१ तिमोथि 4:16 - याम्फु

¹⁶ आमटाङ्‌बामि टुम्‍बेॽनुङ टाङ्‌बे़ॽ इःॽपॽआ खाबेॽ होसियार ले़टे। इघा खा सानिङ्‌नोॽ ले़टे मोबारेॽ आमटाङ्‌बे़ॽनुङ हे़ने़हा खा खेम्‍घुबाजिडे़ॽ मुक्‍ति चुप्‍मिन्‍डुजे।

१ तिमोथि 4:16 Iomraidhean Croise

मरकुस 13:9

“हे़निङ टाङ्‌बा चाहिँ होसियार ले़टानिङे, इन्‍ढोङ्‌होङ याॽमिजिडे़ॽ हे़निङ न्‍याय ले़ःॽठामबेॽ राःप्‍खे़म्‍मे। मोबा यहुदिजि सुम्‍ढाम खिमराजि लाघे़ॽनुङ कोरराडे़ॽ मोइम्‍मे। हाङ्‌बाजिनुङ सासकजिमि पोम्‍बेॽ येःप्‍नुङ के़ए़ टुम्‍बेॽ हे़निङे़ॽ साक्‍छि पिमा खे़ये।

लुका 21:34

“चङ्‌खो लिनुङ पेनानिङे, चामा उङ्‌मामि लागि बेॽलो ए़पिन्‍डुसानिङे, सेॽखे़ॽमानुङ ए़राप्‍सानिङे इमाङ चामे इमाङ चाङ्‌मे लुनुङ हे़निङ्‌मि हिङ्‌मवामिरेॽनोॽ ले़ख्‍खो ए़ले़टानुमे। माहा चोपपेॽ हे़निङ फोसिघे़ॽमाबेॽ सोङा यिम्‍माङ्‌बेॽ सिॽपॽआडोॽ हे़निङ्‌सोक्‍पेॽ हाजोक्‍टोॽ मो रुक्‍खे़ये याक लेङ्‌इये।

एप्‍पा चोङ्‌सा 26:22

तर आयुरो निवाहाङ्‌डे़ॽनोॽ जोगबा ले़ःॽमे़ॽनिङ्‌सिङे। मोडोगे़ॽ का इगोबेॽ टुघुबा चोपमि पोम्‍बेॽ येःप्‍नुङ येसुमि साक्‍छि पिमे़ॽनिङ्‌सिनुङे। मोसानुङ अगमबक्‍ताजिडे़ॽसो ए़क्‍साङ लिये लुनुङ लुबॽआ खाबाङ हाइखा बेॽलो इमाङ्‌सो के़ॽ मे़इःडिॽ।

एप्‍पा चोङ्‌सा 6:4

तर कानिङ चाहिँ सानिङ्‌नोॽ निवाहाङ्‌नुङ पारथना ले़ःॽसाङ खोमि खा याॽमिजि खेम्‍मेॽमे योम्‍बोक ले़ःॽमा खे़ये।”

रोमि 11:14

इडोक्‍मा सुसमाचारमि योम्‍बोकडे़ॽ ले़ःॽमेॽ, के़हा यहुदि जातिजि चेजेवा पुःक्‍मेॽनुङ माहाजिबाङ कोहि कोहिजिडे़ॽ निवाहाङ्‌बेॽ बिस्‍वास ले़न्‍डुजेन्‍डे ?

रोमि 16:17

वावानिसानुङ नानुसाजि, के़ॽ हे़निङ बिन्‍ति ले़निम्‍ने़, हे़निङ्‌मि रुम्‍बेॽ खिमवा खा लाप्‍खुबा मोबा हे़निङे़ॽ चिम्‍बॽआ धारमिक नियममि बिरोधबेॽ सिक्‍छे इःॽनुङ हे़निङ्‌मि बिस्‍वासबेॽ फाङ्‌सेॽखुबा याॽमिजिबाङ होसियार ले़टानिङे। हे़निङ आक्‍टोॽहा याॽमिजिबाङ ओःनोॽ पेनानिङे।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

