१ तिमोथि 3:11 - याम्फु

¹¹ माहाजिमि बनिमाजिसो मोडोक्‍नोॽ आदरनिया, हाइखा याॽमिजि मे़इःजाघुबा, तर टाङ्‌बामि निवा अधिनबेॽ युङ्‌हेघुबानुङ चोप खाबेॽ बिस्‍वासनुङ्‌मा लिमा खे़ये।

१ तिमोथि 3:11 Iomraidhean Croise

मत्‍ति 4:1

मोबा सैतानडे़ॽ जाँच ले़टुरो लुनुङ पबित्‍रा होङ्‌निवाडे़ॽ येसु रे़क्‍रे़क्‍मा ठाउँबेॽ चिक्‍खे़ॽटु।

युहन्‍ना 6:70

येसुडे़ॽ माहाजि लुसुजि, “इमा काङ्‌दाङ्‌बे़ॽ हे़निङ बारो जना से़म्‍बॽआ ने़ॽनेन्‍डे ? तरसो हे़निङ्‌बेॽ इक्‍को चाहिँ सैतानमि याॽमि ले़ये।”

रोमि 1:29

माहाजिमि निवा इॽठुप चोप खालहा मङे़हानुङ दुस्‍टा खा टुहा। माहाजि लोभि ले़म्‍मे, हाइखाजि सिॽचोन्‍डुजे, हाइखाजिमि चेजेवा ले़न्‍डुजे, याॽमि सेॽएन्‍डुजे, काॽइम्‍मे, रेम्‍डेम्‍मे, मे़ॽनोक्‍हा खा इम्‍मेनुङ याॽमि इःजोन्‍डुजे।

१ तिमोथि 1:12

खोमि योम्‍बोक ले़ःॽमे बल पिघुबा कानिङ्‌मि परभु येसु खिरिस्‍ट के़ॽ बेॽलो ओहाक पिनुङे़। खोसे़ॽ बिस्‍वासनुङ्‌मा खाङ्‌नुङ खोमि योम्‍बोकपेॽ टिसिङा।

१ तिमोथि 3:2

मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 6:2

कानिङ्‌मि मायोङ्‌बासो बिस्‍वासि ले़ये लुनुङ ए़डे़ॽवारेॽनोॽ आदर ए़ले़ःॽमे इन्‍ढोङ्‌होङ खोजि बिस्‍वासि वावानिसाजि ले़म्‍मे। माहाजिडे़ॽ खोजिमि मायोङ्‌बा छना बेॽलो आदर ले़ःॽमा खे़ये, इन्‍ढोङ्‌होङ खोजिडे़ॽ ले़ःॽपॽआ योम्‍बोकबाङ बेॽलो फाइदा चुप्‍खुबा खोजिडे़ॽ नम्‍नम ले़ःॽपॽआ बिस्‍वासि मायोङ्‌बाजिनोॽ ले़म्‍मे। हे़ने़ॽ इडोक्‍हा खा सेउतेजि इःडाजेनुङ मोडोक्‍नोॽ ले़ःॽमा लुसाजे।

२ तिमोथि 3:3

असासो नम्‍नम मे़ले़ःॽखुबाजि, आम्‍लाङ मे़म्‍पिघुबाजि, याॽमिजिमि मङे़हा खा खिडिखुबाजि, मङे़हा चालनुङ्‌हाजि, दुस्‍टाजिनुङ नुबा खा मे़नेन्‍जाखुजि लिम्‍मे, टाङ्‌बा अधिनबेॽ मे़युङ्‌हेघुबा ले़म्‍मे।

२ तिमोथि 4:5

तर आम्‍मि निवा अधिनबेॽ युक्‍से। खेः आक्‍से, परचारमि योम्‍बोक ले़टे, मोबा हे़ने़ए़ सेवामि योम्‍बोक नुरोॽ पुरा ले़टे।

तितस 2:3

मोडोक्‍नोॽ ठाॽमा मेॽनामिॽचिडे़ॽ निवाहाङ ओहाङ ले़ःॽमे हिङ्‌मवा हिङ्‌मिरो। खोजिडे़ॽ याॽमिजिमि खा मे़इःजोसुजिरो। माहाजि इनुङ टोप्‍टे़ॽवाडे़ॽ ए़सेॽखे़ॽमिरो, मोबा माहा मेॽनामिॽचिडे़ॽ नुबा खारेॽनोॽ इःडुजिरो।

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।