१ थेस्‍लोनिकि 5:15 - याम्फु

¹⁵ हे़न दुःख पिमिहोङ हे़ने़ॽसो खोसे़ॽडोक्‍नोॽ ए़ले़टे। सानिङ हे़निङ टाङ्‌बानुङ चोप याॽमिजिनुङ नुबा बेबहार ले़टानुमे।

१ थेस्‍लोनिकि 5:15 Iomraidhean Croise

मत्‍ति 5:39

तर के़ॽ हे़निङ लुनिम्‍ने़, हे़निङ मङे़ॽमा बेबहार ले़ःॽखुबा असासो हे़निङे़ॽ मङे़ॽमा बेबहार ए़ले़टानुमे। याॽमिडे़ॽ हे़ने़ए़ चुप्‍थिङ नाम्‍दाङ्‌बेॽ फे़ःक्‍मिहोङ, हाइको नाम्‍दाङ्‌सो टाप्‍पेॽमे।

लुका 6:35

“तर आक्‍टोक ने़ॽनि हे़निङ सिःक्‍चाघुजि नम्‍नम ले़टानुमे, चोपनोॽ नुरोॽ ले़टानुमे, सिङि ङाःक्‍खुबाजिनुङ फिरता ए़ङाःक्‍मे निवाडे़ॽ पिसानुमे। मोडोॽ ले़टानुमहोङ हे़निङे़ॽ बेॽए इनाम चुप्‍मिन्‍डानुमेनुङ निवाहाङ्‌मि पसाजि लिन्‍डानिङे। निवाहाङ्‌डे़ॽको बैगुनिनुङ दुस्‍टा याॽमिजिसो नम्‍नम ले़न्‍डुजे।

एप्‍पा चोङ्‌सा 16:28

इगो खाङ्‌नुङ पावलडे़ॽ खो इडोॽ लुसु, “होउ एप्‍पा, आक्‍टोॽ ए़ले़टे कानिङ चोप इगोबेॽनोॽ टुन्‍डिङ्‌मा।”

रोमि 12:9

हे़निङे़ॽ नम्‍नम ले़ःॽमाबेॽ याॽमिजि खाङ्‌मुमामि लागिरेॽनोॽ ने़ॽनि, तर निवा होङ्‌सिॽयुरा चाइबमा नम्‍नम ले़टानुमे। हाम्‍बे खा मङे़हा ले़ये मो लेॽपेनुङ नुबा खाबेॽ सानिङ निवा टिसानुमे।

रोमि 14:19

मोडोगे़ॽ कानिङे़ॽ इक्‍कोसे़ॽ हाइको बिस्‍वासबेॽ वाबुक्‍माराप्‍मे खानुङ सान्‍ति पिमे खाबेॽरेॽ सानिङ निवा टिमा।

१ कोरिन्‍थि 14:1

मोडोगे़ॽ हे़निङ चाहिँ नम्‍नम ले़ःॽखुबाजि लिमा खे़ये। मोबा होङ्‌निवामि बरदान चुप्‍मा बेॽलो मिनानिङे, मोबाङ्‌सो बेॽलो चाहिँ अगमबानि इःमे बरदानमि लागि बोल ले़टानिङे।

१ कोरिन्‍थि 16:10

तिमोथि हे़निङ्‌बेॽ लेम्‍माबेॽ खो हे़निङे़ॽ टाङ्‌बामि निसाडोॽ ले़ःॽनुङ पेम्‍मिॽमे। इन्‍ढोङ्‌होङ खोसे़ॽसो के़ॽडोक्‍नोॽ परभुमि योम्‍बोक ले़ःॽमे़ॽसिन्‍डुए।

१ कोरिन्‍थि 6:7

हे़निङ्‌मि रुम्‍बेॽ खिमाचुमा लिमानोॽ हे़निङ्‌मि लागि ङेसिमारोमा खा लिये। हे़निङे़ॽ अन्‍याय आङ्‌मानोॽ नुबा लिसे़। बोरु हे़निङे़ॽ हेलानोॽ आङ्‌मा चुये।

