१ तिमोथि 4:6 - याम्फु

⁶ इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

१ तिमोथि 4:6 Iomraidhean Croise

मत्‍ति 13:52

मोबा येसुडे़ॽ माहाजि लुसुजि, “मोडोगे़ॽ थाङ्‌सिरिमि राज्‍यमि सिक्‍छे चुप्‍पॽआ याॽमि लुबॽआ चाहिँ खिमबेॽए मुलि याॽमिडोॽ ले़ये। खोसे़ॽ खोमि खिमबेॽए ढुकुटिबाङ चोङ्‌नुङ पुरानो बेॽलो मुल्‍यनुङ्‌हा थोक पाखे़ॽयु रिॽआप्‍मिन्‍डुहा।”

लुका 1:3

आदरनिया थियोफिलस ज्‍यु, के़ॽसो इघा खामि टुम्‍बेॽहा खा याक्‍लोएम्‍बाङ्‌नोॽ नुरोॽ योक्‍नुङ नेॽसाङ मेलोइडे़ॽ साप्‍माबेॽनोॽ नुबा लिइ मिॽनुङ इगो हे़ने़ए़ लागि साप्‍मे़ॽनिङ्‌सिनुङे।

एप्‍पा चोङ्‌सा 1:15

मोडोक्‍पेॽ पत्‍रुसडे़ॽ इक सये निबोङ जनाडोॽ बिस्‍वासिजिमि रुम्‍बेॽ येपोक्‍नुङ इडोॽ लुसु,

एप्‍पा चोङ्‌सा 20:31

मोडोगे़ॽ चङ्‌खो लिनुङ पेनानिङे मोबा के़ॽ सुम्‍निङ्‌डोक लेन्‍डा सेन्‍डा हाःप्‍मानुङ परभुमि चोप चोङ्‌साजि होसियार ले़टानुमे लुनुङ इःडुङ्‌घे़ॽटुङ।

एप्‍पा चोङ्‌सा 20:35

के़ॽ ले़ःॽपॽआ चोप योम्‍बोकको के़ॽ हे़निङ्‌मि पोम्‍बेॽनोॽ खाङ्‌मेटुङे, ‘लाघुबाजिबाङ पिघुबाजि बेॽलो आसिस चुप्‍खुबाजि लिम्‍मे’ लुनुङ परभु येसु खोमदाङ्‌बे़ॽ लुबॽआ खा मिॽनुङ कमजोर याॽमिजिमि ले़ख्‍खो ले़टानुमेनुङ नुरोॽ योम्‍बोक ले़चासानिङे लुनुङ के़ॽ चोप खा खेम्‍मेॽनिम्‍ने़।”

रोमि 15:15

तरसो इन्‍डोक खा चाहिँ हे़निङ फेरि मिॽमेॽमामि लागि के़ॽ बेॽए सहासनुङ्‌मा लिनुङ पत्‍राबेॽ साप्‍मे़ॽनिङ्‌सिनुङे। निवाहाङ्‌मि अनुग्‍रहाबाङ का अयहुदिजि सुसमाचार परचार ले़ःॽमे सेवाक टोक्‍सिङ।

१ कोरिन्‍थि 4:17

मोडोगे़ॽ के़ॽ तिमोथि हे़निङ्‌बेॽ पाङ्‌इटुङे। खो परभुबेॽ के़ॽ नम्‍नम ले़ःॽपॽआ बिस्‍वासिनुङ्‌मा पसा ले़ये। के़हा चोप ठाउँबेॽनुङ खिरिस्‍टमि चोप मन्‍डलिबेॽ इःॽपॽआडोक्‍नोॽ खिरिस्‍टबेॽ काङ्‌मि हिङ्‌मवा इन्‍डोॽ ले़ये लुमे चोप खा हे़निङ खोसे़ॽ इःबेये।

२ कोरिन्‍थि 11:23

इमा खोजि खिरिस्‍टमि सेवाकजि ले़म्‍मे ? का खोजिबाङ बेॽलो खिरिस्‍टमि नुबा सेवाक ले़ङे। का नाक्‍सुबाङ्‌डोक्‍नोॽ यामुमे़ॽनिङ्‌सिङे, खोजिबाङ बेॽलो दुःख ले़ःॽनुङ के़ॽ योम्‍बोक ले़टुङ, बेॽलोखेॽ तिरिङ्‌गा खिमबेॽ से़क्‍सिघे़ॽमा सिॽटिङा। नेॽनोक नेॽहेनिहा कोररामि मोःक्‍मा खेः आक्‍सुङ। कालमि याबुकपेॽ बेॽलोखेॽ सिॽटिङ।

