१ तिमोथि 4:10 - याम्फु

¹⁰ मोडोगे़ॽ कानिङे़ॽ बेॽलो दुःखनुङ बिस्‍वासमि लागि योम्‍बोक ले़न्‍डुङ्‌मा इन्‍ढोङ्‌होङ कानिङ्‌मि आसा हिङ्‌रिक निवाहाङ्‌बेॽ टुये। खो चोप याॽमिजि मुक्‍ति पिघुबा मुक्‍तिदाङ्‌बा ले़ये, मोबाङ्‌सो बेॽलो चाहिँ खोबेॽ बिस्‍वास ले़ःॽखुबाजिमि लागि ले़ये।

१ तिमोथि 4:10 Iomraidhean Croise

मत्‍ति 16:16

सिमोन पत्‍रुसडे़ॽ लुसु, “हे़न हिङ्‌रिक निवाहाङ्‌मि पसा मुक्‍ति पिघुबा खिरिस्‍ट ले़ये।”

मत्‍ति 27:43

इगोसे़ॽको निवाहाङ्‌बेॽ भरोसा युक्‍सुएनुङ ‘का निवाहाङ्‌मि पसा’ कामानिसे़। निवाहाङ्‌डे़ॽ इगो हिङ्‌मेॽमा मिॽइन्‍डुहोङ इगो हागोनोॽ इगोबाङ छुट्‌कारा ले़टुरो।”

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 4:42

माहा याॽमिजिडे़ॽ मो मेॽनामिॽ लुसुजि, “हागो हे़ने़ॽ लुबॽआ खा खेम्‍नुङ्‌रेॽ कानिङे़ॽ बिस्‍वास ले़ःॽपॽआ ने़ॽनि, तर कानिङ टाङ्‌बे़ॽ खोमि बचन खेम्‍नुङ बिस्‍वास ले़ए़टुङ्‌मे़। चइबानोॽ खो मक्‍खाम्‍डेमबेॽए मुक्‍तिदाङ्‌बा ले़ये लेः लुनुङ कानिङे़ॽ लेसुङ्‌मा।”

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

२ कोरिन्‍थि 1:10

निवाहाङ्‌डे़ॽ कानिङ मोढे़ःॽलो किस्‍सिमारोमा याकबाङ छुटाबा ले़टानुङ खोसे़ॽ सानिङ छुट्‌कारा ले़ये। कानिङे़ॽ खोसोक्‍पेॽ भरोसा युङ्‌इटुङ्‌मे़ खोसे़ॽ फेरिसो कानिङ छुटाबा ले़ये।

१ तिमोथि 2:3

इडोॽ ले़ःॽपॽआ कानिङ्‌मि मुक्‍तिदाङ्‌बा निवाहाङ्‌डे़ॽसो नेन्‍जोन्‍डुए।

१ तिमोथि 2:4

चोप याॽमिजि हिङ्‌मिरो, मोबा चाइबानोक्‍मा चाइबमा खा लेसुजिरो लुनुङ खोसे़ॽ मिइन्‍डुए।

१ तिमोथि 2:6

चोप याॽमिजिमि पापमि सिङि खोमि हरिडे़ॽ फोङ्‌नुङ छुटाबा ले़ःॽमामि खोम्‍दाङ्‌बा काप्‍सिङ्‌बेॽ सिसा। निवाहाङ्‌डे़ॽ चोप याॽमि हिङ्‌बॽआ नेन्‍जोन्‍डुए लुमे खामि परमान इगोनोॽ ले़ये।

१ तिमोथि 3:15

मोडोगे़ॽ का आप्‍मा ढिलो लिङाहोङ्‌सो मन्‍दिरबेॽहा याॽमिजिमि चाल चलन इन्‍डोक्‍मा टुमा खे़ये खा इगो पत्‍राबाङ लेन्‍डुए। मन्‍दिरबेॽहाजि लुबॽआ चाहिँ हिङ्‌रिक निवाहाङ्‌मि मन्‍डलिनुङ चाइबमा खामि खाँबानुङ जग ले़ये।

१ तिमोथि 6:17

इगो मक्‍खाम्‍डेमबेॽहा याङ्‌सारावदाङ्‌बाजि काङायोङ्‌बा ए़रेङ्‌मेनुङ याङ्‌सरावाबेॽ भरोसा ए़ले़ःॽमे लुसाजे, इन्‍ढोङ्‌होङ इघागो सानिङ्‌मि लागि टुडुङ्‌घे़ॽनिहा। तर कानिङ साप्‍थाङ्‌मे हिङ्‌मवामि लागि के़ॽलो चोप थोक पिघुबा निवाहाङ्‌बेॽ भरोसा ले़टानुमे लुनुङ आग्‍या पिसाजे।

हिब्‍रु 11:26

मिस्‍रा देसबेॽहा याङ्‌सरावाबाङ नुबा खा चाहिँ खिरिस्‍टमि लागि सिॽचामा खेः आङ्‌मानोॽ नुबा मिॽटु। इन्‍ढोङ्‌होङ मोसाडे़ॽ खोमि निवा ए़क्‍साङ चुप्‍मे इनामबेॽ टिबॽआ ले़टे़।

हिब्‍रु 13:13

मोडोगे़ॽ कानिङ्‌सो टाङ्‌बामि ठाउँबाङ पाखे़ॽयु खोमि के़क्‍पेॽ खे़ॽमा, खोसे़ॽ आङ्‌बॽआ बेजेत कानिङे़ॽसो आङ्‌मा।

१ पत्‍रुस 1:21

खोबाङ हे़निङे़ॽ निवाहाङ्‌बेॽ बिस्‍वास ले़टानुम। निवाहाङ्‌डे़ॽ खिरिस्‍ट सिबॽआबाङ हिङ्‌बोक्‍नुङ महिमानुङ्‌मा टोक्‍सु, मोडोगे़ॽ हे़निङ्‌मि बिस्‍वासनुङ आसा निवाहाङ्‌बेॽ युङ्‌इन्‍डानुमे।

१ युहन्‍ना 2:2

खो कानिङ्‌मि पापबाङ फाक्‍मामि लागि बलि लिसा। कानिङ्‌मि लागिरेॽनोॽ ने़ॽनि तर मक्‍खाम्‍डेमबेॽहा चोप याॽमिजिमि लागि बलि लिसा।

१ युहन्‍ना 4:14

निवाहाङ पाबाडे़ॽ टाङ्‌बामि पसा मक्‍खाम्‍डेमबेॽहा याॽमि मुक्‍ति पिसिॽ पाङ्‌बॽआ कानिङे़ॽ खाङ्‌डोक्‍टुङ्‌मा मोबा मो खामि साक्‍छि पिन्‍डुङ्‌मा।