१ तिमोथि 2:1 - याम्फु

¹ चोप्‍पाङ याक्‍लो हे़न लुन्‍ने़, चोपमि लागि बिन्‍तिनुङ पारथना ले़ःॽमे़, मोबा माहाजिमि लागि निवाहाङ ओहाक पिमे़।

१ तिमोथि 2:1 Iomraidhean Croise

एप्‍पा चोङ्‌सा 17:30

मोडोगे़ॽ याक्‍लो मे़ल्‍लेरेॽ ले़ःॽपॽआ पाप निवाहाङ्‌डे़ॽ ले़ख्‍खो मे़ले़टु। तर हागो निवाहाङ्‌डे़ॽ चोप याॽमिजि ‘खोजिटाङ्‌बामि पाप मिॽनुङ फेरि मोडोॽ ए़ले़ःॽमे’ लुनुङ आग्‍या पिटे़।

रोमि 1:8

चोप्‍पाङ याक्‍लो के़ॽ येसु खिरिस्‍टबाङ हे़निङ चोपमि लागि निवाहाङ पाबा ओहाक पिनुङे़, इन्‍ढोङ्‌होङ हे़निङ्‌मि बिस्‍वासमि टुम्‍बेॽहा खा चोप मक्‍खाम्‍डेमबेॽ परचार लिटाहा।

रोमि 6:17

याक्‍लो इक्‍खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्‌मि खा खेम्‍बॽआसे़ॽ निवाबाङ्‌नोॽ पालना ले़टानुमे। इगो खामि लागि निवाहाङ ओहाक पिनुङे़।

१ कोरिन्‍थि 15:3

के़ॽ चुप्‍पॽआ इगो चोप्‍पाङ बेॽए खानोॽ हे़निङ पिबेनिम्‍ने़। मो खा लुबॽआ धारमिक नेॽचिराडे़ॽ लुडिडोॽ खिरिस्‍ट कानिङ्‌हा पापमि लागि सिसा।

२ कोरिन्‍थि 8:6

तितसडे़ॽनोॽ खोजिमि रुम्‍बेॽ इगो भेटि सुम्‍मे योम्‍बोक याक्‍लो तरिक्‍पॽआसे़ॽ मो योम्‍बोक खोसे़ॽनोॽ पुरा ले़टुरो लुनुङ कानिङे़ॽसो खोनोॽ पाक्‍सुङ्‌मा।

एफिसि 3:13

मोडोगे़ॽ के़ॽ हे़निङ बिन्‍ति ले़निम्‍ने़, हे़निङ्‌मि लागि के़ॽ आङ्‌बॽआ खेः खाङ्‌नुङ निरास ए़लिसानिङे। इगोगो हे़निङ्‌मि गरबमि लागिनोॽ लिबॽआ ले़ये।

एफिसि 5:20

सानिङ्‌नोॽ चोप खामि लागि कानिङ्‌मि परभु येसुमि निङ्‌बेॽ निवाहाङ पाबा ओहाक पिसानुमे।

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

फिलिप्‍पि 1:3

हे़निङ मिॽमाबेॽ सानिङ काङ्‌मि निवाहाङ ओहाक पिनुङे़।

फिलिप्‍पि 4:6

हे़निङ इमाङ खामि लागिसो सुरता ए़ले़टानिङे, तर हे़निङ पाप्‍मिहा खा निवाहाङ्‌नुङ पारथनाबेॽ ङागानुमे, मोबा ओहाक पिसाङ खोनुङ बिन्‍ति ले़टानुमे।

१ थेस्‍लोनिकि 3:12

कानिङे़ॽ हे़निङ नम्‍नम ले़ःॽपॽआडोक्‍नोॽ परभुडे़ॽसो हे़निङ्‌टाङ्‌बा नम्‍नम ले़ःॽखुसे़ॽचुघुबा लिसानिङे, मोबा खोसे़ॽ याॽमिजि नम्‍नम ले़ःॽखुबा टोक्‍सुरो।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ तिमोथि 2:4

चोप याॽमिजि हिङ्‌मिरो, मोबा चाइबानोक्‍मा चाइबमा खा लेसुजिरो लुनुङ खोसे़ॽ मिइन्‍डुए।

१ तिमोथि 5:5

तर टाङ्‌बाङ मे़ॽनिङ्‌हा चाइबमानोॽमा राङ्‌मिॽमाडे़ॽ चाहिँ निवाहाङ्‌बेॽ आसा ले़न्‍डुए। खोसे़ॽ लेन्‍डा, सेन्‍डा सानिङ्‌नोॽ निवाहाङ्‌नुङ पारथना ले़न्‍डुए।

२ तिमोथि 2:24

परभुमि योम्‍बोक ले़ःॽखुबे़ॽ खिमा काक्‍मा फे़न्‍निबा। खोगो चोप याॽमिजिनुङ टोङ्‌जाघुबा, मोबा नुरोॽ इःॽलेघुबानुङ आङ्‌हेघुबा लिमा खे़ये।

तितस 2:11

इन्‍ढोङ्‌होङ चोप याॽमिजिडे़ॽ मुक्‍ति चुप्‍टुजिरो लुनुङ्‌नोॽ निवाहाङ्‌मि अनुग्‍रहा खाङ्‌मुटे़।

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

हिब्‍रु 6:11

हे़निङ चोपजिमि इगो बिस्‍वास ए़क्‍साङ्‌ठोक टुडुङ्‌घे़ॽरो, मोबा हे़निङ्‌मि आसा पुरा लिये लुनुङ मिॽइटुङ्‌मे़।

याकुब 5:16

मोडोगे़ॽ हे़निङ्‌मि रुम्‍बेॽ इक्‍कोसे़ॽ हाइकोमि बिरोधबेॽ ले़ःॽपॽआ पाप टुहोङ आम्‍लाङ ङाःक्‍खुसे़ॽचुसानिङे। हे़निङ नुबुक्‍मामि लागि इक्‍कोसे़ॽ हाइकोमि लागि पारथना ले़टानुमे। धारमिक याॽमिमि पारथना सक्‍तिनुङ्‌मा ले़ये, मोबाङ बेॽए योम्‍बोक लिहेये।