१ तिमोथि 1:9 - याम्फु

⁹ इगो खा लेयाक्‍मा खे़ये, नियमगो नुबा याॽमिमि लागि टोङ्‌बॽआ ने़ॽनि। नियमगो नियम पालना मे़ले़ःॽखुबा, लुबॽआ मे़ङ्‌खे़म्‍खुबा, निवाहाङ्‌नुङ मे़ङ्‌किस्‍सिखुबा, असुदधा, अधरमि, पापि, मोबा टाङ्‌बामि पाबा, मामा सेॽखुबाजि, याॽमि सेक्‍खुबाजि,

१ तिमोथि 1:9 Iomraidhean Croise

मत्‍ति 10:21

“वावाडे़ॽ निसा, निसाडे़ॽ वावा सेॽनेमामि सतुरजि राःप्‍मेन्‍डुजे, पाबा मामाडे़ॽ पसाजिनुङ पसाजिडे़ॽ पाबा मामामि टेडिघरिक लिनुङ सेॽनेमेन्‍डुजे।

रोमि 1:30

याॽमिजि इःजोन्‍डुजे, निवाहाङ सिॽचोन्‍डुजे, लुबॽआ खसिमिने, काङायोङ्‌बा लिम्‍मे, बेॽहा बेॽहा खा इःम्‍मे, मङे़हा खा योॽइम्‍मे, पाबा मामाजिमि खा खेप्‍सुजिने,

रोमि 4:13

अब्‍राहामडे़ॽ धारमिक नियम पालना ले़ःॽपॽआसे़ॽ ने़ॽनि, तर निवाहाङ्‌बेॽ बिस्‍वास ले़ःॽनुङ धरमि ठहरबा लिबॽआसे़ॽनोॽ खोनुङ खोमि पसाजि मक्‍खाम्‍डेमबेॽ हकदार टोङ्‌इनिम्‍ने़ लुनुङ निवाहाङ्‌डे़ॽ अब्‍राहामनुङ हेन्‍ज्‍रुङ हे़नु।

रोमि 5:20

धारमिक नियम लेस्‍सा, मोबा पाप छना बेॽलो लिसा, तर इन्‍डोक पाप बेॽलो लिसा, मोडोक्‍नोॽ निवाहाङ्‌मि अनुग्‍रहासो बेॽलो लिसा।

रोमि 6:14

हागो हे़निङ्‌बेॽ पापडे़ॽ अधिन ले़टुनिबा, इन्‍ढोङ्‌होङ हे़निङ धारमिक नियममि अधिनबेॽ ने़ॽनि अनुग्‍रहामि अधिनबेॽ टुन्‍डानिङे।

गलाति 3:19

मोडोक्‍होङ यहुदि धारमिक नियम इन्‍ढोङ पिबॽआ ले़टे़ ? मो चाहिँ हेन्‍ज्‍रुङ हे़म्‍बॽआ अब्‍राहाममि पसा मे़लेन्‍लो याॽमिजि पाप लेमेॽमामि लागि पिबॽआ ले़टे़। निवाहाङ्‌डे़ॽ खोमि यहुदि धारमिक नियम थाङ्‌सिरिदुतबाङ निवाहाङ्‌नुङ याॽमिजिमि रुम्‍बेॽ यामुखुबा मोसा पिसु।

गलाति 5:18

तर हे़निङ पबित्‍रा होङ्‌निवामि अधिनबेॽ राम्‍इन्‍डानिङ्‌होङ्‌गो यहुदि धारमिक नियममि अधिनबेॽ मान्‍डानिङे।

गलाति 5:21

चेजेवा के़ॽमा, सेॽखे़ॽमा, मङे़हा मोजमज्‍जा ले़ःॽमा मोबा इडोक्‍हा हाइखा योम्‍बोक ले़ःॽखुबाजि चाहिँ याॽमिजि निवाहाङ्‌मि राज्‍यमि हकदार लिडोक्‍मिने लुनुङ के़ॽ याक्‍लोसो लुबेनिम्‍ने़, मोबा आयुसो लुमे़ॽसिनिम्‍ने़।

गलाति 5:23

ए़डेम्‍मा लिमा, टाङ्‌बा अधिनबेॽ युङ्‌मा, इडोक्‍हा योम्‍बोकमि बिरोधबेॽ इमाङ्‌सो नियम माॽआ।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

१ तिमोथि 4:7

भक्‍ति मे़ॽनिङ्‌हानुङ योम्‍बोक मे़ॽनिङ्‌हा पारलेनबाङ ओः पेने, तर निवाहाङ्‌डे़ॽ नेन्‍जोन्‍डुए खाबेॽ तालिम ले़टे।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

२ तिमोथि 2:16

भक्‍ति मे़ॽनिङ्‌हा उम्‍बरिङ, योम्‍बोक मे़ॽनिङ्‌हा खाबाङ ओःनोॽ पेने। इन्‍ढोङ्‌होङ इडोक्‍हा खाडे़ॽ याॽमिजि छना बेॽलो अधरमि टोङ्‌इये।

२ तिमोथि 3:2

इन्‍ढोङ्‌होङ मोडोक्‍पेॽहा याॽमिजि टाङ्‌बारेॽनोॽ नम्‍नम ले़ःॽखुबा, याङ्‌मि बेॽलो लोभ ले़ःॽखुबा, काङायोङ्‌बा, लुबॽआ खा मे़ङ्‌खेम्‍खुबा, हाइखाजि बेजेत ले़ःॽखुबा, पाबा मामामि खा मे़ङ्‌खेम्‍खुबा, बैगुनि, असुद्‌ध,

