१ तिमोथि 3:15 - याम्फु

¹⁵ मोडोगे़ॽ का आप्‍मा ढिलो लिङाहोङ्‌सो मन्‍दिरबेॽहा याॽमिजिमि चाल चलन इन्‍डोक्‍मा टुमा खे़ये खा इगो पत्‍राबाङ लेन्‍डुए। मन्‍दिरबेॽहाजि लुबॽआ चाहिँ हिङ्‌रिक निवाहाङ्‌मि मन्‍डलिनुङ चाइबमा खामि खाँबानुङ जग ले़ये।

१ तिमोथि 3:15 Iomraidhean Croise

मत्‍ति 16:16

सिमोन पत्‍रुसडे़ॽ लुसु, “हे़न हिङ्‌रिक निवाहाङ्‌मि पसा मुक्‍ति पिघुबा खिरिस्‍ट ले़ये।”

मत्‍ति 18:18

“चइबानोॽ, के़ॽ हे़निङ लुनिम्‍ने़, हे़निङे़ॽ इगो मक्‍खाम्‍डेमबेॽ इमाङ हिःक्‍इन्‍डानुमे, मो थाङ्‌सिरिबेॽसो हिःक्‍इये। मोबा हे़निङे़ॽ इगो मक्‍खाम्‍डेमबेॽ इमाङ हेङ्‌इन्‍डानुमे, मो थाङ्‌सिरिबेॽसो हेङ्‌इये।

युहन्‍ना 1:17

इन्‍ढोङ्‌होङ कानिङे़ॽ मोसाबाङ यहुदि धारमिक नियम चुप्‍टुङ्‌मा मोबा अनुग्‍रहानुङ चाइबमा चाहिँ येसु खिरिस्‍टबाङ चुप्‍टुङ्‌मा।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 18:37

पिलातसडे़ॽ येसु सिप्‍सु, “मोडोक्‍होङ हे़न हाङ्‌बानोॽ ले़ये ?” येसुडे़ॽ लुसु, “का हाङ्‌बा ले़ङे लुनुङ हे़ने़ॽनोॽ लुमे़ॽनिङ्‌सिये। इगोमि लागि मोबा चाइबमा गबाहि पिमामि का इगो मक्‍खाम्‍डेमबेॽ टोक्‍इटिङे। चाइबमा खा नेन्‍जाखुबा चोबे़ॽ के़हा खा खेम्‍इन्‍डुजे।”

युहन्‍ना 6:69

कानिङे़ॽ हे़न्‍नोॽ निवाहाङ्‌डे़ॽ पाङ्‌बॽआ पबित्‍रा याॽमि लुनुङ बिस्‍वास ले़ए़टुङ्‌मे़।”

एप्‍पा चोङ्‌सा 14:15

“ने़ॽनि, हे़निङे़ॽ इगो इमाङ्‌डे ले़ःॽमामि पोरोक्‍इटानुमे ? कानिङ्‌सो हे़निङ्‌डोॽ दुःख सुख आङ्‌घुबा याॽमिनोॽ ले़न्‍डिङ्‌मा। कानिङ गो हे़निङ निवाहाङ्‌बेॽ टेआप्‍मामि सुसमाचार खेम्‍मेॽसिॽ लेङ्‌इटिङ्‌मे। इघा योम्‍बोक मे़ॽनिङ्‌हा खा लेॽपेनुङ, नान्‍द्‌रुङ्‌मा, माहोङ्‌मानुङ मक्‍खाम्‍डेम मोबेॽ टुहा चोप टोङ्‌खुबा हिङ्‌रिक निवाहाङ्‌मि सेवा ले़ःॽमा खे़ये।

रोमि 3:2

बेॽलो खामि लागि इघा खा नुबा ले़हा। चोपबाङ याक्‍लो निवाहाङ्‌डे़ॽ यहुदिजि खोमि पबित्‍रा बचन पिसुजि।

रोमि 9:26

“मोबा मो ठाउँबेॽनोॽ निवाहाङ्‌डे़ॽ माहाजि इडोॽ लुटुए, ‘हे़निङ काङ्‌मि याॽमिजि मे़ले़टानिङ तर हागो हिङ्‌रिक निवाहाङ्‌मि पसाजि लिटानिङे’।”

१ कोरिन्‍थि 10:32

हे़ने़ॽ हिङ्‌बॽआ हिङ्‌मवाडे़ॽ यहुदिजि अथबा अयहुदिजि मोबा बिस्‍वासिजि हाप्‍सेॽमा फे़न्‍निबा।

१ कोरिन्‍थि 3:16

इमा हे़निङ निवाहाङ्‌मि मन्‍दिर ले़न्‍डानिङे मोबा खोमि होङ्‌निवा हे़निङ्‌बेॽ पेङ्‌इये लुमे खा लेसानुम्‍ने ?

