१ तिमोथि 1:12 - याम्फु

¹² खोमि योम्‍बोक ले़ःॽमे बल पिघुबा कानिङ्‌मि परभु येसु खिरिस्‍ट के़ॽ बेॽलो ओहाक पिनुङे़। खोसे़ॽ बिस्‍वासनुङ्‌मा खाङ्‌नुङ खोमि योम्‍बोकपेॽ टिसिङा।

१ तिमोथि 1:12 Iomraidhean Croise

मत्‍ति 20:4

मोबा खोसे़ॽ माहाजि लुसुजि, ‘हे़निङ्‌सो के़ए़ सोङ्‌राबेॽ योम्‍बोक ले़ःॽसिॽ खडानिङे, हे़निङ्‌मि नमयाक पिनिम्‍ने़। मोबा खोजि योम्‍बोक ले़ःॽसिॽ खडामि।’

युहन्‍ना 5:23

याॽमिजिडे़ॽ निवाहाङ पाबा आदर ले़ःॽपॽआडोक्‍नोॽ पसासो चोबे़ॽ आदर ले़टुजिरो लुनुङ इडोॽ ले़ए़टुए। पसामि आदर मे़ले़ःॽखुबाजिडे़ॽ खो पाङ्‌घुबा पाबामिसो आदर ले़टुजिने।

एप्‍पा चोङ्‌सा 16:15

बिस्‍वास ले़ःॽनुङ लिडियानुङ खोमि चोप खिम खिमबेॽहाजिडे़ॽ बप्‍तिस्‍मा लासुजि। मोबा खोसे़ॽ कानिङ खोमि खिमबेॽ पेम्‍मे बिन्‍ति ले़ःॽसाङ लुसा, “चइबानोॽ हे़निङे़ॽ का परभुबेॽ बिस्‍वास ले़ःॽपॽआ निसा मिॽइन्‍डानुमेहोङ काङ्‌मि खिमबेॽ आप्‍नुङ पेम्‍बेॽमाजे।” इडोॽ खोसे़ॽ कानिङ खोमि खिमबेॽ खे़ॽमानोॽ खे़ये लुसा।

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

एप्‍पा चोङ्‌सा 9:22

तर सावलडे़ॽ छना सक्‍तिनुङ येसुनोॽ खिरिस्‍ट ले़ये लुनुङ पक्‍का ले़टु। मोडोगे़ॽ दमस्‍कसबेॽहा यहुदिजि इमाङ्‌सो मे़ङ्‌काहेसामि।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 3:5

अपोल्‍लोस असाडे ? पावल असाडे ? काजिङ निप्‍पाङ्‌नोॽ परभुमि योम्‍बोक ले़ःॽखुबा सेवाक ले़न्‍जिङे, मोबा हे़निङ बिस्‍वासबेॽ कोघुबा ले़न्‍जिङे। परभुडे़ॽनोॽ पिबॽआ योम्‍बोक काजिङेॽ ले़न्‍जुङ्‌मा।

१ कोरिन्‍थि 7:25

फुङ्‌सया मे़ले़ःॽपॽआ राङ्‌मिॽ पिच्‍छाजि पिमाहा आग्‍या परभुडे़ॽ का इमाङ्‌सो मे़म्‍पिडिॽ। तर परभुमि नम्‍नावाबाङ चुप्‍पॽआ निवाबाङ बिस्‍वासनुङमा सल्‍लाह पिनिम्‍ने़।

२ कोरिन्‍थि 4:1

निवाहाङ्‌डे़ॽ कानिङ खोमि नम्‍नावाबाङ इगो योम्‍बोक पिटे़, मोडोगे़ॽ कानिङ्‌मि आसा सिमेॽटुङ्‌मानि।

गलाति 3:26

इन्‍ढोङ्‌होङ बिस्‍वास ले़ःॽपॽआसे़ॽनोॽ येसु खिरिस्‍टबेॽ हे़निङ चोप निवाहाङ्‌मि पसाजि लिटानिङे।

