१ थेस्‍लोनिकि 5:9 - याम्फु

⁹ इन्‍ढोङ्‌होङ निवाहाङ्‌डे़ॽ कानिङ्‌सोक्‍पेॽ सुरिक ओप्‍एम्‍मामि लागि ने़ॽनि, तर परभु येसु खिरिस्‍टबाङ मुक्‍ति पिमामि कानिङ से़ङ्‌इटे़।

१ थेस्‍लोनिकि 5:9 Iomraidhean Croise

मत्‍ति 26:24

याॽमिमि पसागो खोमि टुम्‍बेॽ साप्‍पॽआडोक्‍नोॽ लिनुङ खे़ॽमानोॽ खे़ये। तर इनामा, याॽमिमि पसा धोका पिघुबा याॽमि, मो याॽमिगो बोरु मे़न्‍टोक्‍पॽआहोङ्‌नोॽ नुडे़।”

एप्‍पा चोङ्‌सा 1:20

पत्‍रुसडे़ॽ लुसुजि, “भजनसङ्‌ग्‍रहाबेॽ इडोॽ दाउद हाङ्‌बे़ॽ साप्‍पॽआ ले़ये, ‘मोमि खिम होप्‍रे़ॽवा लिरो।’ मोबा ‘मोबेॽ पेङ्‌घुबा असासो ए़ॽलिमिरो।’ मोबा ‘खोमि भागाबेॽ हाइकेसे़ॽ अधिन ले़टुरो।’

एप्‍पा चोङ्‌सा 1:25

निवाहाङ्‌मि योम्‍बोक ले़ःॽमामि यहुदामि साटोबेॽ इघा निप्‍पाङ्‌बेॽ हे़ने़ॽ से़न्‍बॽआ एप्‍पा चोङ्‌सा कानिङ लेमेॽमा, इन्‍ढोङ्‌होङ यहुदाडे़ॽको नुबा राम लेॽनुङ खो खे़न्‍जाये मङे़ॽमा रामबेॽ खे़ॽपेसा।”

एप्‍पा चोङ्‌सा 13:48

इगो खा अयहुदि जातिजिडे़ॽ खेम्‍नुङ बेॽलो साप्‍थाक्‍साङ निवाहाङ्‌मि बचनमि ओहाङ ले़टुजि। मोबा इन्‍डोक्‍पेॽसो ए़ॽसिघे़ॽमे हिङ्‌मवामि लागि याक्‍लोनोॽ निवाहाङ्‌डे़ॽ से़म्‍बॽआजिडे़ॽ परभुबेॽ बिस्‍वास ले़टुजि।

रोमि 11:30

याक्‍लो इक्‍खेॽ हे़निङ अयहुदिजिडे़ॽसो इडोक्‍नोॽ निवाहाङ्‌मि आग्‍या पालना मे़ले़टानुम, तर आयु इघा इस्‍राएलिजिडे़ॽ खोमि आग्‍या पालना मे़ले़ःॽपॽआसे़ॽ हे़निङे़ॽ निवाहाङ्‌मि अनुग्‍रहा चुप्‍मिटानुमे।

रोमि 11:7

मोडोगे़ॽ इडोॽ लुहेन्‍डुङ्‌मे़, इस्‍राएलिजिडे़ॽ निवाहाङ्‌मि पोम्‍बेॽ धरमि लिमा योक्‍माबेॽसो, माहाजि मे़लिहेसामि, तर निवाहाङ्‌डे़ॽ से़न्‍बॽआजिरेॽ धरमि लिसामि। हाइखा इस्‍राएलिजि चाहिँ छॽइये निवानुङ्‌हा लिसामि मोबा निवाहाङ्‌मि खा मे़ङ्‌खेप्‍सुजि।

१ थेस्‍लोनिकि 1:10

मोबा सिघे़ॽपॽआबाङ निवाहाङ्‌डे़ॽ हिङ्‌बोक्‍पॽआ खोमि पसा येसु थाङ्‌सिरिबाङ लेङ्‌इये लुनुङ हे़निङे़ॽ खोमि राम खाङ्‌इन्‍डानुम्‍रो। अथबा खोनोॽ कानिङ न्‍यायमि याकपेॽ निवाहाङ्‌मि सुरिकबाङ जोगा ले़ःॽखुबा ले़ये।

१ थेस्‍लोनिकि 3:3

मोडोगे़ॽ दुःखनुङ खेःडे़ॽ हे़निङ बिस्‍वासबेॽ निङ्‌सिघे़ॽमा फे़न्‍नि लुनुङ कानिङे़ॽ मिॽइटुङ्‌मे़। इडोक्‍हा दुःखगो निवाहाङ्‌मि याॽमिजिडे़ॽ आङ्‌मा सिॽइहा लुनुङ हे़निङे़ॽ नुरोॽ लेन्‍डानुम।

१ तिमोथि 1:13

कागो याक्‍लो चुङ्‌जाघुबा, सिॽचाघुबानुङ खोमिनोॽ अपमान ले़ःॽखुबा ले़टिङे। मोडोक्‍पेॽ के़ॽ येसु खिरिस्‍टबेॽ बिस्‍वास मे़ले़टुङेनुङ माहा चोप खा के़ॽ मे़ले़ःॽरेॽ ले़टुङ। मोडोगे़ॽ निवाहाङ्‌डे़ॽ का नम्‍नावा ले़टिङ्‌नुङ

१ तिमोथि 1:16

तर येसुडे़ॽ का बेॽलो नम्‍नावा ले़टिङ। ए़क्‍साङ चुप्‍मिये ए़ॽसिमे हिङ्‌मवा चुप्‍खुबाजिमि लागि नमुना लिरो लुनुङ खोसे़ॽ काडोक्‍मा चोप्‍पाङ बेॽलो पापि याॽमि नम्‍नावा ले़टिङा।

२ तिमोथि 2:10

मोडोगे़ॽ निवाहाङ्‌डे़ॽ से़म्‍बॽआ याॽमिजिडे़ॽ खिरिस्‍ट येसुबेॽ टुये इन्‍डोक्‍पेॽसो रुक्‍खे़ॽनिबा महिमानुङ्‌मा मुक्‍ति चुप्‍टुजिरो लुनुङ के़ॽ इघा दुःखनुङ खेः आङ्‌मे़ॽनिङ्‌नुङे।

१ पत्‍रुस 2:10

याक्‍लो इक्‍खेॽ हे़निङ निवाहाङ्‌मि जनता मे़ले़टानिङ, तर हागो निवाहाङ्‌मि जनता लिटानिङे। इक्‍खेॽ हे़निङे़ॽ निवाहाङ्‌मि किरपा मे़न्‍चुप्‍टानुम, तर हागो हे़निङे़ॽ खोमि किरपा चुप्‍मिटानुमे।

१ पत्‍रुस 2:8

धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।