१ तिमोथि 3:2 - याम्फु

² मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 3:2 Iomraidhean Croise

लुका 1:6

खोजि निप्‍पाङ्‌नोॽ निवाहाङ्‌मि पोम्‍बेॽ धरमि ले़टाजे। खोजि निवाहाङ्‌डे़ॽ लुबॽआ चोप आग्‍या इक्‍कोसो मे़मिन्‍डेॽरेॽ पालना ले़टाजुए।

लुका 2:36

मन्‍दिरबेॽ इक्‍को हन्‍ना निङ ले़ःॽखुबा टुमा अगमबानि इघुबा ले़टे़। खो आसेर बङ्‌समि फानुएलमि सम्‍समा पसा ले़टे़। खोमि फुङ्‌सया लिबॽआ एच्‍चि निङ्‌बेॽनोॽ ठाॽपा सिघे़ॽनुङ राङ्‌मिॽमा लिबॽआ ले़टे़।

रोमि 12:13

निवाहाङ्‌मि योम्‍बोक ले़ःॽखुबाजि खाँचोबेॽ सिॽमाबेॽ सहायता ले़टानुमे, चाबाङ्‌जिमि नुरोॽ सेवा ले़टानुमे।

फिलिप्‍पि 2:15

मोडोॽ ले़टानुमहोङ हे़निङ चाहिँ सुधोनुङ आप्‍टिक मे़ॽनिङ्‌हाजि लिनुङ पापिनुङ मङे़हा याॽमिजिमि रुम्‍बेॽ निवाहाङ्‌मि खोट मे़ॽनिङ्‌हानुङ चोखो पसाजि लिन्‍डानिङे। हे़निङे़ॽ साङ्‌गेडे़ॽ सेन्‍जुगुपेॽ उज्‍यालो टोङ्‌डिडोॽ माहाजिमि रुम्‍बेॽ उज्‍यालो टोङ्‌मा खे़ये।

१ तिमोथि 3:12

डिकनमिसो इक्‍कोरेॽ बनिमा टुमा खे़ये। खोसे़ॽ खोमि पसाजि नुरोॽ अधिनबेॽ टिबॽआनुङ खिम नुरोॽ ले़ःॽखुबा लिमा खे़ये।

१ तिमोथि 3:8

मोडोक्‍नोॽ डिकनजि आदरनुङ्‌हा याॽमि लिमा खे़म्‍मे। खोजि चइबानोॽहा खा इःॽखुबाजि, इनुङ टोप्‍टे़ॽवा मे़उङ्‌खुबा लिमा खे़ये, याङ्‌मि लोभ मे़ले़ःॽखुबा लिमा खे़ये।

१ तिमोथि 4:3

इघाजिडे़ॽ फुङ्‌सया ले़ःॽमा फे़न्‍निबा इःन्‍डुजे, मोबा निवाहाङ्‌डे़ॽनोॽ चोप थोक टोङ्‌इटुहा मोडोगे़ॽ खो बिस्‍वास ले़ःॽखुबाजिनुङ चाइबमा लेघुबाजिडे़ॽ निवाहाङ ओहाक पिनुङ इघा चामाया चामा नुबा खासो खोजिडे़ॽ चामानोॽ फे़न्‍नि लुनुङ इःन्‍डुजे।

१ तिमोथि 5:10

खो नुबा नुबा योम्‍बोक ले़ःॽनुङ आदरनुङ्‌मा लिमा खे़ये। खोसे़ॽ पसाजि नुरोॽ कुबॽआ, चाबाङ्‌जि नुरोॽ सेवा ले़ःॽपॽआ, निवाहाङ्‌मि याॽमिजिमि सराङ वसोक्‍पॽआ, दुःखबेॽ सिॽपॽआ याॽमिजिमि सेवा ले़ःॽपॽआ, खो सानिङ्‌नोॽ नुबा नुबा योम्‍बोक ले़ःॽयाङ लिमा खे़ये।

१ तिमोथि 5:22

मन्‍डलिबेॽ योम्‍बोक ले़ःॽमामि अगुवा से़न्‍माबेॽ मो याॽमिमि टुम्‍बेॽ नुरोॽ मे़लेरेॽ चान्‍डोनोॽ ए़से़न्‍मे़ हाइखाजिमि पापबेॽ हे़न ए़ॽठुमे। आमटाङ्‌बा चाहिँ पाप योम्‍बोकबाङ ओःनोॽ पेम्‍मे।

१ तिमोथि 5:9

इक्‍खेॽरेॽ फुङ्‌सया ले़ःॽपॽआनुङ चुक्‍चिबोङ निङ्‌बाङ बेॽलो उमेर याक्‍पॽआ राङ्‌मिॽमारेॽ राङ्‌मिॽमाजिमि निङ्‌ सुचिबेॽ साप्‌युक्‍से।

२ तिमोथि 2:24

परभुमि योम्‍बोक ले़ःॽखुबे़ॽ खिमा काक्‍मा फे़न्‍निबा। खोगो चोप याॽमिजिनुङ टोङ्‌जाघुबा, मोबा नुरोॽ इःॽलेघुबानुङ आङ्‌हेघुबा लिमा खे़ये।

तितस 2:2

ठाॽपा वडाङ्‌पसाजि टाङ्‌बामि निवा अधिनबेॽ युङ्‌हेघुबा, नुबा लेहेघुबा, मोबा बिस्‍वासबेॽ पक्‍कामा, नम्‍नमनुङ्‌बा, हुङ्‌जाहेघुबा लिमे लुनुङ इःडाजे।

हिब्‍रु 13:2

चबाङ्‌जिमि नुरोॽ सेवा सत्‍कार ले़टानुमे, इन्‍ढोङ्‌होङ इडोॽ चबाङ्‌मि सेवा सत्‍कार ले़ःॽमाबेॽ कोहि कोहिडे़ॽ लेनोॽमे़लेरेॽ थाङ्‌सिरिदुतमि सेवा सत्‍कार ले़ए़टुजे।

हिब्‍रु 3:14

कानिङे़ॽ याक्‍लो बिस्‍वास ले़ःॽमाबेॽ खोबेॽ भरोसा ले़टिडोॽ ए़क्‍साङ्‌ठोक बिस्‍वासनुङ्‌मा लिन्‍डिङ्‌माहोङ कानिङ खिरिस्‍टनुङ हकदार लिन्‍डिङ्‌मा।

१ पत्‍रुस 4:7

चोप खा नासि लिमे याक के़क्‍पेॽनोॽ लेम्‍बेटे़। मोडोगे़ॽ हे़निङ टाङ्‌बा अधिनबेॽ युङ्‌नुङ होसियार पेम्‍मा खे़ये। इडोॽ हे़निङे़ॽ पारथना ले़ःॽहेन्‍डानुमे।

१ पत्‍रुस 4:9

मोबा हे़निङ साप्‍थाङ्‌मानुङ इक्‍कोसे़ॽ हाइको टाङ्‌बामि खिमबेॽ स्‍वागत ले़ःॽखुसे़ॽचुसानिङे।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।