबा माहाजिडे़ॽ निवाहाङ्‌मि सिक्‍छे खेम्‍गो खेम्‍इन्‍डुजे तर इगो मक्‍खाम्‍डेमबेॽहा सुरता, याङ्‌सरावामि नम्‍नमडे़ॽ मो बचन मिन्‍डेन्‍डुजे मोबा इक्‍कोसो चा किङ्‌निबा।

कलस्‍सि 3:5

मोडोगे़ॽ हे़निङ्‌मि हिङ्‌मवाबेॽ टुहा इडोक्‍हा पापि योम्‍बोक बेभिचार, असुद्‌ध खा, छाडा निवा, मङे़हा निवानुङ खिक्‍तुबाङ निवा इघा चोप मुरति पुजा निवाबाङ राप्‍पेसानुमे।

१ तिमोथि 3:3

इ, टोप्‍टे़ॽवा मे़उङ्‌खुबा याॽमिजिनुङ खिमाचुमा मे़योक्‍खुबा लिमा खे़ये। खोगो सहनसिल लिमा खे़ये, याङ्‌सरावामि लोभ ले़ःॽमा फे़न्‍निबा।

१ तिमोथि 6:21

इन्‍डोक याॽमिजिडे़ॽ मोडोक्‍हा खाबेॽ निवा टिनुङ निवाहाङ्‌मि रामबाङ टेघे़टामे। हे़निङ चोपनुङ निवाहाङ्‌मि अनुग्‍रहा टुडुङ्‌घे़ॽरो।

१ तिमोथि 6:9

तर टाङायोङ्‌बा लिमा योक्‍खुबाजि लोभबेॽ सिॽइम्‍मेनुङ रेम्‍सिघे़म्‍मे। माहाजि योम्‍बोक मे़ॽनिङ्‌हा खानुङ नासि लिये हिङ्‌मवाबेॽ सिॽइम्‍मे इघा खाडे़ॽ माहाजि नासि लिम्‍मे।

२ तिमोथि 3:2

इन्‍ढोङ्‌होङ मोडोक्‍पेॽहा याॽमिजि टाङ्‌बारेॽनोॽ नम्‍नम ले़ःॽखुबा, याङ्‌मि बेॽलो लोभ ले़ःॽखुबा, काङायोङ्‌बा, लुबॽआ खा मे़ङ्‌खेम्‍खुबा, हाइखाजि बेजेत ले़ःॽखुबा, पाबा मामामि खा मे़ङ्‌खेम्‍खुबा, बैगुनि, असुद्‌ध,

२ तिमोथि 4:10

डेमासडे़ॽ इगो मक्‍खाम्‍डेम नम्‍नम मिॽइन्‍डुए, का याःॽयानुङ खो थेस्‍लोनिकिबेॽ खे़ॽए़टे़। मोबा केरेसेन्‍स गलातियाबेॽ खे़ॽए़टे़। तितस चाहिँ दलमतियाबेॽ खे़ॽए़टे़।

तितस 1:11

अक्‍खाजिमि योम्‍बोक से़क्‍मानोॽ खे़ये इन्‍ढोङ्‌होङ अक्‍खाजिडे़ॽको इःॽमानोॽ फे़न्‍निहा खा इःॽनुङ चोप खिमबेॽ खिमाचुमा ए़ङ्‌इटुजे। इघा चोप खा माहाजिडे़ॽ याङ टोङ्‌मामि लागिनोॽ इडोॽ ले़ए़टुजे।

याकुब 5:19

के़हा वावानिसानुङ नानुसाजि, हे़निङ्‌बेॽ कोहि याॽमि चाइबमा सिक्‍छेबाङ हाइको सिक्‍छेलाम खे़ॽहोङ खो टेआप्‍टानुमे।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।

परकास 18:13

मोबा सम्‍सुङ, चोप खालहा मसला, नाम्‍जानुहा धुपा, मुररा, उथ्‍रिॽमा धुपा, मद्‌य, केवा, मसिनो खाॽमि, गँहु, साँवा, पिक, सामु, घोडा, रथ, सेउते, सेउतेनिजिसो इनुजिने।