गलाति 3:28

मोडोगे़ॽ येसु खिरिस्‍टबेॽ बिस्‍वास ले़ःॽखुबाजिमि रुम्‍बेॽ यहुदिनुङ गिरिक, सेउतेनुङ फुक्‍का मोबा वडाङ्‌पसानुङ मेॽनामिॽ चोप खिरिस्‍टबेॽ इक्‍कोनोॽ ले़न्‍डिङ्‌मा।

फिलिप्‍पि 2:11

मोबा चोबे़ॽ निवाहाङ पाबानोॽ ओहाङ पिमामि लागि येसु खिरिस्‍टनोॽ परभु ले़ये लुनुङ स्‍विकार ले़ःॽमा खे़ये।

फिलिप्‍पि 4:13

खिरिस्‍टडे़ॽ का पिबॽआ सक्‍तिबाङ्‌नोॽ इघा चोप खा के़ॽ ले़ःॽहेनुङे।

कलस्‍सि 1:25

निवाहाङ्‌डे़ॽनोॽ का मन्‍डलिबेॽ योम्‍बोक ले़ःॽखुबा टोक्‍सिङ मोबा हे़निङ्‌मिनोॽ भलोमि लागि खोमि सिक्‍छे नुरोॽ खेम्‍मेॽमे योम्‍बोकमि जिम्‍मा पिसा।

१ तिमोथि 1:1

कानिङ मुक्‍ति पिघुबा निवाहाङ्‌नुङ आसा पिघुबा येसु खिरिस्‍टडे़ॽ आग्‍या पिडिडोॽ का पावल खोमि एप्‍पा चोङ्‌सा लिसिङ।

१ तिमोथि 1:11

इगो सिक्‍छे चाहिँ कानिङ आसिस पिघुबा निवाहाङ्‌डे़ॽ काबेॽ भोर ले़ःॽनुङ परचार ले़ःॽमामि लागि पिबॽआ महिमित सुसमाचारबेॽ टुये।

१ तिमोथि 1:2

काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

१ तिमोथि 6:13

चोप थोक हिङ्‌मवा पिघुबा निवाहाङ्‌नुङ पन्‍तियस पिलातसमि पोम्‍बेॽ चाइबमा खामि साक्‍छि पिघुबा येसु खिरिस्‍टमि पोम्‍बेॽ इगो आग्‍या पिन्‍ने़,

२ तिमोथि 2:2

बेॽलो साक्‍छि पिघुबा याॽमिजिमि रुम्‍बेॽ हे़ने़ॽ काबाङ चिम्‍बॽआ सिक्‍छे, नुरोॽ इःॽलेघुबा हाइखा बिस्‍वासि याॽमिजिमि जिम्‍माबेॽ पिसाजे।

२ तिमोथि 4:17

तर परभु काङ्‌मि पक्‍छेबेॽ येःप्‍पिॽटा। मोबा खोमि बचन चोप हाइखा जातिजि खेम्‍मेॽमामि लागि का बोल पिसिङ। इडोॽ खोसे़ॽ का किबामि याबुकबाङ जोगा ले़टिङ।

तितस 1:4

इक्‍को बिस्‍वासबेॽ टुये के़ए़ चाइबमा पसाडोॽमा तितस, निवाहाङ पाबानुङ मुक्‍तिदाङ्‌बा खिरिस्‍ट येसुबाङ अनुग्‍रहानुङ सान्‍ति।

फिलेमोन 1:9

के़ए़ नम्‍नमडे़ॽ ले़ःॽमे़ॽ हे़न बिन्‍ति ले़न्‍ने़। का ठाॽपा पावल, मोबा खिरिस्‍ट येसुमि लागि से़क्‍सिघे़ॽपॽआ इक्‍को कैदि याॽमि,