17 सानिङ्नोॽ पारथना ले़टानिङे।
मोबा ए़क्साङ येसुडे़ॽ चोङ्साजि “सानिङ्नोॽ पारथना ले़ःॽमा खे़येनुङ हरेस चामा फे़न्निबा” लुमे खा इःॽमामि इडोॽ इःबेॽटुजि,
मोडोगे़ॽ चङ्खो पेनानिङे। माहा चोप किस्सिमारोहा खाबाङ हिङ्नुङ याॽमिमि पसामि पोम्बेॽ मे़ङ्किस्सिरेॽ साप्थाङ्मानुङ येःप्हेमामि लागि सानिङ पारथना ले़टानिङे”।
हे़निङे़ॽ निवाहाङ्बाङ चुप्पॽआ आसाबेॽ हाङ्हाङ ले़टानिङे, खेः आङ्मा सिॽमाबेॽ योङ आङ्हेखुबा लिनुङ सानिङ पारथना ले़टानुमे।
सानिङ पारथना ले़टानिङे, निवाहाङ्नुङ बोल ङागानुमे। सानिङ पबित्रा होङ्निवाबेॽ लिनुङ पारथना ले़टानुमे। इघा खा निवाबेॽ युङ्नुङ सानिङ होसियार लिमानुङ खिरिस्टमि पबित्रा याॽमिजिमि लागि पारथना ले़टानुमे।
हे़निङे़ॽ सानिङ पारथना ले़ःॽमे। पारथना ले़ःॽमाबेॽ ओहाक पिसाङ निवाहाङ्बेॽ निवा टिनुङ पारथना ले़टानुमे।
चोप खा नासि लिमे याक के़क्पेॽनोॽ लेम्बेटे़। मोडोगे़ॽ हे़निङ टाङ्बा अधिनबेॽ युङ्नुङ होसियार पेम्मा खे़ये। इडोॽ हे़निङे़ॽ पारथना ले़ःॽहेन्डानुमे।
