१ थेस्‍लोनिकि 5:21 - याम्फु

²¹ तर अगमबानि नुरोॽ जाँच ले़टानुमे, मोबा नुबा खाबेॽ निवा टिसानुमे।

१ थेस्‍लोनिकि 5:21 Iomraidhean Croise

लुका 12:57

“हागो इमाङ ले़ःॽमा खे़ये लुनुङ हे़निङे़ॽ इन्‍ढोङ लेसानुम्‍ने ?

युहन्‍ना 15:4

हे़निङ काबेॽ पेनानिङे मोबा हे़निङ्‌बेॽ का पेङ्‌इङे। हक्‍काम्‍बा डाङ्‌बाङ हाघे़ॽहोङ चा किङ्‌निबा मोडोक्‍नोॽ हे़निङ्‌सो काबाङ हाघडानिङ्‌होङ हे़निङ्‌बेॽ चा किङ्‌निबा।

युहन्‍ना 8:31

येसुडे़ॽ खोबेॽ बिस्‍वास ले़ःॽखुबा यहुदिजि लुसुजि, “हे़निङ के़ए़ बचनडे़ॽ लुबॽआडोॽ ले़टानुमहोङ, हे़निङ चइबानोॽ के़ए़ चोङ्‌सा ले़न्‍डानिङे।

एप्‍पा चोङ्‌सा 11:23

बारनाबास एन्‍टिओकबेॽ लेम्‍माबेॽ मोबेॽहा याॽमिजि निवाहाङ्‌डे़ॽ नम्‍नावानुङ आसिस पिबॽआ खाङ्‌डोक्‍नुङ बेॽलो साप्‍थाक्‍सा। खोसे़ॽ मोबेॽहा बिस्‍वासिजि सानिङ्‌नोॽ परभुबेॽ नुरोॽ बिस्‍वास ले़ःॽमे लुनुङ अरति पिसुजि।

एप्‍पा चोङ्‌सा 14:22

खोजिडे़ॽ मो ठाउँबेॽहा परभुबेॽ बिस्‍वास ले़ःॽखुबाजि बोलियो टोङ्‌साङ नुबा अरति पिसुजि। “निवाहाङ्‌मि राज्‍यबेॽ रुक्‍मा याक्‍लो कानिङे़ॽ बेॽलो खालहा चुङ्‌जामा खेः आङ्‌मानोॽ खे़ये” लुनुङ इःडुजि।

एप्‍पा चोङ्‌सा 17:11

मो बेरिया लुमे ठाउँबेॽहा याॽमिजि थेस्‍लोनिकि ठाउँबेॽहा याॽमिजिबाङ बेॽलो नुबा ले़टामि। माहाजिडे़ॽ निवाहाङ्‌मि बचन सारोनोॽ नुबा मिॽनुङ नुरोॽ खेप्‍सुजि। पावलडे़ॽ लुबॽआ खा धारमिक नेॽचिराबेॽहा खानुङ टोङ्‌इहाडे टोङ्‌निहा लुनुङ सानिङ्‌नोॽ नेॽनुङ खोजिडे़ॽ जाँच ले़टुजे।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 12:9

हे़निङे़ॽ नम्‍नम ले़ःॽमाबेॽ याॽमिजि खाङ्‌मुमामि लागिरेॽनोॽ ने़ॽनि, तर निवा होङ्‌सिॽयुरा चाइबमा नम्‍नम ले़टानुमे। हाम्‍बे खा मङे़हा ले़ये मो लेॽपेनुङ नुबा खाबेॽ सानिङ निवा टिसानुमे।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

१ कोरिन्‍थि 2:11

याॽमिमि निवाहोङ्‌सिॽयु इमाङ इमाङ खा टुहा, खोमदाङ्‌बे़ॽरेॽ लेन्‍डुहा। मोडोक्‍नोॽ निवाहाङ्‌डे़ॽ मिॽपॽआ चोप खा खोमि होङ्‌निवाडे़ॽरेॽनोॽ लेन्‍डुहा।

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

एफिसि 5:10

मोबा परभुडे़ॽ इमा इमा खा नेन्‍जोन्‍डुए माहा खा लेमा योगानिङे।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 3:16

आइरो इन्‍डोॽ कानिङ इगोठोक लेङ्‌इटिङ्‌मे हागो इडोक्‍नोॽ बोलियो लिनुङ पोम्‍बेॽसो खडि।

फिलिप्‍पि 4:8

इघा खामि ए़क्‍साङ्‌बेॽ, के़हा वावानिसानुङ नानुसाजि लुनिम्‍ने़, इमाङ खा चाइबमा ले़ये, इमाङ खा नेन्‍जामारोमा ले़ये, इमाङ खा आदरनुङ्‌मा ले़ये, इमाङ खा न्‍यायनुङ्‌मा ले़ये, इमाङ खा चोखो ले़ये, इमाङ खा नम्‍नम ले़ःॽमारोमा ले़ये, इमाङ खा ओहाङ ले़ःॽमारोमा ले़ये, इमाङ खा सारोनोॽ नुबा ले़ये इघा चोप खा निवाबेॽ युक्‍सानुमे।