२ कोरिन्‍थि 3:6

खोसे़ॽ इक्‍को चोङ हेन्‍ज्‍रुङ चोगु, मोबा कानिङ मो हेन्‍ज्‍रुङ्‌बेॽ योम्‍बोक ले़ःॽहेखुबा सेवाक टोक्‍सा। इगो चाहिँ पबित्‍रा होङ्‌निवामि हेन्‍ज्‍रुङ ले़ये, यहुदि धारमिक नियमडे़ॽ चोक्‍पॽआ ने़ॽनि, मो नियमडे़ॽको सिमवा लाजे़न्‍डुए, तर पबित्‍रा होङ्‌निवाडे़ॽको हिङ्‌मवा लाजे़न्‍डुए।

२ कोरिन्‍थि 6:4

तर निवाहाङ्‌मि चाइबमा योम्‍बोक ले़ःॽखुबाजि इन्‍डोॽ लिमा खे़ये मोडोक्‍नोॽ कानिङे़ॽ ले़ए़टुङ्‌मे़, सहनसिल लिमे खाबेॽ, खेःबेॽ, गारो सिॽमाबेॽनुङ आपद बिपद सिॽमाबेॽ योङ आङ्‌इन्‍डुङ्‌मे।

एफिसि 6:21

कानिङे़ॽ नम्‍नम ले़ःॽपॽआ निसा मोबा परभुमि सेउते तुखिकस चइबानोॽ खो बिस्‍वास ले़ःॽहेमारोमा याॽमि ले़ये। का इन्‍डोॽ ले़ङेनुङ इमाङ ले़ःॽमे़ॽनिङ्‌सिङे लुमे चोप खा खोसे़ॽ हे़निङ लुबेॽये।

फिलिप्‍पि 2:20

हे़निङ्‌मि लागि चइबानोॽ सुरता ले़ःॽखुबा तिमोथिबाङ हाइखा याॽमि कानुङ असासो माॽआम्‍मे।

फिलिप्‍पि 2:22

तर हे़निङे़ॽ तिमोथिमि आनिबानि नुबा ले़ये लुनुङ्‌गो नुरोॽ लेन्‍डानुमे, खोसे़ॽ इक्‍को पसाडे़ॽ खोम पाबानुङ योम्‍बोक ले़टिडोॽ कानुङ सुसमाचारमि योम्‍बोक ले़ए़टुए।

फिलिप्‍पि 3:16

आइरो इन्‍डोॽ कानिङ इगोठोक लेङ्‌इटिङ्‌मे हागो इडोक्‍नोॽ बोलियो लिनुङ पोम्‍बेॽसो खडि।

कलस्‍सि 2:19

इडोक्‍हा याॽमिजि खिरिस्‍टमि अधिनबेॽ पेम्‍मिने। इन्‍ढोङ्‌होङ निन्‍डवाँमि अधिनबेॽ पेन्‍नुङ्‌रेॽ हिङामि चोप अङ्‌ग बोलियो लिडिडोॽ खिरिस्‍ट निन्‍डवाँ ले़ये, खोमि अधिनबेॽ पेन्‍नुङ्‌रेॽ माहाजि निवाहाङ्‌डे़ॽ मिॽपॽआडोक्‍नोॽ खिरिस्‍टबेॽ बेॽलो बेॽलो लिम्‍मे।

कलस्‍सि 3:16

खिरिस्‍टमि बचन हे़निङ्‌मि निवा इॽठुप युक्‍सानुमे। टाङ्‌बामि चोप निवाडे़ॽ याॽमिजि इःडानुमेनुङ सल्‍लाह पिसानुमे। टाङ्‌बामि निवाबाङ सेमडे़ॽ ओहाङ पिसाङ खोमि महिमा ले़टानुमे।

कलस्‍सि 4:7

कानिङे़ॽ नम्‍नम ले़ःॽपॽआ बिस्‍वासि निसा तुखिकसडे़ॽ के़ए़ टुम्‍बेॽहा चोप खा हे़निङ लुबेॽये। खोसो कानिङ्‌नुङ्‌नोॽ सोरि परभुमि सेवा ले़ःॽखुबा याॽमि ले़ये।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

