१ थेस्‍लोनिकि 5:23 - याम्फु

²³ सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

१ थेस्‍लोनिकि 5:23 Iomraidhean Croise

लुका 1:46

मोबा मरियमडे़ॽ लुसु, “काङ्‌मि सोःक्‍माडे़ॽ परमपरभुमि ओहाङ ले़नुङे।

युहन्‍ना 17:19

मोबा हे़ने़ए़ चाइबमा बचनडे़ॽ खोजि पबित्‍रा लिहेमिरो लुनुङ के़ॽ खोजिमि लागि के़ए़ हिङ्‌मवा बलिदान पिनुङे़।

एप्‍पा चोङ्‌सा 20:32

“हागो के़ॽ हे़निङ निवाहाङ्‌मि हुकपेॽ जिम्‍मा टिमे़ॽनिङ्‌सिनुङे मोबा खोमिन्‍नोॽ अनुग्‍रहानुङ्‌मा बचनमि भोरबेॽ याःॽयानिम्‍ने़। मोसे़ॽनोॽ हे़निङ निवाहाङ्‌डे़ॽ बिस्‍वासबेॽ बोलियो टोङ्‌इयेनुङ खोसे़ॽ से़न्‍बॽआजिनुङ हकदार टोङ्‌इये।

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 15:33

सान्‍तिदाङ्‌बा निवाहाङ हे़निङ चोपनुङ सानिङ टुरो, आमेन।

रोमि 15:5

निवाहाङ्‌डे़ॽनोॽ हे़निङ आङ्‌हेमेनुङ बोलियो लिमे सक्‍ति पिये। मोबा येसु खिरिस्‍टनुङ इक्‍को लिनुङ बिस्‍वास ले़ःॽखुबाजिमि रुम्‍बेॽ इक्‍को निवा लिनुङ हिङ्‌हेसानिङे,

रोमि 16:20

सान्‍तिदाङ्‌बा निवाहाङ्‌डे़ॽ चान्‍डोनोॽ सैतान हेजोन्‍डुएनुङ मो हे़निङ्‌मि सराङ्‌होङ्‌बेॽ युङ्‌इन्‍डुए। कानिङ्‌मि परभु येसु खिरिस्‍टमि अनुग्‍रहा हे़निङ्‌नुङ सनिङ टुरो।

१ कोरिन्‍थि 1:2

कोरन्‍थिबेॽ टुहा निवाहाङ्‌मि बिस्‍वासिजि इगो पत्‍रा पाङ्‌मे़ॽनिङ्‌सिन्‍जुङे, हे़निङ निवाहाङ्‌मि पबित्‍रा याॽमिजि लिमामि के़ए़टे़। मोबा खोसे़ॽनोॽ चोप ठाउँबेॽ परभु येसु खिरिस्‍टमि पुकारा ले़ःॽखुबाजिडोॽ हे़निङ्‌सो पबित्‍रा टोङ्‌इटे़। खो काजिङ्‌मिनुङ माहाजिमि परभु ले़ये।

१ कोरिन्‍थि 1:30

निवाहाङ्‌डे़ॽ हे़निङ येसु खिरिस्‍टबेॽ लाप्‍मिटे़। निवाहाङ्‌डे़ॽ खिरिस्‍ट येसु कानिङ्‌मि लागि निवामि मुहान टोङ्‌बेॽनुङ खिरिस्‍टडे़ॽ कानिङ निवाहाङ्‌मि पोम्‍बेॽ आप्‍टिक मे़ॽनिङ्‌हाजिनुङ पबित्‍रा टोङ्‌इये। मोबा कानिङ्‌मि पापबाङ छुट्‌कारा पिये।

१ कोरिन्‍थि 14:33

इन्‍ढोङ्‌होङ कानिङ्‌मि निवाहाङ माङ्‌माङ्‌मा निवाहाङ ने़ॽनि, तर सान्‍तिनुङ्‌मा निवाहाङ ले़ये। पबित्‍रा सेवाकजिडे़ॽ युङ्‌बॽआ नियमडे़ॽ लुबॽआडोॽ,