तितस 1:10

इन्‍ढोङ्‌होङ लुबॽआ मे़ङ्‌खसिखुबाजि, मे़ॽनोक्‍हा खा इःखुबाजिनुङ रेम्‍डेॽखुबाजि ले़म्‍मे। इडोक्‍हाजि बेॽलो चाहिँ खतना ले़ःॽमा खे़ये लुघुबाजि टुम्‍मे।

तितस 1:16

माहाजि निवाहाङ लेन्‍डुङ्‌मे़गो काम्‍मे, तर खोजिमि योम्‍बोकडे़ॽ निवाहाङ सिच्‍चोन्‍डुजे। चिक्‍चि मिॽमारोहानुङ लुबॽआ खा मे़खेम्‍खुबा याॽमिजि इमाङ्‌सो नुबा योम्‍बोक ले़ःॽमा खेन्‍जोसुजिने।

तितस 1:6

मन्‍डलिबेॽहा अगुवाजि इमाङ आप्‍टिक मे़ॽनिङ्‌मा, इक्‍कोरेॽ फुङ्‌सया ले़ःॽखुबा, नुबा चाल चलननुङ्‌बा खोमि पसाजिसो बिस्‍वास ले़ःॽखुबा, लुबॽआ खा खासिखुबानुङ याॽमिजिडे़ॽ आप्‍टिक मे़न्‍टिहेखुबा लिमा खे़ये।

तितस 3:3

इन्‍ढोङ्‌होङ कानिङ टाङ्‌बासो याक्‍लो उम्‍बरिङ, लुबॽआ मे़ङ्‌खेम्‍खुबा, मोबा फाङ्‌सिघे़ॽपॽआ ले़टिङ्‌मा। कानिङ मङे़ॽमा खामि अधिनबेॽ टुसिङ्‌मा मोबा बेभिचारनुङ बेॽलो खालहा मङे़हा सुख बिलास ले़ःॽमा मिनिङ्‌मे़। कानिङ चेजेवा ले़ःॽमानुङ पेनिङ्‌मे़। याॽमिजिडे़ॽ सिॽचासामेनुङ कानिङ टाङ्‌बा सिॽचाघुसे़ॽ चुसिङ्‌मे़।

हिब्‍रु 11:31

बिस्‍वास ले़ःॽपॽआसे़ॽनोॽ बेस्‍या योम्‍बोक ले़ःॽखुबा राहाब लुमे मेॽनामिॽडे़ॽ खुस्‍रिङ्‌मु खा खुसिॽ लेङ्‌खुबा इस्‍राएलिजि हिङ्‌माराप्‍टुजि मोबा खोमदाङ्‌बासो हिक्‍सा।

हिब्‍रु 12:16

हे़निङ असासो छाडा ए़लिसानिङे, मोबा एसाबडोॽ निवाहाङ्‌मि ले़ख्‍खो मे़ले़ःॽखुबा ए़लिसानिङे, इन्‍ढोङ्‌होङ खोसे़ॽ इक्‍छाक चामाबेॽ खोमि टुम्‍मि अधिकार इन्‍जोबेसु।

१ पत्‍रुस 2:7

मोडोगे़ॽ हे़निङ बिस्‍वास ले़ःॽखुबा चोपमि लागि इगो रुङ्‌गोॽवा महान ले़ये। तर बिस्‍वास मे़ले़ःॽखुबाजिमि लागि चाहिँ इडोॽ ले़ये, “खिम आङ्‌घुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवा चाहिँ कुनामि सुर टिढाम रुङ्‌गोॽवा लिसा।”

१ पत्‍रुस 3:20

माहा होङ्‌निवाजि चाहिँ नोआडे़ॽ योङा जहाज टोङ्‌बॽआ बेलाबेॽ पापबाङ टेआप्‍मिम्‍मेन्‍डे लुनुङ निवाहाङ्‌डे़ॽ हुङ्‌बॽआ होङ्‌निवाजि ले़टामे। तर माहाजिडे़ॽ निवाहाङ्‌मि खा मे़ङ्‌खेप्‍सुजि। योङा जहाजबेॽ आक्‍चि जना याॽमिरेॽनोॽ बेॽए वाडुमबाङ हिक्‍सामि।

१ पत्‍रुस 4:18

धारमिक नेॽचिराडे़ॽ लुये, “धरमि याॽमिजिमिनोॽ उद्‌धार ले़ःॽमा छॽइये, मोबा अधरमि पापि याॽमिजिमि हालत इन्‍डोक्‍मा लिइ होला ?”

यहुदा 1:15

मोबा इडोक्‍हा याॽमिजि चोप खोसे़ॽ दन्‍डा पिन्‍डुजे मोबा इघाजिडे़ॽ ले़ःॽपॽआ मङे़हा योम्‍बोकमि बिरोधबेॽ इःबॽआ चोप खामि खोसे़ॽ दन्‍डा पिन्‍डुजे।”

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 22:15

तर हुःॽवाडोॽ बेहोरा ले़ःॽखुबाजि, टुनामुना ले़ःॽखुबाजि, बेभिचार ले़ःॽखुबाजि, याॽमि सेॽखुबाजि, मुरति पुजा ले़ःॽखुबाजि, रेम्‍सिङ खा नेन्‍जाखुबाजि इडोक्‍हा चोपजि सहरबाङ पाखे़ॽयुनोॽ सिॽइम्‍मे।