१ तिमोथि 1:10

बेभिचारिजि, वडाङ्‌पसानुङ वडाङ्‌पसा बेभिचार ले़ःॽखुबाजि, याॽमि खुनुङ लाघे़ॽखुबाजि, रेम्‍डेॽखुबाजिनुङ ने़ॽनिहा खामि गबाहि पिघुबाजि, मोबा नुबा सिक्‍छेमि टेडिघरिक योम्‍बोक ले़ःॽखुबाजिमि लागि टोङ्‌बॽआ ले़ये।

१ तिमोथि 4:16

आमटाङ्‌बामि टुम्‍बेॽनुङ टाङ्‌बे़ॽ इःॽपॽआ खाबेॽ होसियार ले़टे। इघा खा सानिङ्‌नोॽ ले़टे मोबारेॽ आमटाङ्‌बे़ॽनुङ हे़ने़हा खा खेम्‍घुबाजिडे़ॽ मुक्‍ति चुप्‍मिन्‍डुजे।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

२ तिमोथि 1:6

मोडोगे़ॽ हे़न लुन्‍ने़, के़ॽ हे़न सोक्‍पेॽ हुक युङ्‌नुङ पारथना ले़ःॽमाबेॽ निवाहाङ्‌डे़ॽ हे़न पिबॽआ बरदान हेरो योम्‍बोक्‍पेॽ टिसे।

२ तिमोथि 3:10

तर के़ॽ हे़न इःॽपॽआ सिक्‍छे नुरोॽ लेन्‍डुहा, के़हा बानि, के़ए़ हिङ्‌मवामि लक्‍छे, के़ए़ बिस्‍वास, काबेॽ टुये खेः आङ्‌मे बोल, के़ए़ नम्‍नम, काबेॽ टुये हुङ्‌हेमे बोल हे़ने़ॽ लेन्‍डुए।

२ तिमोथि 4:3

इन्‍ढोङ्‌होङ इडोक्‍मा याकसो लेङ्‌इये, मोडोक्‍पेॽ याॽमिजिडे़ॽ चाइबमा सिक्‍छे खेम्‍नोॽ खेप्‍सुजिने। माहाजि टाङ्‌बे़ॽ नेन्‍जाबॽआ खारेॽनोॽ खेम्‍मा मिङ्‌इम्‍मे मोबा टाङ्‌बे़ॽ नेन्‍जाबॽआ सिक्‍छे इःॽखुबाजि बेॽलो याॽमिजि सुम्‍इन्‍डुजे।

तितस 2:1

तर हे़ने़ॽ चाहिँ टाङ्‌बे़ॽ चिम्‍बॽआ चाइबमा खारेॽ इःॽमे।

१ पत्‍रुस 2:2

हागोनोॽ टोक्‍पॽआ ओङे़कडे़ॽ डुडु उङ्‌मा मिॽटिडोॽ, हे़निङ चाहिँ निवाहाङ्‌मि चाइबमा बचनमि सगे़ॽ सिसानिङे मोसे़ॽ हे़निङ मुक्‍तिबेॽ पक्‍का लिन्‍डानिङे।

२ युहन्‍ना 1:9

खिरिस्‍टमि सिक्‍छेबाङ हाइखा खाबेॽ निवा टिघुबा याॽमिबेॽ निवाहाङ पेन्‍निबा। तर खोमि सिक्‍छेबेॽ सानिङ निवा टिघुबानुङ निवाहाङ पाबानुङ पसा निप्‍पाङ्‌नोॽ पेङ्‌इन्‍जे।

यहुदा 1:5

हे़निङ चोबे़ॽ इक्‍खेॽ लेबॽआ खानोॽ ले़ये तरसो माहा खा हे़निङे़ॽ मिडानुमे लुनुङ के़ॽ मिॽइनुङे। परमपरभुडे़ॽ खोमि याॽमिजि मिस्‍रा देसबाङ चिॽआप्‍टुजि, तर माहाजिबेॽ निवाहाङ्‌बेॽ बिस्‍वास मे़ले़ःॽखुबा याॽमिजि चाहिँ ए़क्‍साङ निवाहाङ्‌डे़ॽ नास ले़टुजि।