२ कोरिन्‍थि 5:19

अथबा निवाहाङ्‌डे़ॽ खिरिस्‍टबाङ मक्‍खाम्‍डेमबेॽहा याॽमिजिमि पापि योम्‍बोकमि लेखा जोखा मे़ले़ःॽलेॽ खोमि लङ्‌गाम लिमामि लागि के़डुजि, मोबा इडोक्‍मा खा खेम्‍मेॽमे योम्‍बोकमि जिम्‍मा कानिङ पिसा।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 1:6

मोबा निवाहाङ्‌डे़ॽ हे़निङ्‌बेॽ मुक्‍तिमि योम्‍बोक तरिक्‍इटुए। येसु खिरिस्‍ट फेरि लेङ्‌इये याकठोक्‍पेॽ निवाहाङ्‌डे़ॽ मो नुबा योम्‍बोक येॽएन्‍डुए लुनुङ के़ॽ चइबानोॽ बिस्‍वास ले़नुङे।

फिलिप्‍पि 4:9

काबाङ हे़निङे़ॽ इमाङ चिङ्‌इटानुमेनुङ चुप्‍मिटानुमे माहा चिम्‍बॽआनुङ चुप्‍पॽआ खानोॽ ले़टानुमे, मोबा सान्‍ति पिघुबा निवाहाङ हे़निङ्‌नुङ सोरि पेङ्‌इये।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

१ थेस्‍लोनिकि 2:19

कानिङ्‌मि परभु येसु लेम्‍मे याक खोमि पोम्‍बेॽ कानिङ्‌मि आसा, हाङ्‌हाङ, हे़निङ्‌नोॽ ले़न्‍डानिङे। मोबा साप्‍थाङ्‌मे गौरबमि मुकुटसो हे़निङ्‌नोॽ ले़न्‍डानिङे।

१ थेस्‍लोनिकि 3:11

हागो कानिङ्‌मि निवाहाङ पाबा खोम टाङ्‌बे़ॽनुङ परभु येसुडे़ॽनोॽ हे़निङ्‌नुङ चुप्‍मामि लागि राम हेम्‍बेॽलो लुमे आसाबेॽ पेङ्‌इटिङ्‌मे़।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 4:3

हे़निङ पबित्‍रा लिसानिङे लुनुङ निवाहाङ्‌डे़ॽ मिॽइटे़, मोडोगे़ॽ चोप खालहा बेभिचारि योम्‍बोकबाङ ओः पेनानिङे।

१ थेस्‍लोनिकि 5:22

मोबा चोप मङे़हा खाबाङ ओः पेनानिङे।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,

हिब्‍रु 2:11

इन्‍ढोङ्‌होङ पबित्‍रा टोङ्‌घुबानुङ पबित्‍रा लिघुबाजि चोप इक्‍को खिमबेॽहाजिनोॽ ले़म्‍मे। मोडोगे़ॽ खोजि निसा लुमामि येसु ङेसिनिबा।

हिब्‍रु 4:12

निवाहाङ्‌मि बचनगो हिङ्‌रिक ले़येनुङ सानिङ्‌नोॽ योम्‍बोक ले़न्‍डुए। खोमि बचन निच्‍चिलामनोॽ धारनुङ्‌मा फेयाबाङ्‌सो बेॽलो वे़ङ्‌इये। इगोसे़ॽ होङ्‌सिॽयु खे़ॽनुङ सोःक्‍मानुङ होङ्‌निवा हान्‍डुए, मोबा जोरनिनुङ से़ॽकोॽवा खोरो खोरो टोङ्‌इन्‍डुए, निवा होङ्‌सिॽयुनुङ निवे़ॽ मिॽपॽआ खा जाँच ले़ःॽहेन्‍डुए।

याकुब 1:4

तर इमाङ खाबेॽसो मे़याःक्‍चाघे़ॽखुबाजि, बोलियोनुङ पक्‍का लिमामि माहा जाँच आङ्‌साङ इगिॽयु मिॽयु निवा मे़ले़ःॽलेॽ चिनानुमे।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।