१ तिमोथि 5:17 - याम्फु

¹⁷ मन्‍डलिबेॽ नुरोॽ योम्‍बोक ले़ःॽखुबा एल्‍डरजि आदर ले़ःॽमा खे़म्‍मेनुङ के़ॽलो नमयाक पिमा खे़म्‍मे, माहाजिबेॽसो बेॽलो निवाहाङ्‌मि बचन खेम्‍मेॽमामि दुःख ले़ःॽखुबानुङ बचन इःॽखुबाजि नमयाक पिमानोॽ खे़म्‍मे।

१ तिमोथि 5:17 Iomraidhean Croise

मत्‍ति 24:25

“मिॽयुक्‍सानुमे, इगो खा आयुनोॽ हे़निङ इःॽपेनिम्‍ने़।

लुका 10:7

हाम्‍बे खिमडे़ॽ हे़निङ नुरोॽ ले़म्‍मे मो खिमबेॽनोॽ पेनानिङे, हाइखा खिमराजि ए़ॽपोबानिङे। माहाजिडे़ॽ इमाङ इमाङ चामा उङ्‌मा पिम्‍मे माहानोॽ चासानुमे, इन्‍ढोङ्‌होङ खेत्‍लाडे़ॽ योम्‍बोकमि नमयाक चुप्‍मानोॽ खे़ये।

लुका 12:42

परभुडे़ॽ लुसु, “निवादाङ्‌बानुङ भरोसानुङ्‌मा भन्‍डारे चाहिँ इन्‍डोक्‍मा याॽमिडे लिये ? मायोङ्‌बाडे़ॽ खोमि खिमबेॽहा चोप योम्‍बोकमि जिम्‍मा पियेम्‍बाङ निवादाङ्‌बानुङ भरोसानुङ्‌मा भन्‍डारेडे़ॽ चाहिँ हाइखा योम्‍बोक ले़ःॽखुबाजि माक्‍मि, लेन्‍डानुङ युडा नुरोॽ चामा उङ्‌मामि टुङ्‌गो ले़ःॽपेन्‍डुजे।

युहन्‍ना 4:38

के़ॽ हे़निङे़ॽ बालि मे़न्‍टिबॽआ ठाउँबेॽ हे़क्‍सिॽ पाङ्‌इनिम्‍ने़। हाइखाजिडे़ॽ बालि टिसुजि मोबा खोजिमि बालिबाङ हे़निङे़ॽ फाइदा चुप्‍टानुम।”

एप्‍पा चोङ्‌सा 11:30

मोडोगे़ॽ माहाजिडे़ॽ इडोॽ सुम्‍बॽआ भेटि बारनाबासनुङ सावलमि हुकबाङ यहुदियाबेॽहा मन्‍डलिमि अगुवाजि पाङ्‌बेॽटुजि।

एप्‍पा चोङ्‌सा 20:35

के़ॽ ले़ःॽपॽआ चोप योम्‍बोकको के़ॽ हे़निङ्‌मि पोम्‍बेॽनोॽ खाङ्‌मेटुङे, ‘लाघुबाजिबाङ पिघुबाजि बेॽलो आसिस चुप्‍खुबाजि लिम्‍मे’ लुनुङ परभु येसु खोमदाङ्‌बे़ॽ लुबॽआ खा मिॽनुङ कमजोर याॽमिजिमि ले़ख्‍खो ले़टानुमेनुङ नुरोॽ योम्‍बोक ले़चासानिङे लुनुङ के़ॽ चोप खा खेम्‍मेॽनिम्‍ने़।”

एप्‍पा चोङ्‌सा 28:10

खोजिडे़ॽ कानिङ बेॽलो आदर ले़ःॽनुङ हुक्‍सोङ्‌सो पिसामि। ए़क्‍साङ कानिङ राम्‍बोक्‍माबेॽ कानिङ रामबेॽ पाप्‍मिहा थोकसो पिहाक्‍सामि।

रोमि 12:8

अरति पिमे बरदान चुप्‍खुबे़ॽ नुरोॽ अरति पिसुरो, दान पिमे बरदान चुप्‍खुबे़ॽ साप्‍थाङ्‌मानुङ दान पिसुरो, अगुवामि बरदान चुप्‍खुबे़ॽ पुरा निवा टिनुङ योम्‍बोक ले़टुरो, नम्‍नावा ले़ःॽमे बरदान चुप्‍खुबे़ॽ साप्‍थाङ्‌मानुङ याॽमिजि नम्‍नावा ले़टुजिरो।

