१ तिमोथि 5:18 - याम्फु

¹⁸ इन्‍ढोङ्‌होङ धारमिक नेॽचिराडे़ॽ लुये, “दाँइ ले़ःॽखुबा गोरुजिमि याबुकपेॽ काक्‍पा ए़ॽओम्‍डिबेॽटानुमे” मोबा “योम्‍बोक ले़ःॽखुबे़ॽ खोजिमि नमयाक चुप्‍मानोॽ खे़ये।”

१ तिमोथि 5:18 Iomraidhean Croise

मत्‍ति 10:10

रामबेॽ पाप्‍मिहा चाब्‍रा, फाल्‍टो चेॽ, फाल्‍टो राङ्‌सुपनुङ टोङ्‌इरा इमाङ्‌सो ए़क्‍खिसानुमे। इन्‍ढोङ्‌होङ खेत्‍लाडे़ॽ खोमि चामा चुप्‍मानोॽ खे़ये।

लुका 10:7

हाम्‍बे खिमडे़ॽ हे़निङ नुरोॽ ले़म्‍मे मो खिमबेॽनोॽ पेनानिङे, हाइखा खिमराजि ए़ॽपोबानिङे। माहाजिडे़ॽ इमाङ इमाङ चामा उङ्‌मा पिम्‍मे माहानोॽ चासानुमे, इन्‍ढोङ्‌होङ खेत्‍लाडे़ॽ योम्‍बोकमि नमयाक चुप्‍मानोॽ खे़ये।

रोमि 10:11

धारमिक नेॽचिराडे़ॽ इडोॽ लुये, “असे़ॽ येसु खिरिस्‍टबेॽ बिस्‍वास ले़न्‍डुए खो इन्‍डोक्‍पेॽसो ङेसिमाबेॽ सिॽनिबा।”

रोमि 11:2

निवाहाङ्‌डे़ॽ याक्‍लोएबाङ्‌नोॽ लेबॽआ टाङ्‌बामि याॽमिजि लेडुजिनि। एलियामि टुम्‍बेॽ पबित्‍रा धारमिक नेॽचिराबेॽ लुबॽआ खा हे़निङे़ॽ इमा लेसानुम्‍ने ? खोसे़ॽ इस्‍राएलिजिमि बिरोधबेॽ निवाहाङ्‌नुङ इडोॽ लुबॽआ ले़टे़,

रोमि 4:3

इन्‍ढोङ्‌होङ पबित्‍रा धारमिक नेॽचिराडे़ॽ लुये, “अब्‍राहामडे़ॽ निवाहाङ्‌बेॽ बिस्‍वास ले़टु। खोमि बिस्‍वासडे़ॽनोॽ खो निवाहाङ्‌मि पोम्‍बेॽ धरमि लिसा।”

रोमि 9:17

धारमिक नेॽचिराबेॽसो हाङ्‌बा फारो इडोॽ लुबॽआ ले़ये, “के़ॽ हे़न सोक्‍पेॽ के़ए़ सक्‍ति खाङ्‌मुनुङे मक्‍खाम्‍डेमबेॽ काङ्‌मि निङ लेमेॽमामि के़ॽ हे़न हाङ्‌बा टोङ्‌इटुङे।”

१ कोरिन्‍थि 9:14

इडोक्‍नोॽ सुसमाचार परचार ले़ःॽखुबाडे़ॽ सुसमाचारमि योम्‍बोकबाङ्‌नोॽ चामा उङ्‌मा चुप्‍टुजिरो लुमे परभुमि आग्‍या टुये।

गलाति 3:8

अयहुदिजि बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिम्‍मे लुमे खा याक्‍लोएम्‍बाङ्‌नोॽ धारमिक नेॽचिराबेॽ साप्‍पॽआ ले़टे़। मोडोगे़ॽ याक्‍लोनोॽ अब्‍राहाम इडोॽ लुमे सुसमाचार खेम्‍मेॽपॽआ ले़टे़, “हे़नबाङ्‌नोॽ चोप जातिहा याॽमिजिडे़ॽ आसिस चुप्‍मिन्‍डुजे।”

याकुब 4:5

“निवाहाङ्‌डे़ॽ कानिङ्‌बेॽ युङ्‌बेॽपॽआ होङ्‌निवामि लागि सारोनोॽ चेजेवा ले़न्‍डुए” लुमे खा धारमिक नेॽचिराबेॽ इमा मे़नोॽ साप्‍पॽआ ए़मिडानुमे।