१ कोरिन्‍थि 1:21

याॽमिजिमि टाङ्‌बामिनोॽ निवाडे़ॽ निवाहाङ लेहेसुजिने लुमे़ खा निवाहाङ्‌डे़ॽ लेबॽआसे़ॽ खोमिनोॽ निवामि सक्‍तिबाङ सुसमाचार खेम्‍मेॽमाबेॽ याॽमिजिडे़ॽ उम्‍बरिङ मिॽटुजे, मो सुसमाचारनोॽ खेम्‍नुङ बिस्‍वास ले़ःॽखुबा याॽमिजि निवाहाङ्‌डे़ॽ हिङ्‌मेॽमा मिॽटु।

१ कोरिन्‍थि 9:22

मोबा थोःप्‍थोःप्‍हा याॽमिजिमि रुम्‍बेॽ कासो खोजिडोक्‍नोॽ लिसिङ। याॽमिजिडे़ॽ इन्‍डोॽहोङ्‌सो खिरिस्‍टबेॽ बिस्‍वास ले़टुजिरो लुनुङ खाल खालहा चोप याॽमिजिनुङ कासो खोजिडोक्‍नोॽ लिसिङा।

१ कोरिन्‍थि 9:27

हाइखा याॽमिजि अरति पिनुङ टाङ्‌बा चाहिँ योम्‍बोक मे़ॽनिङ ए़ॽलिमा लुनुङ पिङ्‌खुबाडे़ॽ टाङ्‌बामि हिङा अधिन ले़टिडोॽ काङ्‌मि हिङा अधिनबेॽ नुरोॽ युङ्‌इनुङे।

एफिसि 4:14

इडोॽ कानिङ पिच्‍छाजिडोॽ लिसिङ्‌मानि। मे़ॽनोक्‍हा सिक्‍छे इःॽखुबाजिमि सिक्‍छेमि हिॽवाबाडे़ॽ येप्‍खे़ॽहेनिबा। माहाजिमि रेम्‍सिङ सिक्‍छेडे़ॽ माङे़ॽमा रामलाम खे़ॽखुबा याॽमिडोॽ लिसिङ्‌मानि।

कलस्‍सि 4:17

मोबा परभुडे़ॽ अरखिप्‍पस पिबॽआ योम्‍बोक इन्‍डोॽहोङ्‌सो पुरा ले़ःॽसेॽमे लुनुङ लुबेॽटानुमे।

१ थेस्‍लोनिकि 2:16

अक्‍खाजिडे़ॽ कानिङ हाइखा जातिहा याॽमिजि सुसमाचार मे़ङ्‌खेम्‍मेॽटामि। इडोॽ माहाजिडे़ॽ पापसोक्‍पेॽ पाप येडुजि। तर ए़क्‍साङ निवाहाङ्‌मि सुरिक खोजिसोक्‍पेॽ ओप्‌युसा।

१ तिमोथि 1:3

का माकेडोनियाबेॽ खे़ॽसिॽपोरोक्‍माबेॽ हे़न एफिससबेॽनोॽ पेने। मोबेॽ निवाहाङ्‌मि बचनमि मे़ॽनोक्‍हा सिक्‍छे इःॽखुबा याॽमिजि आक्‍टोॽ एले़ॽमे लुनुङ वोबाजे।

१ तिमोथि 4:15

के़ॽ लुबॽआ इघा खा हे़ने़ॽ नुरोॽ पालना ले़टेनुङ हे़ने़ए़ चोप निवा टिसे मोडोगे़ॽ हे़न परचार ले़ःॽमेनुङ इःॽमे खाबेॽ नुबा लिबॽआ हाइखा याॽमिजिडे़ॽ खाङ्‌डोक्‍इन्‍डुजे।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

