१ तिमोथि 2:7 - याम्फु

⁷ मोडोगे़ॽ निवाहाङ्‌डे़ॽ का एप्‍पा चोङ्‌सा मोबा अयहुदि जातिहा याॽमिजि चाइबमा खा परचार ले़ःॽखुबा टोङ्‌इटे़। इगो खा के़ॽ चइबानोॽ लुबॽआयो, रेम्‍डेॽपॽआ ने़ॽनि।

१ तिमोथि 2:7 Iomraidhean Croise

युहन्‍ना 7:35

मोबा यहुदि डायोङ्‌बाजि खोजिदाङ्‌बा कासामि, “कानिङे़ॽ मे़न्‍चुप्हेमे हाम्‍बे ठाउँबेॽ इगो येसु खे़ॽसिॽपोरोइटे़ ? इमा इगोसे़ॽ गिरिक जातिहा याॽमिजि खोरो हाःनुङ पेम्‍बॽआ यहुदिजिबेॽ खे़ॽनुङ गिरिक जातिहा याॽमिजि सिक्‍छे पिमा योॽइटुए ?

एप्‍पा चोङ्‌सा 14:27

एन्‍टिओखियाबेॽ टेनुङ ए़क्‍साङ पावलनुङ बारनाबासडे़ॽ मन्‍डलिबेॽहा चोप बिस्‍वासिजि के़डुजि। निवाहाङ्‌डे़ॽ खोजिबाङ इन्‍डोक्‍हा योम्‍बोक ले़टुएनुङ खोसे़ॽ अयहुदि जातिजिडे़ॽसो बिस्‍वास ले़ःॽहेमे राम्‍डेम हेम्‍बेॽटुजि लुमे खा खोजिडे़ॽ माहाजि खेम्‍मेॽटुजि।

एप्‍पा चोङ्‌सा 22:21

तर परभुडे़ॽ लुसिङ, ‘हे़न खडे, के़ॽ ओः ओःराजि अयहुदि जातिजिबेॽ हे़न पाङ्‌मे़ॽनिङ्‌सिन्‍ने़’।”

एप्‍पा चोङ्‌सा 26:20

याक्‍लो दमसकसबेॽनुङ यरुसलेमबेॽ मोबा चोप यहुदिया देसबेॽ मोबा अयहुदि जातिहा याॽमिजिसो पाप ले़ःॽमा लेॽनुङ निवाहाङ्‌लाम टेसानिङे लुनुङ खेम्‍मेॽटुङ्‌जि। निवाहाङ्‌लाम टेआप्‍पॽआ खा पक्‍का ले़ःॽमामि योम्‍बोकपेॽ खाङ्‌मुमा खे़ये लुनुङ इःडुङ्‌जि।

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

रोमि 1:9

काङ्‌मि चोप निवाबाङ्‌नोॽ निवाहाङ्‌मि पसामि टुम्‍बेॽए सुसमाचार परचार ले़ःॽनुङ खोमि सेवा ले़नुङे। के़ॽ हे़निङ मे़मिन्‍डेॽटिॽ, तर सानिङ्‌नोॽ हे़निङ्‌मि लागि पारथना ले़ःॽमे़ॽनिङ्‌सिनुङे। इगो खामि लागि निवाहाङ्‌नोॽ काङ्‌मि साक्‍छि टुये।

रोमि 10:14

तर निवाहाङ्‌बेॽ बिस्‍वास मे़ले़ःॽलेॽ खोमि पुकारा इन्‍डोक्‍टे ले़ःॽमे ? असामि टुम्‍बेॽ इमाङ्‌सो मे़ङ्‌खेम्‍डिॽहोङ खोबेॽ इन्‍डोक्‍टे बिस्‍वास ले़ःॽमे ? खोमि टुम्‍बेॽ असे़ॽसो परचार मे़ले़ःॽलेॽ इन्‍डोक्‍टे खेम्‍मे ?

रोमि 11:13

हागो के़ॽ हे़निङ अयहुदि जातिजि लुनिम्‍ने़, का चाहिँ हे़निङ अयहुदिजिमि लागि से़न्‍बॽआ खिरिस्‍टमि एप्‍पा चोङ्‌सा ले़ङे। यहुदिजिमि पोम्‍बेॽ के़ॽ इगो योम्‍बोक छना बेॽए मिॽइनुङे।

रोमि 15:16

इक्‍को याडाङ्‌बाडे़ॽ निवाहाङ्‌मि पोम्‍बेॽ नेन्‍जामारोमा भेटि चेॽटिबॽआडोॽ के़ॽसो माहा अयहुदि याॽमिजि सुसमाचार खेम्‍मेॽनुङ, पबित्‍रा होङ्‌निवाबाङ चोखो टोङ्‌नुङ निवाहाङ्‌डे़ॽ नेन्‍जोन्‍डुए भेटिडोॽ खोमि पोम्‍बेॽ लाजे़टुङ्‌हाजि।

