१ तिमोथि 4:15 - याम्फु

¹⁵ के़ॽ लुबॽआ इघा खा हे़ने़ॽ नुरोॽ पालना ले़टेनुङ हे़ने़ए़ चोप निवा टिसे मोडोगे़ॽ हे़न परचार ले़ःॽमेनुङ इःॽमे खाबेॽ नुबा लिबॽआ हाइखा याॽमिजिडे़ॽ खाङ्‌डोक्‍इन्‍डुजे।

१ तिमोथि 4:15 Iomraidhean Croise

मत्‍ति 5:16

इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

एप्‍पा चोङ्‌सा 6:4

तर कानिङ चाहिँ सानिङ्‌नोॽ निवाहाङ्‌नुङ पारथना ले़ःॽसाङ खोमि खा याॽमिजि खेम्‍मेॽमे योम्‍बोक ले़ःॽमा खे़ये।”

१ कोरिन्‍थि 16:15

हे़निङे़ॽ स्‍तिफनासमि खिमबेॽहाजि नुरोॽ लेन्‍डानुमे। खोजि चाहिँ अखैया ठाउँबेॽहा याॽमिजिबेॽ चोप्‍पाङ याक्‍लो बिस्‍वास ले़ःॽखुबाजि ले़म्‍मे। खोजिडे़ॽ निवाहाङ्‌मि याॽमिजिमि सेवा ले़ःॽमामि लागि टाङ्‌बामि हिङ्‌मवा टिटुजे।

२ कोरिन्‍थि 4:14

कानिङे़ॽ लेन्‍डुङ्‌मे़, परभु येसु हिङ्‌रिक टोङ्‌घुबा निवाहाङ्‌डे़ॽ कानिङ्‌सो येसुनुङ हिङ्‌रिक टोङ्‌इये। मो निवाहाङ्‌डे़ॽनोॽ कानिङ्‌नुङ हे़निङ सोरि येसुनुङ खोमि पेन्‍ढामबेॽ लाघे़ये।

२ कोरिन्‍थि 8:5

कानिङे़ॽ मिॽनोॽ मे़मिॽपॽआ खा माहाजिडे़ॽ ले़टुजि। माहाजिडे़ॽ याक्‍लो खोजि टाङ्‌बा परभुमि लागि पिसुजि, मोबा निवाहाङ्‌डे़ॽ मिॽपॽआडोॽ कानिङ्‌मि चोप खा खेप्‍सुजि।

१ तिमोथि 4:14

हे़न्‍नुङ टुहा बरदान हेला ए़ॽले़टे। मो बरदान मन्‍डलिबेॽहा अगुवाजिडे़ॽ हे़न सोक्‍पेॽ खोजिमि हुक युङ्‌माबेॽ अगमबानिबाङ हे़ने़ॽ चुप्‍मिटुए।

१ तिमोथि 4:16

आमटाङ्‌बामि टुम्‍बेॽनुङ टाङ्‌बे़ॽ इःॽपॽआ खाबेॽ होसियार ले़टे। इघा खा सानिङ्‌नोॽ ले़टे मोबारेॽ आमटाङ्‌बे़ॽनुङ हे़ने़हा खा खेम्‍घुबाजिडे़ॽ मुक्‍ति चुप्‍मिन्‍डुजे।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।