रोमि 15:27

इघा भेटि खोजिडे़ॽ साप्‍थाङ्‌मानुङ सुम्‍इटुजे, चइबानोॽ लुमाहोङ माहा पिघुबा बिस्‍वासिजिडे़ॽ इघा यरुसलेमबेॽहा पबित्‍रा याॽमिजि पिमासो खे़ये, इन्‍ढोङ्‌होङ माहाजिबाङ लेम्‍बॽआ होङ्‌निवाबाङ पिबॽआ आसिस इघा अयहुदिजिडे़ॽ चुप्‍इटुजे। इडोक्‍नोॽ हाइखा याॽमिजिडे़ॽसो खाँचोबेॽ सिॽपॽआजि सहायता पिमा खे़म्‍मे।

रोमि 16:12

परभुमि योम्‍बोक निवा टिनुङ ले़ःॽखुबा तुरुफेनानुङ तोरोफोसासो काङ्‌मि सेवा लुबेॽमाजे। परभुमि योम्‍बोकपेॽ बेॽलोनोॽ दुःख ले़ःॽखुबा परसिससो काङ्‌मि सेवा लुबेॽमाजे।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 16:16

के़हा वावानिसानुङ नानुसाजि, इडोक्‍हा याॽमिजिडे़ॽनुङ निवाहाङ्‌मि योम्‍बोक ले़ःॽखुबाजि चोबे़ॽ लुबॽआ खा खेप्‍सानुमे लुनुङ हे़निङ बिन्‍ति ले़निम्‍ने़।

१ कोरिन्‍थि 3:9

इन्‍ढोङ्‌होङ कानिङ चाहिँ निवाहाङ्‌मि योम्‍बोक ले़ःॽखुबा सेवाकजि ले़न्‍डिङ्‌मा, हे़निङ चाहिँ निवाहाङ्‌मि रोपा ले़न्‍डानिङे, मोबा हे़निङ मन्‍दिर ले़न्‍डानिङे।

२ कोरिन्‍थि 6:1

कानिङ निवाहाङ्‌नुङ सोरि योम्‍बोक ले़ःॽखुबाजि लिबॽआसे़ॽ हे़निङ बिन्‍ति ले़निम्‍ने़, हे़निङे़ॽ निवाहाङ्‌बाङ चुप्‍पॽआ अनुग्‍रहा खेरो ए़क्‍खे़ॽमेॽटानुमे।

गलाति 6:6

बचनमि सिक्‍छे चुप्‍खुबाजिडे़ॽ टाङ्‌बामि चोप नुबा खा खो इःॽखुबानुङ हामा खे़ये।

फिलिप्‍पि 2:16

मोबा हे़निङे़ॽ चुप्‍पॽआ हिङ्‌मवा पिघुबा सुसमाचार निवाबेॽ हुप्‍नुङ युक्‍सानुमे। इडोॽ ले़टानुमहोङ के़ॽ खेः आङ्‌मानुङ ले़ःॽपॽआ योम्‍बोक मोडोक्‍नोॽ मे़के़न्‍डिखडा लुनुङ खिरिस्‍ट लेङ्‌इये याकपेॽ के़ॽ गरब ले़टोॽइन्‍डुङ।

फिलिप्‍पि 2:29

हे़निङ्‌मि निवा होङ्‌सिॽयुबाङ साप्‍थाङ्‌मानुङ परभुबेॽ निसा मिॽनुङ खो स्‍वागत ले़टानुमे। खोडोॽमा याॽमि आदर ले़ःॽमानोॽ खे़ये।

फिलिप्‍पि 4:3

हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

१ तिमोथि 3:5

इन्‍ढोङ्‌होङ खोसे़ॽ टाङ्‌बामि खिमनोॽ नुरोॽ मे़ले़चोहेसुहोङ, निवाहाङ्‌मि मन्‍डलिमि रेखदेख इन्‍डोक्‍टे ले़ःॽहेन्‍डुए ?

