11 मेॽनामिॽ पसाजि अधिनबेॽ योङ पेन्नुङ नुबा खा चिनुजिरो।
तर हे़निङे़ॽ इगो खा नुरोॽ लेसानुमे लुनुङ के़ॽ मिॽइनिम्ने़, खिरिस्ट चाहिँ चोप वडाङ्पसाजिमि निन्डवाँ ले़ये। मोबा बनिबा चाहिँ बनिमामि निन्डवाँ ले़ये, खिरिस्टमि निन्डवाँ चाहिँ निवाहाङ ले़ये।
बनिमाजि हे़निङ परभुमि पोम्बेॽ खेन्जानुरो टाङ्बामि बनिबाजिमि अधिनबेॽ पेनानिङे।
तर निवाहाङ्मि ओहाङ ले़ःॽखुबा मेॽनामिॽचिडे़ॽ नुबा योम्बोकरेॽनोॽ ले़टुजिरो।
मोबा खोजिबाङ पाःॽइम्मे मेॽनामिॽचि नुबा रामबेॽ राम्हेघुबा, चोखो निवानुङ्मा, नम्नावानुङ्मा, नुरोॽ खिम ले़ःॽचाहेघुबानुङ बनिबामि अधिनबेॽ पेम्मे खा इःॽहेन्डुजे। आक्टोॽ ले़ःॽमाहोङ निवाहाङ्मि टुम्बेॽ आसे़ॽसो सिःक्चाडोक्टुजिने।
बनिमाजि, हे़निङ्मि बनिबाजिमि अधिनबेॽ पेम्मा खे़ये। मोडोॽ ले़ःॽमाहोङ निवाहाङ्बेॽ बिस्वास मे़ले़ःॽखुबा बनिबाडे़ॽ हे़निङ्मि चाल चलन खाङ्नुङ्सो बिस्वास ले़न्डुए। हे़निङे़ॽ लुमा पाप्निबा खोजिटाङ्बे़ॽ खोजिमि निवा फेङ्इन्डुजे।
