१ तिमोथि 1:10 - याम्फु

¹⁰ बेभिचारिजि, वडाङ्‌पसानुङ वडाङ्‌पसा बेभिचार ले़ःॽखुबाजि, याॽमि खुनुङ लाघे़ॽखुबाजि, रेम्‍डेॽखुबाजिनुङ ने़ॽनिहा खामि गबाहि पिघुबाजि, मोबा नुबा सिक्‍छेमि टेडिघरिक योम्‍बोक ले़ःॽखुबाजिमि लागि टोङ्‌बॽआ ले़ये।

१ तिमोथि 1:10 Iomraidhean Croise

युहन्‍ना 8:44

हे़निङ्‌मि पाबा सैतान ले़येनुङ हे़निङ्‌मि पाबाडे़ॽ ले़ःॽमा मिॽटिडोक्‍नोॽ हे़निङे़ॽ सानिङ ले़न्‍डानुमे। मोगो याक्‍लोएम्‍बाङ्‌नोॽ याॽमि सेक्‍खुबा ले़टे़, खोसे़ॽ चाइबमा खामि ले़ख्‍खो ले़टुनिबा इन्‍ढोङ्‌होङ खो रेम्‍डेॽखुबा ले़ये। खोबेॽ मङे़हा निवा टुये मोबा मोडोक्‍नोॽ यामुये इन्‍ढोङ्‌होङ खो रेम्‍सिङ्‌मि पाबा ले़ये।

रोमि 1:26

मोडोगे़ॽ निवाहाङ्‌डे़ॽ माहाजिमि ङेसिमारोहा योम्‍बोकपेॽ योङ्‌मेॽटुजि, माहाजिमि मेॽनामिॽचिडे़ॽ खोमबनिबानुङ इम्‍मा लेॽनुङ, मेॽनामिॽचि मेॽनामिॽचिनुङ्‌नोॽ इप्‍सामि।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

२ तिमोथि 1:13

येसु खिरिस्‍टबेॽ टुबॽआ बिस्‍वासनुङ नम्‍नमबेॽ हे़न के़ॽ पिबॽआ चइबाहा सिक्‍छे नुरोॽ पालना ले़ःॽनुङ नुबा नमुना लिसे।

२ तिमोथि 4:3

इन्‍ढोङ्‌होङ इडोक्‍मा याकसो लेङ्‌इये, मोडोक्‍पेॽ याॽमिजिडे़ॽ चाइबमा सिक्‍छे खेम्‍नोॽ खेप्‍सुजिने। माहाजि टाङ्‌बे़ॽ नेन्‍जाबॽआ खारेॽनोॽ खेम्‍मा मिङ्‌इम्‍मे मोबा टाङ्‌बे़ॽ नेन्‍जाबॽआ सिक्‍छे इःॽखुबाजि बेॽलो याॽमिजि सुम्‍इन्‍डुजे।

तितस 1:13

इगो चइबानोॽ ले़ये, मोडोगे़ॽ माहाजि मारे योबाजे। मोबा माहाजिमि बिस्‍वास बोलियो लिरो।

तितस 1:9

इगो सिक्‍छे कानिङे़ॽ इःॽपॽआडोक्‍नोॽ लिमा खे़ये, मोबा कानिङ बिरोध ले़ःॽखुबाजिमि गल्‍तिसो खाङ्‌मुहेमामि लागि टाङ्‌बे़ॽ चुप्‍पॽआ चाइबानोक्‍मा सिक्‍छेबेॽ राम्‍खुबानुङ हाइखाजिसो इडोक्‍मा सिक्‍छे पिनुङ बोल पिहेखुबा लिमा खे़ये।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

यहुदा 1:7

मोडोक्‍नोॽ सदोमनुङ गमोरा, मोबा मोजिमि किॽयु मिॽयुहा हाइखा सहरबेॽहा याॽमिजिडे़ॽ इक्‍कोबाङ हाइको ले़ःॽसाङ चिक्‍चिमिॽमारोहा मङे़हा बेभिचार ले़टुजि। ए़क्‍साङ माहाजि इन्‍डोक्‍पेॽसो सिनिबा मिबेॽ दन्‍डा आङ्‌घुबाजिमि नमुना लिटामे।

परकास 18:13

मोबा सम्‍सुङ, चोप खालहा मसला, नाम्‍जानुहा धुपा, मुररा, उथ्‍रिॽमा धुपा, मद्‌य, केवा, मसिनो खाॽमि, गँहु, साँवा, पिक, सामु, घोडा, रथ, सेउते, सेउतेनिजिसो इनुजिने।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 22:15

तर हुःॽवाडोॽ बेहोरा ले़ःॽखुबाजि, टुनामुना ले़ःॽखुबाजि, बेभिचार ले़ःॽखुबाजि, याॽमि सेॽखुबाजि, मुरति पुजा ले़ःॽखुबाजि, रेम्‍सिङ खा नेन्‍जाखुबाजि इडोक्‍हा चोपजि सहरबाङ पाखे़ॽयुनोॽ सिॽइम्‍मे।