२ तिमोथि 2:10

मोडोगे़ॽ निवाहाङ्‌डे़ॽ से़म्‍बॽआ याॽमिजिडे़ॽ खिरिस्‍ट येसुबेॽ टुये इन्‍डोक्‍पेॽसो रुक्‍खे़ॽनिबा महिमानुङ्‌मा मुक्‍ति चुप्‍टुजिरो लुनुङ के़ॽ इघा दुःखनुङ खेः आङ्‌मे़ॽनिङ्‌नुङे।

२ तिमोथि 3:14

तर हे़न चाहिँ टाङ्‌बे़ॽ आयुरो चिम्‍बॽआ खानुङ बिस्‍वास ले़ःॽपॽआ चाइबमा खाबेॽ सानिङ्‌नोॽ निवा टिसे। हे़ने़ॽ लेन्‍डुहा, माहा खा असा असाबाङ हे़ने़ॽ चिङ्‌इटुहा।

२ तिमोथि 4:2

बचन परचार ले़टे, मोमि लागि सानिङ्‌नोॽ टाङ्‌बा पोरोक्‌युक्‍से, अरति पिसाजे, वोबाजे, हौसला पिसाजे, हुङ्‌हेमे बोल पिमे खानुङ सिक्‍छे पिमे खा सानिङ्‌नोॽ नुरोॽ ले़टे।

तितस 1:9

इगो सिक्‍छे कानिङे़ॽ इःॽपॽआडोक्‍नोॽ लिमा खे़ये, मोबा कानिङ बिरोध ले़ःॽखुबाजिमि गल्‍तिसो खाङ्‌मुहेमामि लागि टाङ्‌बे़ॽ चुप्‍पॽआ चाइबानोक्‍मा सिक्‍छेबेॽ राम्‍खुबानुङ हाइखाजिसो इडोक्‍मा सिक्‍छे पिनुङ बोल पिहेखुबा लिमा खे़ये।

तितस 2:15

हे़ने़ॽ इघा खा पुरा अधिकारनुङ अरति पिमाहाजिनुङ योप्‍माहाजि, इघा खा इःॽमाबेॽ असे़ॽसो हे़न हेला मे़ले़ःॽहेमिरो।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

फिलेमोन 1:19

का पावल, काङ्‌मिनोॽ हुगे़ॽ इगो खा साप्‍मे़ॽनिङ्‌सिनुङे, मो सिङि के़ॽनोॽ फोङ्‌इनुङे। के़ॽ हे़न लुमा पाप्‍निबा, आमटाङ्‌बे़ॽसो काङ्‌मि फोङ्‌मा टुहा।

हिब्‍रु 12:15

चङ्‌खो पेनानिङे, असे़ॽसो निवाहाङ्‌बाङ चुप्‍पॽआ अनुग्‍रहा मे़चोबेमा मे़न्‍सिॽरो, हे़निङ्‌मि रुम्‍बेॽ निवा टुक्‍मेॽखुसे़ॽ चुनुङ खिमावा मे़म्‍पुक्‍लो, टुक्‍पॽआ निवाबेॽ युम ए़ॽटिमे, मोसे़ॽ हाइखा याॽमिजि असुद्‌ध टोङ्‌इन्‍डुजे।

हिब्‍रु 13:9

बेॽलो खाल खालहा सिक्‍छे लेङ्‌इहा माहा खेम्‍नुङ ए़फाङ्‌सिघडानिङे। चामे उङ्‌मे खामि नियमबाङ ने़ॽनि, निवाहाङ्‌मिनोॽ अनुग्‍रहाडे़ॽ हे़निङ्‌मि निवा बोलियो टोङ्‌मा चाहिँ नुबा लिये। चामे, उङ्‌मे नियम पालना ले़ःॽखुबाजिमि भलो असामिसो आयुरो मे़लिडिॽ।

याकुब 5:20

खोसे़ॽ लेसुरो, असे़ॽ इक्‍को याॽमि मोमि पापि योम्‍बोकबाङ टेआप्‍मिन्‍डुए मो याॽमिडे़ॽ मो याॽमि सिमाबाङ हिङ्‌माराप्‍मिटुए, मोबा खोमि बेॽलो पाप आम्‍लाङ लिहा।