१ तिमोथि 1:2 - याम्फु

² काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

१ तिमोथि 1:2 Iomraidhean Croise

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

गलाति 1:3

निवाहाङ पाबानुङ कानिङ्‌मि परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

१ तिमोथि 1:12

खोमि योम्‍बोक ले़ःॽमे बल पिघुबा कानिङ्‌मि परभु येसु खिरिस्‍ट के़ॽ बेॽलो ओहाक पिनुङे़। खोसे़ॽ बिस्‍वासनुङ्‌मा खाङ्‌नुङ खोमि योम्‍बोकपेॽ टिसिङा।

१ तिमोथि 1:18

खेप्‍से, हे़न के़ए़न्‍नोॽ पसाडोॽमा तिमोथि, बेॽलो याक्‍लो हे़ने़ए़ टुम्‍बेॽ निवाहाङ्‌बाङ्‌ए खाडे़ॽ लुबॽआडोॽ के़ॽ हे़न मिन्‍डुहा खा लुन्‍ने़। नुबा योम्‍बोक ले़ःॽमामि निवाहाङ्‌डे़ॽ लुबॽआ मो खाबाङ हौसला चुप्‍नुङ सुसमाचारमि लागि नुरोॽ ङे ले़टे।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

२ तिमोथि 1:2

के़ए़न्‍नोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। कानिङ्‌मि निवाहाङ पाबानुङ परभु येसु खिरिस्‍टडे़ॽ अनुग्‍रहा, किरपानुङ सान्‍ति हे़न पिरो।

२ तिमोथि 2:1

हागो तिमोथि के़ए़न्‍नोॽ पसाडोॽमा हे़न, खिरिस्‍ट येसुडे़ॽ पिबॽआ अनुग्‍रहाडे़ॽ बोलियो लिसे।

तितस 1:4

इक्‍को बिस्‍वासबेॽ टुये के़ए़ चाइबमा पसाडोॽमा तितस, निवाहाङ पाबानुङ मुक्‍तिदाङ्‌बा खिरिस्‍ट येसुबाङ अनुग्‍रहानुङ सान्‍ति।

तितस 2:2

ठाॽपा वडाङ्‌पसाजि टाङ्‌बामि निवा अधिनबेॽ युङ्‌हेघुबा, नुबा लेहेघुबा, मोबा बिस्‍वासबेॽ पक्‍कामा, नम्‍नमनुङ्‌बा, हुङ्‌जाहेघुबा लिमे लुनुङ इःडाजे।

तितस 3:15

इगोबेॽ कानुङ टुघुबाजिडे़ॽ हे़न सेवायो लुटामे। आक्‍कोबेॽ कानिङ नम्‍नम ले़ःॽखुबा बिस्‍वासि वावानिसाजिसो कानिङ्‌मि सेवायो लुबेॽटाजे। निवाहाङ्‌मि अनुग्‍रहा हे़न्‍नुङ हाइखाजिबेॽसो सानिङ सोरि टुरो।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

२ युहन्‍ना 1:3

निवाहाङ पाबानुङ खोमपसा येसु खिरिस्‍टबाङ अनुग्‍रहा, किरपानुङ सान्‍ति कानिङ्‌नुङ चाइबमा खानुङ नम्‍नमबेॽ टुरो।

३ युहन्‍ना 1:4

के़हा पसाजि चाइबमा मरामबेॽ सानिङ राम्‍इम्‍मे लुमे खा खेम्‍डोक्‍माबाङ हाइखा बेॽए हाङ्‌हाङ काङ्‌मि लागि इमाङ्‌सो माॽआये।

यहुदा 1:2

हे़निङ निवाहाङ्‌डे़ॽ बेॽलो नम्‍नम ले़ःॽरो, बेॽलो सान्‍ति पिरो मोबा के़ॽलो नम्‍नावा ले़ःॽरो।