१ तिमोथि 1:11 - याम्फु

¹¹ इगो सिक्‍छे चाहिँ कानिङ आसिस पिघुबा निवाहाङ्‌डे़ॽ काबेॽ भोर ले़ःॽनुङ परचार ले़ःॽमामि लागि पिबॽआ महिमित सुसमाचारबेॽ टुये।

१ तिमोथि 1:11 Iomraidhean Croise

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

रोमि 2:16

इघा खा के़ॽ सुसमाचार खेम्‍मेॽपॽआडोॽ याॽमिजिमि निवाबेॽ चुम्‍बॽआ खा चाहिँ येसु खिरिस्‍टबाङ न्‍याय ले़ःॽमे याकपेॽ खाङ्‌मुये।

१ कोरिन्‍थि 9:17

के़ॽ नेन्‍जानुङ इगो योम्‍बोक ले़ःॽपॽआहोङ नमयाक टोक्‍मे आसा युङ्‌मा खडे़। तर के़ॽ इगो योम्‍बोक ले़ःॽमानोॽ खे़ये मिॽनुङ ले़ःॽमे़ॽनिङ्‌सिनुङे। निवाहाङ्‌डे़ॽनोॽ का इगो योम्‍बोकमि जिम्‍मा पिटिङे।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

गलाति 2:7

बोरु निवाहाङ्‌डे़ॽ इस्‍राएलिजिमि रुम्‍बेॽ सुसमाचार परचार ले़ःॽसिॽ पत्‍रुस पाङ्‌बॽआडोॽ, कासो निवाहाङ्‌डे़ॽ अयहुदिजिमि रुम्‍बेॽ सुसमाचार परचार ले़ःॽसिॽ पाङ्‌बॽआ ले़ये लुनुङ खोजिडे़ॽ लेडोक्‍टुजि।

एफिसि 1:12

याक्‍लोनोॽ खिरिस्‍टबेॽ भरोसा ले़ःॽखुबा कानिङ यहुदिजि निवाहाङ्‌डे़ॽ खोमि ओहाङ महिमा ले़ःॽमामि लागि से़ना।

एफिसि 1:6

मोडोगे़ॽ इडोॽ बेॽलो अनुग्‍रहामि लागि निवाहाङ ओहाक पिमायो, इन्‍ढोङ्‌होङ खोसे़ॽ कानिङ खोमि नम्‍नम मिॽपॽआ पसा कानिङ्‌मि लागि मोडोक्‍नोॽ (सित्‍तैबेॽ) पिसा।

एफिसि 2:7

इगो चाहिँ सिःक्‍माबेॽ सिःक्‍हेनिबा खोमि अनुग्‍रहा लेङ्‌इहा चोप युगबेॽहा याॽमिजि खाङ्‌मुमामि लागि इडोॽ ले़टु। इगो अनुग्‍रहा निवाहाङ्‌डे़ॽ कानिङ येसु खिरिस्‍टबाङ खाङ्‌मुसु।

एफिसि 3:10

इडोॽ पबित्‍रा मन्‍डलिबाङ पाबा निवाहाङ्‌मि खाल खालहा निवामि खा थाङ्‌सिरिबेॽहा सासकजिनुङ अधिकारदाङ्‌बाजिडे़ॽ लेजोसुजिरो लुनुङ माहा लेमा छॽइहा खा खाङ्‌मुसु।

कलस्‍सि 1:25

निवाहाङ्‌डे़ॽनोॽ का मन्‍डलिबेॽ योम्‍बोक ले़ःॽखुबा टोक्‍सिङ मोबा हे़निङ्‌मिनोॽ भलोमि लागि खोमि सिक्‍छे नुरोॽ खेम्‍मेॽमे योम्‍बोकमि जिम्‍मा पिसा।

१ थेस्‍लोनिकि 2:4

निवाहाङ्‌डे़ॽ कानिङ बिस्‍वास ले़ःॽनुङ सुसमाचार खेम्‍मेॽमे योम्‍बोक पिसा। मोडोगे़ॽ कानिङे़ॽ याॽमिजि ने़ॽनि कानिङ्‌मि निवा नुरोॽ लेघुबा निवाहाङ साप्‍थाङ्‌मेॽमामि लागि यामुसिङ्‌मा।

१ तिमोथि 2:7

मोडोगे़ॽ निवाहाङ्‌डे़ॽ का एप्‍पा चोङ्‌सा मोबा अयहुदि जातिहा याॽमिजि चाइबमा खा परचार ले़ःॽखुबा टोङ्‌इटे़। इगो खा के़ॽ चइबानोॽ लुबॽआयो, रेम्‍डेॽपॽआ ने़ॽनि।

१ तिमोथि 6:15

निवाहाङ्‌डे़ॽ येसु खिरिस्‍ट फेरि पाङ्‌मामि लागि मो याक पक्‍का ले़पेटुए। कानिङ्‌मि आसिसित निवाहाङ। खोरेॽ चोप्‍पाङ बेॽएम्‍मा। हाङ्‌बाजिमि हाङ्‌बा मोबा परभुजिमि परभु ले़ये।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

२ तिमोथि 1:11

निवाहाङ्‌डे़ॽ का इगो सुसमाचार परचार ले़ःॽखुबा, इक्‍को एप्‍पा चोङ्‌सानुङ इगो खा इःॽखुबा टोङ्‌इटिङे।

२ तिमोथि 1:14

हे़ने़ए़ जिम्‍माबेॽ पिबॽआ चाइबमा खा कानिङ्‌बेॽ पेङ्‌घुबा पबित्‍रा होङ्‌निवाबाङ जोगा ले़ःॽयुक्‍से।

२ तिमोथि 2:2

बेॽलो साक्‍छि पिघुबा याॽमिजिमि रुम्‍बेॽ हे़ने़ॽ काबाङ चिम्‍बॽआ सिक्‍छे, नुरोॽ इःॽलेघुबा हाइखा बिस्‍वासि याॽमिजिमि जिम्‍माबेॽ पिसाजे।

तितस 1:3

निवाहाङ्‌डे़ॽ कानिङ्‌मि मुक्‍तिदाङ्‌बामि आग्‍याडोॽ का जिम्‍मा पिबॽआ खामि परचारबाङ ठिक बेलाबेॽ खोसे़ॽ मो बचन खाङ्‌मुसु।