१ थेस्‍लोनिकि 5:15

हे़न दुःख पिमिहोङ हे़ने़ॽसो खोसे़ॽडोक्‍नोॽ ए़ले़टे। सानिङ हे़निङ टाङ्‌बानुङ चोप याॽमिजिनुङ नुबा बेबहार ले़टानुमे।

१ थेस्‍लोनिकि 5:22

मोबा चोप मङे़हा खाबाङ ओः पेनानिङे।

२ थेस्‍लोनिकि 2:15

मोडोगे़ॽ वावानिसानुङ नानुसाजि, बिस्‍वासबेॽ बोलियो लिनुङ पेनानिङे, मोबा कानिङे़ॽ हे़निङ इःॽपॽआ सिक्‍छेहोङ्‌सो अथबा कानिङ्‌मि पत्‍राबाङ लुबॽआ खाबाङ्‌होङ्‌सो हे़निङे़ॽ कानिङ्‌बाङ चुप्‍पॽआ सिक्‍छेडे़ॽ लुडिडोॽ नुरोॽ ले़टानुमे।

२ तिमोथि 1:15

एसियाबेॽ टुघुबा चोप याॽमिजि काबाङ कोघे़ॽपॽआ खागो हे़ने़ॽसो लेन्‍डुए। माहाजिबेॽ फुगेलसनुङ हरमोगेनससो ले़न्‍जे।

२ तिमोथि 3:6

इन्‍ढोङ्‌होङ माहाजिबेॽ इन्‍डोक जनाडे़ॽ चाहिँ खिम-खिमबेॽ खे़ॽनुङ पाप ले़ःॽखुबानुङ मङे़हा योम्‍बोकमि अधिनबेॽ सिप्‍पॽआ मेॽनामिॽचि टाङ्‌बामि अधिनबेॽ युङ्‌इन्‍डुजे।

२ तिमोथि 4:14

चे़क्‍चि उप्‍खुबा अलेक्‍जेन्‍डरडे़ॽ का सारोनोॽ चुङ्‌जासिङ। परभुडे़ॽ खोसे़ॽ ले़ःॽपॽआ योम्‍बोकमि इनाम खो पिन्‍डुए।

हिब्‍रु 10:23

कानिङे़ॽ आसा युङ्‌बॽआ खाबेॽ बोलियो लिमा, इन्‍ढोङ्‌होङ निवाहाङ्‌डे़ॽ ले़ःॽपॽआ बाचा खोसे़ॽ इन्‍डोॽहोङ्‌सो पुरा ले़न्‍डुए।

१ युहन्‍ना 4:1

के़हा वावानिसानुङ नानुसाजि, कानुङ होङ्‌निवा टुये काघुबाजि चोपमि बिस्‍वास ए़ले़टानुमे, तर मो पबित्‍रा होङ्‌निवा निवाहाङ्‌बाङ लेम्‍बॽआ ले़येन्‍डे, ले़ःॽनिबा लुनुङ लेसानुमे। इन्‍ढोङ्‌होङ बेॽलो मे़ॽनोक्‍हा अगमबक्‍ताजि इगो मक्‍खाम्‍डेमबेॽ लेङ्‌इटामे।

परकास 2:2

हे़निङे़ॽ ले़ःॽपॽआ होप्‍तिॽवानुङ्‌हा योम्‍बोकनुङ सहनसिल लिबॽआ खा के़ॽ लेनुङ्‌हा। मोबा हे़निङे़ॽ दुस्‍ट निवानुङ्‌हा याॽमिजि खाङ्‌हेसानुम्‍ने लुनुङ्‌सो के़ॽ लेनुङे़। माहाजि टाङ्‌बा एप्‍पा चोङ्‌सा कामानिम्‍मे, तर खोजि एप्‍पा चोङ्‌सा ने़ॽनिहाजि लुनुङ जाँच ले़ःॽपॽआ हे़निङे़ॽ लेडोक्‍इटानुमे लुमे खासो के़ॽ लेनुङे़।

परकास 2:25

तर का मे़लेन्‍ङ्‌रो हे़निङे़ॽ काबेॽ ले़ःॽपॽआ बिस्‍वास बोलियो युक्‍सानुमे।

परकास 3:11

खेप्‍सानुमे, का चान्‍डोनोॽ लेङ्‌इङे़, हे़निङ्‌मि लागि युङ्‌बॽआ मुकुट असे़ॽसो मे़नाप्‍खे़ॽहेसुरो लुनुङ हे़निङ्‌नुङ टुहा बिस्‍वास नुरोॽ जोगा ले़ःॽयुक्‍सानुमे।

परकास 3:3

मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।