१ तिमोथि 4:3 - याम्फु

³ इघाजिडे़ॽ फुङ्‌सया ले़ःॽमा फे़न्‍निबा इःन्‍डुजे, मोबा निवाहाङ्‌डे़ॽनोॽ चोप थोक टोङ्‌इटुहा मोडोगे़ॽ खो बिस्‍वास ले़ःॽखुबाजिनुङ चाइबमा लेघुबाजिडे़ॽ निवाहाङ ओहाक पिनुङ इघा चामाया चामा नुबा खासो खोजिडे़ॽ चामानोॽ फे़न्‍नि लुनुङ इःन्‍डुजे।

१ तिमोथि 4:3 Iomraidhean Croise

मत्‍ति 14:19

येसुडे़ॽ माहा याॽमिजि चउरबेॽ पेम्‍मे आग्‍या पिनुङ खोसे़ॽ माहा ङाउम चरेपानुङ निच्‍चि ङा ठेॽनुङ थाङ्‌सिरिॽटु खाङ्‌साङ निवाहाङ ओहाक पिसु। मोबा माहा चरेपा एॽनुङ चोङ्‌साजि पिसुजि, खोजिडे़ॽ याॽमिजि हाबेॽटुजि।

मत्‍ति 15:11

याबुकबाङ होङ्‌सिॽयु खे़ॽपॽआ थोकडे़ॽ याॽमि असुद्‌ध टोक्‍सुनिबा। तर याबुकबाङ पाखे़ॽयु आप्‍मिहा मङे़हा थोकडे़ॽ चाहिँ याॽमि असुद्‌ध टोङ्‌इये।”

मत्‍ति 15:36

येसुडे़ॽ माहा एच्‍चि गोटा चरेपानुङ ङा हुकपेॽ याङ्‌नुङ निवाहाङ ओहाक पिसु। मोबा चरेपा एॽनुङ खोम चोङ्‌साजि लुसुजि इघा चरेपानुङ ङा याॽमिजि हाबेॽटानुमे लुनुङ पिसुजि।

लुका 24:30

येसु चासिॽ पेम्‍माबेॽ चरेपा हुकपेॽ याङ्‌मानुङ निवाहाङ ओहाक पिसु मोबा चरेपा एॽनुङ मोजि पिसुजि।

युहन्‍ना 6:23

येसुडे़ॽ चरेपा याङ्‌नुङ निवाहाङ ओहाक पिनुङ बेॽलो याॽमिजि चरेपा हिङ्‌बॽआ ठाउँमि के़क्‍पेॽ तिबेरियसबाङ हाइखा नाउसो लेस्‍सामि।

एप्‍पा चोङ्‌सा 27:35

इडोॽ लुनुङ पावलडे़ॽ चरेपा कुःबु मोबा चोपमि पोम्‍बेॽ निवाहाङ ओहाङ पिनुङ चोबुगु।

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 14:3

चोप थोक चाघुबाडे़ॽ मो साःॽवारेॽनोॽ चाघुबा सिःक्‍चामा फे़न्‍निबा, मोबा साःॽवारेॽनोॽ चाघुबाडे़ॽसो मो चोप थोक चाघुबा आप्‍टिक टिमा फे़न्‍निबा, इन्‍ढोङ्‌होङ निवाहाङ्‌डे़ॽको मोजि निप्‍पाङ्‌नोॽ खोमि याॽमि लिमामि के़ए़टुजे।

रोमि 14:6

इक्‍को याक बेॽए मिॽखुबे़ॽ निवाहाङ्‌मि आदरमि लागिनोॽ मिॽइन्‍डुए, असे़ॽ चोप थोक चोन्‍डुए, मोसे़ॽ निवाहाङ्‌मि आदरमि लागिनोॽ चोन्‍डुए, इन्‍ढोङ्‌होङ चोप थोक चाघुबे़ॽ निवाहाङ ओहाक पिनुङ चोन्‍डुए। मोबा मे़न्‍चाघुबे़ॽसो निवाहाङमि आदरमि लागिनोॽ मे़न्‍चानुङ्‌नोॽ निवाहाङ ओहाङ पिन्‍डुए।

