१ तिमोथि 1:20 - याम्फु

²⁰ मोजि हुमेनियसनुङ अलेक्‍जेन्‍डर ले़न्‍जे। निवाहाङ इजामा फे़न्‍नि लुमे खा लेसुजिरो लुनुङ के़ॽ माहाजि सैतानमि हुकपेॽ युङ्‌इटुङ्‌हाजि।

१ तिमोथि 1:20 Iomraidhean Croise

मत्‍ति 18:17

मो निसाडे़ॽ माहाजिमि खासो मे़ङ्‌खेप्‍सुहोङ, मन्‍डलिबेॽहा याॽमिजिमि पोम्‍बेॽ लुसे, मोसे़ॽ मन्‍डलिमिसो खा मे़ङ्‌खेप्‍सुहोङ, खो निवाहाङ्‌बेॽ बिस्‍वास मे़ले़ःॽखुबानुङ मे़क्‍चेन लाघुबा पापि याॽमिडोॽ मिॽनुङ योङ्‌मेॽटे।

एप्‍पा चोङ्‌सा 13:45

तर यहुदि एप्‍पाजिडे़ॽ मोढे़ःॽलो याॽमिजि सुम्‍बॽआ खाङ्‌नुङ चेजेवा ले़ःॽसाङ पावलडे़ॽ लुबॽआ खामि बिरोध ले़ःॽसाङ पावल वोबुजि।

एप्‍पा चोङ्‌सा 19:33

यहुदिजिडे़ॽ मोडोक्‍पेॽ लिडिङ्‌बॽआ खामि टुम्‍बेॽ याॽमिजि लुबेॽमामि लागि अलेक्‍जेन्‍डर पोम्‍बेॽ येःमेॽटुजि। मोबा खोसे़ॽ हुकमि खाप्‍ले़ॽ योङ्‌उक्‍मेॽसाङ जोग लिमामि लागि खा इःमा योगु।

१ कोरिन्‍थि 11:32

निवाहाङ्‌डे़ॽ कानिङ न्‍याय ले़ःॽमाबेॽ मक्‍खाम्‍डेमबेॽहा पापिजिडोॽ दोसनुङ्‌हाजि मे़लिरो लुनुङ खोसे़ॽ कानिङ अधिनबेॽ युङ्‌इये।

२ कोरिन्‍थि 10:6

हे़निङ चोप आग्‍या पालना ले़ःॽखुबा लिबेयेम्‍बाङ, आग्‍या पालना मे़ले़ःॽखुबाजि चोप दन्‍डा पिमामि पोरोक्‍इन्‍डिङ्‌मा।

२ कोरिन्‍थि 13:10

हे़निङ्‌बेॽ लेम्‍माबेॽ निवाहाङ्‌डे़ॽ का पिबॽआ अधिकार हे़निङ नम्‍नमनोॽ मे़ॽनिङ बेभार ले़ःॽमा मे़सिॽलो लुनुङ का हे़निङ्‌बाङ ओः टुमाबेॽ इघा खा साप्‍मे़ॽनिङ्‌सिनुङे। मो अधिकारगो हे़निङ नासि ले़ःॽमामि लागि ने़ॽनि, तर नुबा याॽमि टोङ्‌मामि लागि पिबॽआ ले़ये।

२ थेस्‍लोनिकि 3:15

तर मोडोक्‍हा याॽमिजिसो सतुरडोॽको ए़ले़टानुमे, तर टाङ्‌बामि वावानिसानुङ नानुसाजिडोॽ नम्‍नमनुङ अरति पिसानुमे।

१ तिमोथि 5:15

के़ॽ लुनुङे इन्‍ढोङ्‌होङ इन्‍डोक जना राङ्‌मिॽ राङ्‌मिॽमाजि याक्‍लोनोॽ सैतानमि रामबेॽ खे़ॽपेटामे।

२ तिमोथि 2:14

इगो खा हे़ने़ॽ मन्‍डलिबेॽहा याॽमिजि नुरोॽ लुबेॽटाजे। खोजि इक्‍को इक्‍को खाबेॽ ए़ॽखिमिरो लुनुङ, निवाहाङ्‌मि पोम्‍बेॽनोॽ लुसाजे। खिमवानुङ काक्‍मवाडे़ॽ इमाङ्‌सो नुबा लिनिबा तर इगो खाडे़ॽको खेम्‍खुबा याॽमिजिरेॽ फाङ्‌सिघे़म्‍मे।

२ तिमोथि 2:17

इडोक्‍हा खा इन्‍डोक्‍पेॽसो नुबुक्‍निहा हुवाडोॽ लिहा। हुमेनियसनुङ फिलेतसमि खासो मोडोक्‍मानोॽ ले़हा।

२ तिमोथि 3:2

इन्‍ढोङ्‌होङ मोडोक्‍पेॽहा याॽमिजि टाङ्‌बारेॽनोॽ नम्‍नम ले़ःॽखुबा, याङ्‌मि बेॽलो लोभ ले़ःॽखुबा, काङायोङ्‌बा, लुबॽआ खा मे़ङ्‌खेम्‍खुबा, हाइखाजि बेजेत ले़ःॽखुबा, पाबा मामामि खा मे़ङ्‌खेम्‍खुबा, बैगुनि, असुद्‌ध,

हिब्‍रु 12:5

निवाहाङ्‌डे़ॽ हे़निङ खोमि पसाजि लुडिडोॽ लुनुङ इडोॽ अरति पिबॽआ हे़निङे़ॽ मिन्‍डेडानुमे ? “होउ के़हा पसाजि, परमपरभु निवाहाङ्‌मि अरति हेला ए़ले़टानुमे, खोसे़ॽ योप्‍माबेॽ हरेस ए़च्‍चासानुमे।

परकास 13:1

माहोङ्‌माबाङ इक्‍को जिवात पे़आप्‍पॽआ के़ॽ खाङ्‌डोक्‍टुङ, मोमि इक्‍पोङ गोटा सजाङ्‌नुङ एच्‍चि गोटा निन्‍डवाँ टुसा। मोमि चोप सजाङ्‌बेॽ इक्‍को इक्‍को मुकुट टुसा, मोमि चोप निन्‍डवाँबेॽ निवाहाङ सिःक्‍चामे इक्‍को निङ टुसा।

परकास 3:19

के़ॽ नम्‍नम ले़ःॽपॽआ याॽमिजि, के़ॽ योप्‍नुङ दन्‍डा पिनुङ्‌हाजि। मोडोगे़ॽ नुबा योम्‍बोक ले़ःॽमामि लागि साप्‍थाक्‍सानिङे, मोबा पापि योम्‍बोक लेप्‍पेनुङ टेसानिङे।