१ तिमोथि 4:10

मोडोगे़ॽ कानिङे़ॽ बेॽलो दुःखनुङ बिस्‍वासमि लागि योम्‍बोक ले़न्‍डुङ्‌मा इन्‍ढोङ्‌होङ कानिङ्‌मि आसा हिङ्‌रिक निवाहाङ्‌बेॽ टुये। खो चोप याॽमिजि मुक्‍ति पिघुबा मुक्‍तिदाङ्‌बा ले़ये, मोबाङ्‌सो बेॽलो चाहिँ खोबेॽ बिस्‍वास ले़ःॽखुबाजिमि लागि ले़ये।

१ तिमोथि 4:14

हे़न्‍नुङ टुहा बरदान हेला ए़ॽले़टे। मो बरदान मन्‍डलिबेॽहा अगुवाजिडे़ॽ हे़न सोक्‍पेॽ खोजिमि हुक युङ्‌माबेॽ अगमबानिबाङ हे़ने़ॽ चुप्‍मिटुए।

१ तिमोथि 4:16

आमटाङ्‌बामि टुम्‍बेॽनुङ टाङ्‌बे़ॽ इःॽपॽआ खाबेॽ होसियार ले़टे। इघा खा सानिङ्‌नोॽ ले़टे मोबारेॽ आमटाङ्‌बे़ॽनुङ हे़ने़हा खा खेम्‍घुबाजिडे़ॽ मुक्‍ति चुप्‍मिन्‍डुजे।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

१ तिमोथि 5:19

एल्‍डरबेॽ टिबॽआ आप्‍टिक निप्‍पाङ सुम्‍बाङ याॽमिजिडे़ॽ साक्‍छि मे़ॽपिरो मो खा ए़ॽखेम्‍मे।

१ तिमोथि 5:3

टाङ्‌बाङ मे़ॽनिङ्‌हा राङ्‌मिॽमाजि नुरोॽ खाक्‍साजे।

२ तिमोथि 2:6

होप्‍तिॽवा ठे़ःॽसाङ बालि टिघुबे़ॽनोॽ, मोमि याक्‍लोए अन्‍न चुप्‍मा खे़ये।

२ तिमोथि 4:2

बचन परचार ले़टे, मोमि लागि सानिङ्‌नोॽ टाङ्‌बा पोरोक्‌युक्‍से, अरति पिसाजे, वोबाजे, हौसला पिसाजे, हुङ्‌हेमे बोल पिमे खानुङ सिक्‍छे पिमे खा सानिङ्‌नोॽ नुरोॽ ले़टे।

हिब्‍रु 13:17

हे़निङ्‌मि अगुवाजिडे़ॽ लुबॽआ खा खेप्‍सानुमे, मोबा खोजिमि अधिनबेॽ पेनानिङे। माहाजिडे़ॽ हे़निङ्‌मि रेखदेख ले़न्‍डुजे। इन्‍ढोङ्‌होङ माहाजिडे़ॽ हे़निङ्‌मि रेखदेख ले़न्‍डुजेनुङ हे़निङे़ॽ ले़ःॽपॽआ योम्‍बोकमि लेखा माहाजिडे़ॽ निवाहाङ पिमा खे़ये। माहाजिडे़ॽ लुबॽआ खा खेप्‍सानुमहोङ माहाजिडे़ॽ साप्‍थाङ्‌मानुङ सेवा ले़न्‍डुजे, निवा टुक्‍मेॽटानुमहोङ्‌गो हे़निङ इमाङ्‌सो नुबा लिनिबा।

हिब्‍रु 13:24

मन्‍डलिबेॽहा चोप अगुवाजिनुङ निवाहाङ्‌मि पबित्‍रा सेवाकजि कानिङ्‌मि सेवा लुबेॽमाजे। इटालिया देसबेॽहा वावानिसानुङ नानुसाजिडे़ॽसो हे़निङ सेवा लुहाङ्‌इटामे।

हिब्‍रु 13:7

याक्‍लो हे़निङ निवाहाङ्‌मि बचन इःॽखुबा अगुवाजि मिडानुमे। बिस्‍वासबेॽ हिङ्‌मानुङ खोजिडे़ॽ ले़ःॽपॽआ नुबा खा मिडानुमे, मोबा खोजिडे़ॽ इन्‍डोक इगो मक्‍खाम्‍डेम याःॽयासुजे। हे़निङे़ॽसो मोडोक्‍नोॽ ले़टानुमे।