१ थेस्‍लोनिकि 5:13 - याम्फु

¹³ खोजिडे़ॽ ले़ःॽपॽआ योम्‍बोकमि लागि नम्‍नमनुङ खोजि बेॽए मान ले़टानुमे, मोबा आम्‍निटाङ्‌बा टोङ्‌जासानिङे।

१ थेस्‍लोनिकि 5:13 Iomraidhean Croise

मत्‍ति 10:40

“हे़निङ स्‍वागत ले़ःॽखुबे़ॽ कासो स्‍वागत ले़ये। का स्‍वागत ले़ःॽखुबाडे़ॽ का पाङ्‌घुबासो स्‍वागत ले़न्‍डुए।

मरकुस 9:50

युम नुबा खा ले़ये, तर युममि युम लुयेनोॽ मे़खे़ॽहोङ फेरि इन्‍डोक्‍टे मो युम लुये टोङ्‌मे ? मोडोक्‍नोॽ हे़निङ टाङ्‌बानुङ टुहा युमडोॽमा नुबा खा जोगा ले़ःॽयुक्‍सानुमे, चोप याॽमिजिनुङ नुरोॽ टोङ्‌जासानिङे।”

युहन्‍ना 15:17

के़ॽ हे़निङ इगो आग्‍या पिनिम्‍ने़, हे़निङ इक्‍कोसे़ॽ हाइको नम्‍नम ले़ःॽखुसे़ॽचुमे़।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

गलाति 4:14

मोडोक्‍पेॽ का टुगिङेॽसे़ॽ हे़निङ सारो सिॽपॽआ ले़टानिङे तरसो हे़निङे़ॽको का चिक्‍चि मे़मिन्‍रेॽ निवाहाङ्‌मि दुतनुङ खिरिस्‍ट ले़टिडोॽ का स्‍वागत ले़टानिङ।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

गलाति 6:6

बचनमि सिक्‍छे चुप्‍खुबाजिडे़ॽ टाङ्‌बामि चोप नुबा खा खो इःॽखुबानुङ हामा खे़ये।

एफिसि 4:3

पबित्‍रा होङ्‌निवाडे़ॽनोॽ हे़निङ सान्‍तिबेॽ इक्‍को निवानुङ्‌हा टोङ्‌इटे़। हे़निङ सानिङ इक्‍को निवा लिनुङ पेम्‍मामि बोल ले़टानिङे।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

१ थेस्‍लोनिकि 5:14

वावानिसानुङ नानुसाजि, हे़निङ लुनिम्‍ने़ पाङ्‌सुघुबाजि नुरोॽ योम्‍बोक ले़ःॽचामा लुनुङ चेतवानि पिसानुमे, निङ्‌सिघे़ॽखुबाजि हाङ्‌हाङ पिसानुमे, किस्‍सिखुबाजि सहायता ले़टानुमे, मोबा चोप खा आङ्‌हेघुबा लिसानिङे।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

२ तिमोथि 2:22

मोडोगे़ॽ वेन्‍जा टुमाबेॽ लेङ्‌इहा मङे़हा लालचाबाङ ओः पेने। मोबा चोखो निवाडे़ॽ परभुमि निङ लाघुबा धरमि याॽमिजिनुङ सोरि बिस्‍वास, नम्‍नमनुङ सान्‍तिबेॽ पेने।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

याकुब 3:18

सान्‍ति लाजे़ॽखुबा निवाडे़ॽ चोप याॽमिजिनुङ टोङ्‌जामे योम्‍बोक ले़ःॽनुङ धारमिक खामि चा चे़न्‍डुए।