१ थेस्‍लोनिकि 5:4 - याम्फु

⁴ वावानिसानुङ नानुसाजि, हे़निङ सेन्‍जिगुप्‍पेॽ माॽआन्‍डानिङे। मोडोगे़ॽ परभु लेङ्‌इये याक हे़निङ्‌मि लागि खुसुबाङ्‌डोॽ हजोक्‍टोॽ लेन्‍निबा,

१ थेस्‍लोनिकि 5:4 Iomraidhean Croise

मत्‍ति 10:15

चइबानोॽ, के़ॽ हे़निङ लुनिम्‍ने़, न्‍यायमि याकपेॽ मो सहरमि दसागो सदोम सहरनुङ गमोरा सहरमि खेः बेॽलोनोॽ आङ्‌हेमारोमा लिये।

लुका 21:34

“चङ्‌खो लिनुङ पेनानिङे, चामा उङ्‌मामि लागि बेॽलो ए़पिन्‍डुसानिङे, सेॽखे़ॽमानुङ ए़राप्‍सानिङे इमाङ चामे इमाङ चाङ्‌मे लुनुङ हे़निङ्‌मि हिङ्‌मवामिरेॽनोॽ ले़ख्‍खो ए़ले़टानुमे। माहा चोपपेॽ हे़निङ फोसिघे़ॽमाबेॽ सोङा यिम्‍माङ्‌बेॽ सिॽपॽआडोॽ हे़निङ्‌सोक्‍पेॽ हाजोक्‍टोॽ मो रुक्‍खे़ये याक लेङ्‌इये।

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

कलस्‍सि 1:13

खोसे़ॽनोॽ कानिङ सेन्‍जुगुप राज्‍यबाङ छुट्‌कारा ले़टानुङ खोमि नम्‍नम ले़ःॽपॽआ पसामि राज्‍यबेॽ सेङ्‌घे़ॽटा।

१ थेस्‍लोनिकि 5:2

इन्‍ढोङ्‌होङ हे़निङे़ॽ इगो खा नुरोॽ लेन्‍डानुमे, मे़मिॽपॽआ बेलाबेॽ सेन्‍डा खुसुबाङ लेन्‍डिडोक्‍नोॽ हजोक्‍टोॽ परभु लेम्‍मे याकसो लेङ्‌इये।

२ पत्‍रुस 3:10

तर परभुमि याक गो खुसुबाङ लेन्‍डिडोॽ हाजोक्‍टोॽ लेङ्‌इये। मो याक नान्‍द्‌रुङ्‌मा चाहिँ बेॽए सेम्‍लानुङ मे़खे़ये, नान्‍द्‌रुङ्‌माबेॽहा टुहा साङ्‌गे, ला चोप मिबेॽ हिॽखे़हा। मक्‍खाम्‍डेमनुङ मोबेॽ टुहा चोप थोक हिॽखे़हा।

१ युहन्‍ना 2:8

तरसो इक्‍को चोङ आग्‍या के़ॽ साप्‍मे़ॽनिङ्‌सिनुङे। मो चाइबमा चाहिँ येसुबेॽनुङ हे़निङ्‌बेॽसो टुये, इन्‍ढोङ्‌होङ सेन्‍जुगुप मे़खे़ॽमे़ॽनिङ्‌सिये, जोति याक्‍लोएबाङ्‌नोॽ टुसिये।

परकास 16:15

“खाक्‍सानुमे, का खुसुबाङ्‌डोॽ लेङ्‌इङे़। असा मे़इम्‍रेॽ पेङ्‌इयेनुङ टाङ्‌बामि धारमिक चेॽ जोगा ले़न्‍डुए, मोसे़ॽ आसिस चुप्‍मिन्‍डुए। मोडोगे़ॽ खो उक्‍चुङ्‌रे़क सिॽनिबा, मोबा याॽमिजिमि पोम्‍बेॽ ङेम्‍मा सिॽनिबा!”

परकास 3:3

मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।