१ कोरिन्‍थि 6:13

“चामाहा खा रुङ्‌मामि लागि ले़ये, रुङ्‌मा चामाहा खामि लागि ले़ये।” याॽमिजिडे़ॽ लुन्‍डुजे इगो खा चाइबमा ले़ये, तर निवाहाङ्‌डे़ॽ इगो निच्‍चिनोॽ नास ले़न्‍डुए। याॽमिमि हिङा बेभिचारमि लागि ने़ॽनिबा, परभुमि योम्‍बोक ले़ःॽमामि लागि ले़ये, मोबा हिङामि लागि पाप्‍मिहा चोप खा परभुडे़ॽनोॽ पोरोक्‍पेये।

१ कोरिन्‍थि 7:28

हे़निङे़ॽ फुङ्‌सया ले़टानुमहोङ्‌सो पापगो लिनिबा। मोडोक्‍नोॽ फुङ्‌सया मे़ले़ःॽपॽआ मेॽनामिॽडे़ॽसो फुङ्‌सया ले़ःॽमाबेॽ पापगो सिॽनिबा। तर फुङ्‌सया ले़ःॽखुबाजिडे़ॽ बेॽलो खालहा खेः आङ्‌मा खे़ये। मोडोगे़ॽ के़ॽ हे़निङ इगोबाङ जोगबा ले़ःॽमा मिॽइनिम्‍ने़।

१ कोरिन्‍थि 8:8

तर चामाहा खाडे़ॽ कानिङ निवाहाङ्‌बेॽ लाघे़ॽनिबा। ए़ॽचामाबेॽसो कानिङ इमाङ्‌सो लिनिबा, चामाबेॽसो इमाङ्‌सो लिनिबा।

कलस्‍सि 2:16

मोडोगे़ॽ असे़ॽसो चामानुङ उङ्‌मामि, पबित्‍रा याक नेॽमे ए़नेॽमे, औँसि पुरने, नाजामे याक नेॽमे ए़नेॽमे खामि टुम्‍बेॽ नियम ए़ॽटोक्‍सानुमे।

कलस्‍सि 3:17

हे़निङे़ॽ इमाङ ले़न्‍डानुमे, इमाङ इःन्‍डानुमे माहा चोप परभु येसुमि निङ्‌बेॽनोॽ ले़टानुमे, मोबा खोबाङ्‌नोॽ निवाहाङ पाबा ओहाङ पिसानुमे।

१ तिमोथि 2:4

चोप याॽमिजि हिङ्‌मिरो, मोबा चाइबानोक्‍मा चाइबमा खा लेसुजिरो लुनुङ खोसे़ॽ मिइन्‍डुए।

१ तिमोथि 4:4

निवाहाङ्‌डे़ॽ टोङ्‌बॽआ चोप थोक नुबा ले़हा। मोडोगे़ॽ निवाहाङ ओहाक पिनुङ चामाहोङ, चोप थोक चामानुहा।

१ तिमोथि 5:14

मोडोगे़ॽ के़ॽ सल्‍लाह पिनिम्‍ने़, राङ्‌मिॽ राङ्‌मिॽमाजिडे़ॽ चाहिँ फुङ्‌सया ले़ःॽनुङ पसाजि टोक्‍नुङ नुरोॽ खिम बेबहार ले़ःॽचामिरो। मोडोॽ ले़ःॽमाहोङ्‌रेॽ कानिङ्‌मि सतुरजिडे़ॽ कानिङ बिरोध ले़टोक्‍टुजिने।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

हिब्‍रु 13:9

बेॽलो खाल खालहा सिक्‍छे लेङ्‌इहा माहा खेम्‍नुङ ए़फाङ्‌सिघडानिङे। चामे उङ्‌मे खामि नियमबाङ ने़ॽनि, निवाहाङ्‌मिनोॽ अनुग्‍रहाडे़ॽ हे़निङ्‌मि निवा बोलियो टोङ्‌मा चाहिँ नुबा लिये। चामे, उङ्‌मे नियम पालना ले़ःॽखुबाजिमि भलो असामिसो आयुरो मे़लिडिॽ।