रोमि 9:1

हागो के़ॽ खिरिस्‍टमि निङ्‌बेॽ चाइबमा खा इःमे़ॽनिङ्‌सिनुङे़, रेम्‍डेॽपॽआ ने़ॽनि। पबित्‍रा होङ्‌निवामि पोम्‍बेॽ टुये काङ्‌मि नुबानुङ मङे़ॽमा खा लेघुबा निवाडे़ॽ इगो खामि साक्‍छि पिये।

१ कोरिन्‍थि 9:1

इमा का फुक्‍का ले़ःॽङानि ? इमा का एप्‍पा चोङ्‌सा ने़ॽनिबा ? इमा के़ॽ कानिङ्‌मि परभु येसु मे़ङ्‌खाङ्‌डिटुङे ? के़ॽ खेम्‍मेॽपॽआ सुसमाचारबाङ्‌नोॽ हे़निङे़ॽ परभुबेॽ बिस्‍वास ले़ःॽपॽआ ने़ॽनेन्‍डे ?

२ कोरिन्‍थि 11:31

का रेम्‍डेॽङानि लुनुङ्‌गो परभु येसुमि पाबा निवाहाङ्‌डे़ॽनोॽ लेन्‍डुहा, सानिङ निवाहाङ ओहाङ लिरो।

गलाति 1:16

निवाहाङ्‌डे़ॽनोॽ काबाङ यहुदिजिमि रुम्‍बेॽ सुसमाचार परचार लिरो मिॽनुङ खोमि पसामि जोति खाङ्‌मुसु, मोडोक्‍पेॽ के़ॽ याॽमिजिनुङ सल्‍लहा मे़लासुङ।

गलाति 1:20

इघा के़ॽ साप्‍पॽआ खा मे़ॽनोक्‍हा ने़ॽनि, निवाहाङ्‌मि पोम्‍बेॽ का रेम्‍डेॽङानि।

गलाति 2:16

तर कानिङे़ॽ लेन्‍डुङ्‌मे़, असासो यहुदि धारमिक नियम पालना ले़ःॽनुङ धरमि लिहेनिबा। तर येसु खिरिस्‍टबेॽ बिस्‍वास ले़ःॽनुङ्‌रेॽ याॽमि धरमि लिये। मोडोगे़ॽ कानिङे़ॽसो यहुदि धारमिक नियम पालना ले़ःॽनुङ ने़ॽनि, येसु खिरिस्‍टबेॽ बिस्‍वास ले़ःॽनुङ धरमि लिमामि खोबेॽ बिस्‍वास ले़न्‍डुङ्‌मा।

गलाति 2:9

इगो काङ्‌मि लागि निवाहाङ्‌मि बेॽएम्‍मा अनुग्‍रहा ले़ये। इगो खा याकुब, पत्‍रुसनुङ युहन्‍नाडोॽहा मन्‍डलिबेॽहा डायोङ्‌बाजिडे़ॽसो लेन्‍डुजे। मोडोगे़ॽ खोजिडे़ॽ बारनाबासनुङ का खोजिनुङ योम्‍बोक ले़ःॽमामि लासामि। कानिङ चाहिँ अयहुदिजिमि रुम्‍बेॽ योम्‍बोक ले़टिङ्‌मा, मोबा खोजि चाहिँ यहुदिजिमि रुम्‍बेॽ योम्‍बोक ले़ःॽखुबाजि ले़म्‍मे।

गलाति 3:9

अब्‍राहामडे़ॽ बिस्‍वास ले़ःॽनुङ आसिस चुप्‍टु, इडोक्‍नोॽ हाइखा याॽमिजिडे़ॽसो बिस्‍वास ले़ःॽनुङ अब्‍राहामनुङ सोरि आसिस चुप्‍मिन्‍डुजे।

२ तिमोथि 1:11

निवाहाङ्‌डे़ॽ का इगो सुसमाचार परचार ले़ःॽखुबा, इक्‍को एप्‍पा चोङ्‌सानुङ इगो खा इःॽखुबा टोङ्‌इटिङे।

२ पत्‍रुस 2:5

निवाहाङ्‌डे़ॽ याक्‍लोए मक्‍खाम्‍डेमसो मे़लेडु। निवाहाङ्‌मि खा मे़ङ्‌खेम्‍खुबा याॽमिजि चोप बेॽए वाडुमडे़ॽ नासि ले़टुजि। धारमिक खा परचार ले़ःॽखुबा नोआनुङ खोमि खिमबेॽहा याॽमिजिरेॽ हिक्‍सामि।