१ तिमोथि 3:3 - याम्फु

³ इ, टोप्‍टे़ॽवा मे़उङ्‌खुबा याॽमिजिनुङ खिमाचुमा मे़योक्‍खुबा लिमा खे़ये। खोगो सहनसिल लिमा खे़ये, याङ्‌सरावामि लोभ ले़ःॽमा फे़न्‍निबा।

१ तिमोथि 3:3 Iomraidhean Croise

मत्‍ति 21:13

येसुडे़ॽ माहाजि लुसुजि, “धारमिक नेॽचिराबेॽ इडोॽ साप्‍पॽआ ले़ये, ‘काङ्‌मि खिम पारथना ले़ःॽठाम खिम लिमा खे़ये’ तर हे़निङे़ॽको इगो खुसुबाङ्‌जि पेन्‍ढाम रुम्‍मुक टोक्‍सानुमे।”

एप्‍पा चोङ्‌सा 20:33

के़ॽ असामिसो सुनानुङ सिसे़ङ्‌मि के़ङ्‌गेङ मे़मिॽटुङ।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

एफिसि 5:18

अङ्‌गुरमि मद्‌यडे़ॽ ए़ॽसेॽखडानिङे, इन्‍ढोङ्‌होङ मोसे़ॽ हे़निङ नासि ले़ये। तर पबित्‍रा होङ्‌निवामि चालबेॽ राप्‍सानिङे।

१ थेस्‍लोनिकि 5:14

वावानिसानुङ नानुसाजि, हे़निङ लुनिम्‍ने़ पाङ्‌सुघुबाजि नुरोॽ योम्‍बोक ले़ःॽचामा लुनुङ चेतवानि पिसानुमे, निङ्‌सिघे़ॽखुबाजि हाङ्‌हाङ पिसानुमे, किस्‍सिखुबाजि सहायता ले़टानुमे, मोबा चोप खा आङ्‌हेघुबा लिसानिङे।

१ तिमोथि 3:8

मोडोक्‍नोॽ डिकनजि आदरनुङ्‌हा याॽमि लिमा खे़म्‍मे। खोजि चइबानोॽहा खा इःॽखुबाजि, इनुङ टोप्‍टे़ॽवा मे़उङ्‌खुबा लिमा खे़ये, याङ्‌मि लोभ मे़ले़ःॽखुबा लिमा खे़ये।

२ तिमोथि 3:2

इन्‍ढोङ्‌होङ मोडोक्‍पेॽहा याॽमिजि टाङ्‌बारेॽनोॽ नम्‍नम ले़ःॽखुबा, याङ्‌मि बेॽलो लोभ ले़ःॽखुबा, काङायोङ्‌बा, लुबॽआ खा मे़ङ्‌खेम्‍खुबा, हाइखाजि बेजेत ले़ःॽखुबा, पाबा मामामि खा मे़ङ्‌खेम्‍खुबा, बैगुनि, असुद्‌ध,

तितस 1:11

अक्‍खाजिमि योम्‍बोक से़क्‍मानोॽ खे़ये इन्‍ढोङ्‌होङ अक्‍खाजिडे़ॽको इःॽमानोॽ फे़न्‍निहा खा इःॽनुङ चोप खिमबेॽ खिमाचुमा ए़ङ्‌इटुजे। इघा चोप खा माहाजिडे़ॽ याङ टोङ्‌मामि लागिनोॽ इडोॽ ले़ए़टुजे।

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

तितस 2:3

मोडोक्‍नोॽ ठाॽमा मेॽनामिॽचिडे़ॽ निवाहाङ ओहाङ ले़ःॽमे हिङ्‌मवा हिङ्‌मिरो। खोजिडे़ॽ याॽमिजिमि खा मे़इःजोसुजिरो। माहाजि इनुङ टोप्‍टे़ॽवाडे़ॽ ए़सेॽखे़ॽमिरो, मोबा माहा मेॽनामिॽचिडे़ॽ नुबा खारेॽनोॽ इःडुजिरो।

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

हिब्‍रु 13:5

याङ्‌सरावामि लोभबाङ हे़निङ ओः पेनानिङे, टाङ्‌बानुङ इन्‍डोक टुहा, टाङ्‌बे़ॽ इन्‍डोक चुप्‍इटानुमे मोडोक्‍पेॽ हे़निङ साप्‍थक्‍सानिङे। इन्‍ढोङ्‌होङ निवाहाङ्‌डे़ॽ लुटे़, “के़ॽ हे़निङ इन्‍डोक्‍पेॽसो याःॽयानिम्‍नानि, ‘के़ॽ हे़निङ इन्‍डोक्‍पेॽसो लेॽआनिम्‍नानि’।”

याकुब 4:1

हे़निङ्‌मि रुम्‍बेॽ खिमाचुमानुङ काक्‍मा हाम्‍बाङ लेङ्‌इहा ? इमा इघा चोप खालहा खागो हे़निङ्‌मि निवाहोङ्‌बेॽहा मङे़हा खामि मोजमज्‍जामि वाइॽमे़ॽ लेम्‍बॽआ ने़ॽनिबा ?

१ पत्‍रुस 5:2

निवाहाङ्‌डे़ॽ हे़निङ्‌मि जिम्‍माबेॽ युङ्‌बॽआ खोमि बगालमि नुरोॽ हेरचाह ले़टानुमे। करडे़ॽ ने़ॽनि तर साप्‍थाङ्‌मानुङ, याङ्‌सरावा चुप्‍मिये लुनुङ ने़ॽनि तर निवाहाङ्‌डे़ॽ नेन्‍जाबॽआ इगोनोॽ ले़ये मिॽनुङ हे़निङ्‌मि चोप निवाडे़ॽ ले़टानुमे।

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।

परकास 1:9

खिरिस्‍टराम्‍बाङ का हे़निङ्‌मि वावा युहन्‍ना ले़ङे। हे़निङे़ॽ आङ्‌बॽआडोॽमा खेः के़ॽसो आङ्‌मे़ॽनिङ्‌सिनुङ्‌हा, इन्‍ढोङ्‌होङ येसु कानिङ्‌मि हाङ्‌बा ले़ये, तर खोसे़ॽनोॽ कानिङ योङ आङ्‌हेमे सक्‍ति पिये। के़ॽ निवाहाङ्‌मि बचन परचार ले़ःॽपॽआसे़ॽनुङ येसु खिरिस्‍टमि टुम्‍बेॽहा खा याॽमिजि लुबॽआसे़ॽ याॽमिजिडे़ॽ का पत्‍मोस लुमे योङेॽ यिजुम्‍बॽआ ठाउँबेॽ से़क्‍नुङ युङ्‌बॽआ ले़टे़।