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

एफिसि 5:15

मोडोगे़ॽ हे़निङ्‌मि चाल चलन इन्‍डोक्‍मा टुमा खे़ये, मो खा निवाबेॽ नुरोॽ युक्‍सानुमे, उम्‍बरिङ याॽमिडोॽ ने़ॽनि, निवादाङ्‌बा याॽमिडोॽ लिसानिङे।

एफिसि 5:33

इगो नियम हे़निङे़ॽसो पालना ले़ःॽमा खे़ये। मोडोगे़ॽ चोप बनिबाजिडे़ॽ आम्‍निमि बनिमाजि टाङ्‌बामि हिङाडोक्‍नोॽ नम्‍नम ले़ःॽमा खे़ये, मोबा चोप बनिमाजिडे़ॽसो आम्‍निमि बनिबाजि आदर ले़ःॽमा खे़ये।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

१ थेस्‍लोनिकि 5:21

तर अगमबानि नुरोॽ जाँच ले़टानुमे, मोबा नुबा खाबेॽ निवा टिसानुमे।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

२ तिमोथि 2:24

परभुमि योम्‍बोक ले़ःॽखुबे़ॽ खिमा काक्‍मा फे़न्‍निबा। खोगो चोप याॽमिजिनुङ टोङ्‌जाघुबा, मोबा नुरोॽ इःॽलेघुबानुङ आङ्‌हेघुबा लिमा खे़ये।

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 2:17

चोप याॽमिजि आदर ले़टानुमे, बिस्‍वास ले़ःॽखुबा वावानिसानुङ नानुसाजि नम्‍नम ले़टानुमे। निवाहाङ्‌नुङ किस्‍सिसानिङे, हाङ्‌बा आदर ले़टानुमे।

१ पत्‍रुस 3:9

हे़निङ मङे़ॽमा ले़ःॽखुबा हाइखा याॽमिजि हे़निङे़ॽसो मङे़ॽमा ए़ले़टानुमे, खोजिडे़ॽ चापहिमिहोङ्‌सो हे़निङे़ॽ चाहिँ खोजि मोडोक्‍नोॽ ए़ले़टानुमे। बोरु मोमि साटो आसिस पिसानुमे, इन्‍ढोङ्‌होङ निवाहाङ्‌डे़ॽ हे़निङ आसिस पिमामि लागिनोॽ के़ॽपॽआ ले़ये।

३ युहन्‍ना 1:11

के़ए़ निसा, मङे़हा योम्‍बोक असाबाङ्‌सो ए़ॽचिम्‍मे़, तर भलाइमि योम्‍बोकरेॽ चिम्‍मे़। भलाइ ले़ःॽखुबा निवाहाङ्‌बाङ्‌ए ले़ये, मङे़हा योम्‍बोक ले़ःॽखुबाडे़ॽ निवाहाङ लेनोॽ लेसुनिबा।

परकास 19:10

मोबा खो सेवा ले़ःॽसिॽ का खोमि सराङ्‌बेॽ पोप्‌युसिङ, तर खोसे़ॽ का लुसिङा, “हे़ने़ॽ का सेवा ले़ःॽमा फे़न्‍निबा। कासो हे़न्‍नुङ हे़ने़हा वावा निसाजिडोॽ येसुमि टुम्‍बेॽहा साक्‍छि पिघुबा निवाहाङ्‌मि सेउतेरेॽ ले़ङे। ओहाङ्‌गो निवाहाङ पिमा खे़ये, इन्‍ढोङ्‌होङ परभु येसु खिरिस्‍टडे़ॽ ले़ःॽपॽआनुङ लुबॽआ चाइबमा खाडे़ॽनोॽ अगमबक्‍ताजि सक्‍ति पिन्‍डुजे।”

परकास 22:9

तर खोसे़ॽ का लुसिङा, “खाक्‍से, हे़ने़ॽ का ढोग ए़ले़ःॽङे। कागो हे़न्‍नुङ अगमबानि इःघुबा हे़ने़हा निसाजिनुङ इगो नेॽचिरामि बचन पालना ले़ःॽखुबा निवाहाङ्‌मि सेउतेरेॽनोॽ ले़ङे। मोडोगे़ॽ हे़ने़ॽ निवाहाङ चाहिँ ढोग ले़टे।”