१ तिमोथि 4:8 - याम्फु

⁸ आढा याॽमिडे़ॽ लुन्‍डुजे “तालिमडे़ॽ हिङामि लागि नुबा लिये मोबाङ्‌सो बेॽलो निवाहाङ्‌डे़ॽ नेन्‍जाये योम्‍बोकपेॽ तालिम ले़ःॽमाहोङ बेॽलो नुबा लिये। इगोसे़ॽ हागोए हिङ्‌मवामिनुङ ए़क्‍साङ्‌ए हिङ्‌मवामि लागि नुबा लिये हेन्‍ज्‍रुङ हे़ङ्‌इन्‍डुहा।”

१ तिमोथि 4:8 Iomraidhean Croise

मत्‍ति 12:32

याॽमिजिडे़ॽ याॽमिमि पसामि बिरोध ले़टुजिहोङ मोमि आम्‍लाङ लिहा, तर पबित्‍रा होङ्‌निवामि बिरोधबेॽ ले़टुजिहोङ इगो युगबेॽनुङ लेङ्‌इये युगबेॽसो आम्‍लाङ लिनिहा।

मत्‍ति 19:29

असा असे़ॽ के़ए़ लागि टाङ्‌बामि, वावानिसाजि, नानाजि, पाबा मामाजि, पसाजि, रोपा, खिम, सोङ्‌रा याःॽयोटुजे, मोसे़ॽ मोमि सये गुना चुप्‍मिन्‍डुएनुङ ए़ॽसिमे हिङ्‌मवामि हक चुप्‍मिन्‍डुए।

मत्‍ति 6:33

तर याक्‍लो हे़निङ्‌मि हिङ्‌मवाबेॽ निवाहाङ राज्‍य ले़ःॽमेॽटानुमे, खोमि आग्‍या पालना ले़टानुमे। मोबा हे़निङ पाप्‍मिहा चोप थोक येॽपिये।

मरकुस 10:30

सये गुना बेॽलो चुप्‍मिन्‍डुए। खेःनुङ चुङ्‌जामा खेःरेॽ ने़ॽनि खोसे़ॽ पाबा मामा, पसाजि, वावानिसाजि, नानुसाजिनुङ खिम जग्‍गा इगो हिङ्‌मवाबेॽनोॽ चुप्‍मिन्‍डुए मोबा ए़क्‍साङ्‌ए ए़स्‍सिमे हिङ्‌मवासो चुप्‍मिन्‍डुए।

लुका 5:38

चोङ अङ्‌गुरमि मद्‌य चोङ साउकमिन्‍नोॽ सुपपेॽ युङ्‌मा खे़ये।

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

१ कोरिन्‍थि 3:22

पावलहोङ्‌सो, अपोल्‍लोसहोङ्‌सो, केफासहोङ्‌सो, मक्‍खाम्‍डेम, हिङ्‌मवा अथबा सिमा, आइ अथबा वागिया चोप हे़निङ्‌मिनोॽ ले़हा।

१ कोरिन्‍थि 8:8

तर चामाहा खाडे़ॽ कानिङ निवाहाङ्‌बेॽ लाघे़ॽनिबा। ए़ॽचामाबेॽसो कानिङ इमाङ्‌सो लिनिबा, चामाबेॽसो इमाङ्‌सो लिनिबा।

१ तिमोथि 4:7

भक्‍ति मे़ॽनिङ्‌हानुङ योम्‍बोक मे़ॽनिङ्‌हा पारलेनबाङ ओः पेने, तर निवाहाङ्‌डे़ॽ नेन्‍जोन्‍डुए खाबेॽ तालिम ले़टे।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

१ तिमोथि 6:5

मोबा खोजिमि निवा नासि लिटे़नुङ चाइबमा खाबाङ टेघे़टामे। मोबा निवाहाङ्‌मि रामबेॽ राम्‍मा लुबॽआ चाहिँ याङ्‌सरावा टोङ्‌मे राम मिॽइन्‍डुजे।

१ तिमोथि 6:6

इमाङ इमाङ टाङ्‌बानुङ टुहा मो थोकबेॽ साप्‍थाङ्‌माहोङ निवाहाङ्‌मि रामबेॽ राम्‍माबेॽ छना बेॽलो फाइदा लिये।

२ तिमोथि 3:5

माहाजि निवाहाङ्‌मि याॽमिजि कामानिम्‍मे तर खोमि सक्‍तिबेॽ चाहिँ बिस्‍वास ले़टुजिने। इडोक्‍हा याॽमिजिबाङ हे़न ओःनोॽ पेम्‍मे।

तितस 3:8

इगो खा चइबानोॽ ले़ये। निवाहाङ्‌बेॽ बिस्‍वास ले़ःॽखुबाजिडे़ॽ नुबा योम्‍बोक्‍पेॽ निवा टिसानुमे लुनुङ हे़ने़ॽ इन्‍डोॽहोङ्‌सो इःॽपॽआ के़ॽ नेन्‍जानुङे। इघा नुबा योम्‍बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।

हिब्‍रु 13:9

बेॽलो खाल खालहा सिक्‍छे लेङ्‌इहा माहा खेम्‍नुङ ए़फाङ्‌सिघडानिङे। चामे उङ्‌मे खामि नियमबाङ ने़ॽनि, निवाहाङ्‌मिनोॽ अनुग्‍रहाडे़ॽ हे़निङ्‌मि निवा बोलियो टोङ्‌मा चाहिँ नुबा लिये। चामे, उङ्‌मे नियम पालना ले़ःॽखुबाजिमि भलो असामिसो आयुरो मे़लिडिॽ।

१ युहन्‍ना 2:25

खोसे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ खा चाहिँ, ए़ॽसिमे हिङ्‌मवा ले़ये।

परकास 3:12

असे़ॽ हेजोन्‍डुए, मोनोॽ के़ए़ निवाहाङ्‌मि मन्‍दिरमि इक्‍को खाँबा टोङ्‌इनुङे, मोबा सानिङ्‌मि लागि मो मोबेॽए लिये, मोबेॽ निवाहाङ्‌मि निङ, मोबा थाङ्‌सिरिबाङ उङ्‌इये चोङ सहर यरुसलेममि निङ्‌नुङ टाङ्‌बामि चोङ निङ्‌सो मोबेॽ साप्‍मिनुङे।”

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।