२ कोरिन्‍थि 3:3

हे़निङ्‌मि हिङ्‌मवाबेॽ खाङ्‌मुये, चइबानोॽ खिरिस्‍टडे़ॽ साप्‍पॽआ पत्‍रा चाहिँ हे़निङ्‌नोॽ ले़न्‍डानिङे, मो पत्‍रा लाजे़ॽखुबा कानिङ्‌नोॽ ले़न्‍डिङ्‌मा। तर इगो पत्‍रा रुङ्‌गोॽवामि पाटिबेॽ मसिडे़ॽ साप्‍पॽआ पत्‍रा ने़ॽनि, तर हिङ्‌रिक निवाहाङ्‌मि होङ्‌निवाडे़ॽ हे़निङ्‌मि निवामि पाटिबेॽ साप्‍पॽआ ले़ये।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

२ कोरिन्‍थि 6:7

चाइबमा खा यामुनुङ निवाहाङ्‌मि सक्‍तिडे़ॽ योम्‍बोक ले़ःॽपॽआ लुनुङ खाङ्‌मुसुङ्‌मा। याॽमिजिनुङ काक्‍मा सिॽहोङ्‌सो कानिङ्‌नुङ हतियार टुये, मो हतियार लुबॽआ चाहिँ निवाहाङ्‌डे़ॽ नेन्‍जामारोमा हिङ्‌मवा हिङ्‌मानोॽ ले़ये।

गलाति 2:9

इगो काङ्‌मि लागि निवाहाङ्‌मि बेॽएम्‍मा अनुग्‍रहा ले़ये। इगो खा याकुब, पत्‍रुसनुङ युहन्‍नाडोॽहा मन्‍डलिबेॽहा डायोङ्‌बाजिडे़ॽसो लेन्‍डुजे। मोडोगे़ॽ खोजिडे़ॽ बारनाबासनुङ का खोजिनुङ योम्‍बोक ले़ःॽमामि लासामि। कानिङ चाहिँ अयहुदिजिमि रुम्‍बेॽ योम्‍बोक ले़टिङ्‌मा, मोबा खोजि चाहिँ यहुदिजिमि रुम्‍बेॽ योम्‍बोक ले़ःॽखुबाजि ले़म्‍मे।

गलाति 3:1

होउ मे़लेसुम्‍बा उम्‍बरिङ गलातिजि, असे़ॽ हे़निङ मोहोनि टिनुङ हे़निङ्‌मि निवा इडोॽ लिसे़ ? हे़निङ्‌मि पोम्‍बेॽनोॽ येसु खिरिस्‍ट काप्‍सिङ्‌बेॽ सिबॽआ खा नुरोॽ हे़निङ लुबॽआ ले़टे़ ?

एफिसि 4:21

चइबानोॽ हे़निङे़ॽ खोमि सिक्‍छे खेम्‍नुङ खोमि चोङ्‌सा लिबॽआसे़ॽ येसुमि चाइबमा खा चिङ्‌इटानुमे मिॽइटुङे।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

१ थेस्‍लोनिकि 1:9

इन्‍ढोङ्‌होङ हे़निङ्‌बेॽ लेम्‍माबेॽ कानिङ बेॽलो नुरोॽ स्‍वागत ले़टानिङ, मोबा मङे़हा चापजिमि साम्‍माङ ले़ःॽमा लेॽनुङ चाइबमा निवाहाङ्‌लाम टेआप्‍नुङ खोमि चोङ्‌सा लिसानिङ। इघा चोप खामि टुम्‍बेॽ माहा याॽमिजिडे़ॽनोॽ लुटामे।

१ तिमोथि 3:14

चान्‍डोनोॽ हे़नबेॽ आप्‍मिङे लुमे आसाबेॽ टुङे तरसो के़ॽ हे़न इगो पत्‍रा साप्‍मे़ॽनिङ्‌सिनुङे।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

१ तिमोथि 3:2

मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 3:5

इन्‍ढोङ्‌होङ खोसे़ॽ टाङ्‌बामि खिमनोॽ नुरोॽ मे़ले़चोहेसुहोङ, निवाहाङ्‌मि मन्‍डलिमि रेखदेख इन्‍डोक्‍टे ले़ःॽहेन्‍डुए ?

