१ तिमोथि 4:7 - याम्फु

⁷ भक्‍ति मे़ॽनिङ्‌हानुङ योम्‍बोक मे़ॽनिङ्‌हा पारलेनबाङ ओः पेने, तर निवाहाङ्‌डे़ॽ नेन्‍जोन्‍डुए खाबेॽ तालिम ले़टे।

१ तिमोथि 4:7 Iomraidhean Croise

एप्‍पा चोङ्‌सा 24:16

मोडोगे़ॽ का निवाहाङ्‌नुङ याॽमिजिमि पोम्‍बेॽ के़ए़ निवा चोखो युङ्‌मा मिॽइनुङे।

१ तिमोथि 1:4

हे़ने़ॽ माहाजि पारलेननुङ टुबालाबाजिमि इन्‍डोक्‍पेॽसो रुक्‍खे़ॽनिहा खानवाबेॽ ए़फोप्‍सिघे़ॽमे लुसाजे। इघा खाडे़ॽ खिमाचुमारेॽ लाजे़न्‍डुएनुङ निवाहाङ्‌मि योम्‍बोक फोःप्‍सेन्‍डुहा इन्‍ढोङ्‌होङ निवाहाङ्‌मि योम्‍बोक बिस्‍वासडे़ॽरेॽ ले़ःॽहेये।

१ तिमोथि 1:9

इगो खा लेयाक्‍मा खे़ये, नियमगो नुबा याॽमिमि लागि टोङ्‌बॽआ ने़ॽनि। नियमगो नियम पालना मे़ले़ःॽखुबा, लुबॽआ मे़ङ्‌खे़म्‍खुबा, निवाहाङ्‌नुङ मे़ङ्‌किस्‍सिखुबा, असुदधा, अधरमि, पापि, मोबा टाङ्‌बामि पाबा, मामा सेॽखुबाजि, याॽमि सेक्‍खुबाजि,

१ तिमोथि 2:10

तर निवाहाङ्‌मि ओहाङ ले़ःॽखुबा मेॽनामिॽचिडे़ॽ नुबा योम्‍बोकरेॽनोॽ ले़टुजिरो।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

१ तिमोथि 4:8

आढा याॽमिडे़ॽ लुन्‍डुजे “तालिमडे़ॽ हिङामि लागि नुबा लिये मोबाङ्‌सो बेॽलो निवाहाङ्‌डे़ॽ नेन्‍जाये योम्‍बोकपेॽ तालिम ले़ःॽमाहोङ बेॽलो नुबा लिये। इगोसे़ॽ हागोए हिङ्‌मवामिनुङ ए़क्‍साङ्‌ए हिङ्‌मवामि लागि नुबा लिये हेन्‍ज्‍रुङ हे़ङ्‌इन्‍डुहा।”

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

१ तिमोथि 6:5

मोबा खोजिमि निवा नासि लिटे़नुङ चाइबमा खाबाङ टेघे़टामे। मोबा निवाहाङ्‌मि रामबेॽ राम्‍मा लुबॽआ चाहिँ याङ्‌सरावा टोङ्‌मे राम मिॽइन्‍डुजे।

२ तिमोथि 2:16

भक्‍ति मे़ॽनिङ्‌हा उम्‍बरिङ, योम्‍बोक मे़ॽनिङ्‌हा खाबाङ ओःनोॽ पेने। इन्‍ढोङ्‌होङ इडोक्‍हा खाडे़ॽ याॽमिजि छना बेॽलो अधरमि टोङ्‌इये।

२ तिमोथि 2:23

तर योम्‍बोक मे़ॽनिङ्‌हा उम्‍बरिङ खाबाङ ओः पेने। हे़ने़ॽ लेन्‍डुए इडोक्‍हा खाडे़ॽको खिमावारेॽ पुइये।

२ तिमोथि 3:12

खिरिस्‍ट येसुबेॽ बिस्‍वास ले़ःॽनुङ भक्‍तिमि हिङ्‌मवा हिङ्‌खुबाजिबेॽ दुःखनुङ चुङ्‌जामा खेः लेङ्‌इहा।

२ तिमोथि 3:5

माहाजि निवाहाङ्‌मि याॽमिजि कामानिम्‍मे तर खोमि सक्‍तिबेॽ चाहिँ बिस्‍वास ले़टुजिने। इडोक्‍हा याॽमिजिबाङ हे़न ओःनोॽ पेम्‍मे।

२ तिमोथि 4:4

माहाजिडे़ॽ चाइबमा खा खेम्‍मा मिॽटुजिने तर योम्‍बोक मे़ॽनिङ्‌हा पारलेम चाहिँ खेम्‍मा मिॽइन्‍डुजे।

तितस 1:14

मोबा यहुदिजिमि पारलेननुङ चाइबमा खा मे़ङ्‌खेम्‍खुबा याॽमिजिमि खा खेम्‍नोॽ मे़ङ्‌खेप्‍सुजिरो।

तितस 2:12

इगो अनुग्‍रहाडे़ॽ कानिङ अधरमि हिङ्‌मवानुङ मक्‍खाम्‍डेमबेॽहा मङे़हा खाबाङ ओः पेम्‍मे खा इःॽये। इगोसे़ॽ कानिङ टाङ्‌बा इगो मक्‍खाम्‍डेमबेॽ नुबा रामबेॽ राम्‍मा, चाइबमानुङ धरमि हिङ्‌मवा हिङ्‌माराप्‍मिये।

तितस 3:9

तर योम्‍बोक मे़ॽनिङ्‌हा खा, यहुदि टुबालाबाजिमि टुम्‍बेॽ इःघुसे़ॽचुमेनुङ नियममि टुम्‍बेॽ खिमा चुमामि खाबाङ ओः पेम्‍मे। अक्‍खागो योम्‍बोक मे़ॽनिङ्‌हानुङ योम्‍बोक पिनिहा खा ले़हा।

हिब्‍रु 5:14

खदिलो चामागो परिपक्‍का याॽमिडे़ॽरेॽनोॽ चोन्‍डुहा। मो याॽमिमि निवा पक्‍का लिबेबॽआसे़ॽ नुबानुङ मङे़हा खा इमाङ्‌डे लुनुङ लेहेन्‍डुहा।