१ तिमोथि 4:10

मोडोगे़ॽ कानिङे़ॽ बेॽलो दुःखनुङ बिस्‍वासमि लागि योम्‍बोक ले़न्‍डुङ्‌मा इन्‍ढोङ्‌होङ कानिङ्‌मि आसा हिङ्‌रिक निवाहाङ्‌बेॽ टुये। खो चोप याॽमिजि मुक्‍ति पिघुबा मुक्‍तिदाङ्‌बा ले़ये, मोबाङ्‌सो बेॽलो चाहिँ खोबेॽ बिस्‍वास ले़ःॽखुबाजिमि लागि ले़ये।

१ तिमोथि 6:16

निवाहाङ्‌रेॽ इन्‍डोक्‍पेॽसो सिघे़ॽनिबा, खो जोतिबेॽ पेङ्‌इयेनुङ मोमि के़क्‍पेॽ असासो खे़ॽहेनिबा। खो असे़ॽसो मे़ङ्‌खाङ्‌डिटुजे, खो असे़ॽसो खाङ्‌हेसुजिनेनुङ सानिङ्‌मि लागि खो आदरनुङ मान लिरो। आमेन।

२ तिमोथि 2:19

तर निवाहाङ्‌मि सिक्‍छेमि चर हागोरोसो बोलियो ले़ःॽसिये। मोबेॽ इडोॽ साप्‍पॽआ ले़ये “परभुडे़ॽ खोमि याॽमिजि लेन्‍डुजे” मोबा “परभुबेॽ बिस्‍वास ले़ःॽखुबाजि चोप पापबाङ ओःनोॽ पेम्‍मा खे़ये।”

२ तिमोथि 2:20

बेॽहा याॽमिजिमि खिमबेॽ सुनानुङ सिसे़ङ्‌मि खोङ्‌खोरियारेॽ ने़ॽनि, तर सिङ्‌बुमिनुङ आक्‍खामामि खोङ्‌सो युङ्‌इन्‍डुजे। माहा खोङ्‌खोरिया आढा बेॽहा योम्‍बोकमि लागि आढा चाहिँ ए़द्‌रिहा योम्‍बोकमि लागि युङ्‌इन्‍डुजे।

हिब्‍रु 10:21

निवाहाङ्‌मि खिमबेॽ कानिङ्‌मि इक्‍को चोप्‍पाङ एप्‍पा याडाङ्‌बा टुयेन्‍से़ॽ,

हिब्‍रु 12:22

तर हे़निङ्‌गो सियोन सुम्‍लाखाबेॽ लेङ्‌इटानिङे, हिङ्‌रिक निवाहाङ्‌मि सहरबेॽ लेङ्‌इटानिङे, थाङ्‌सिरिडोॽमा यरुसलेमबेॽनुङ बेॽलो थाङ्‌सिरि दुतजिमि रुम्‍बेॽ लेङ्‌इटानिङे।

हिब्‍रु 3:12

वावानिसानुङ नानुसाजि, हे़निङ असासो बिस्‍वास मे़ॽनिङ्‌मा पापि निवानुङ्‌हाजि लिनुङ हिङ्‌रिक निवाहाङ्‌बाङ ओः ए़लिसानिङे।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

१ पत्‍रुस 2:5

हे़निङ्‌सो हिङ्‌रिक रुङ्‌गोॽवाडोॽ लिनुङ खडानिङे मोबा निवाहाङ्‌मि मन्‍दिर लिमामि लागि टाङ्‌बा चेॽटिबेसानुमे। मोबेॽ हे़निङे़ॽ येसु खिरिस्‍टमि राम्‍बाङ निवाहाङ्‌डे़ॽ नेन्‍जामारोमा आत्‍मिक बलि चेॽटिखुबा पबित्‍रा याडाङ्‌बामि योम्‍बोक ले़न्‍डानुमे।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?

परकास 7:2

मोबा हिङ्‌रिक निवाहाङ्‌मि मोहोर याङ्‌मानुङ इक्‍को थाङ्‌सिरिदुत नम्‍गे़तलामबाङ के़ॽपॽआ के़ॽ खाङ्‌डोक्‍टुङ। मक्‍खाम्‍डेमनुङ माहोङ्‌मा नासि ले़ःॽहेमे अधिकार चुप्‍पॽआ रिउम थाङ्‌सिरिदुतजि खोसे़ॽ इडोॽ लुसुजि,