१ थेस्‍लोनिकि 5:10 - याम्फु

¹⁰ परभु लेम्‍माबेॽ कानिङ सिबॽआहोङ्‌सो, हिङ्‌बॽआहोङ्‌सो खोनुङ्‌नोॽ हिङ्‌मामि लागि परभु कानिङ्‌मि साटोबेॽ सिसा।

१ थेस्‍लोनिकि 5:10 Iomraidhean Croise

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

युहन्‍ना 10:11

“नुबा गोठ्‌ला कानोॽ ले़ङे। चाइबानोक्‍मा नुबा गोठ्‌लाडे़ॽ खोमि सामुजिमि लागि सिमासो पोरोक्‍इये।

युहन्‍ना 10:15

“काङ्‌मि पाबाडे़ॽ का लुडिडोॽ के़ॽ काङ्‌मि पाबा लेनुङे़, मोबा काङ्‌मि सामुजिमि लागि के़ए़ हिङ्‌मवा पिमा सिॽहोङ्‌सो के़ॽ पिनुङे़।

युहन्‍ना 10:17

“काङ्‌मि पाबाडे़ॽ का नम्‍नम ले़ङे, इन्‍ढोङ्‌होङ काङ्‌मि हिङ्‌मवा पिनुङे़ मोबा फेरि लाप्‍मिनुङे।

युहन्‍ना 15:13

लङ्‌गाममि लागि टाङ्‌बामि हिङ्‌मवा पिहेमानोॽ बेॽए नम्‍नम ले़ये। इगोबाङ बेॽए नम्‍नम हाइको माॽआये।

रोमि 8:34

मोडोगे़ॽ हे़निङ दन्‍डामि आग्‍या पिघुबा असाडे ? हे़निङ्‌मि लागि सिघुबा येसु खिरिस्‍ट खो सिबॽआबाङ निवाहाङ्‌डे़ॽ हिङ्‌बोगु आयु निवाहाङ्‌मि चुप्‍थिङ्‌लाम टुये, मोबा खोसे़ॽ कानिङ्‌मि लागि निवाहाङ्‌नुङ बिन्‍ति ले़ःॽमे़निङ्‌सिन्‍डुए।

१ कोरिन्‍थि 15:3

के़ॽ चुप्‍पॽआ इगो चोप्‍पाङ बेॽए खानोॽ हे़निङ पिबेनिम्‍ने़। मो खा लुबॽआ धारमिक नेॽचिराडे़ॽ लुडिडोॽ खिरिस्‍ट कानिङ्‌हा पापमि लागि सिसा।

२ कोरिन्‍थि 5:15

खो चोप याॽमिजिमि लागि सिसा, हागो खोबेॽ बिस्‍वास ले़ःॽखुबा चोप याॽमिजि खोजिमि लागि सिनुङ हिङ्‌बोक्‍खुबामि लागि हिङ्‌मा खे़ये।

२ कोरिन्‍थि 5:21

खिरिस्‍टबेॽ इक्‍कोसो पाप माडा, मोडोक्‍सो निवाहाङ्‌डे़ॽ कानिङ धरमि टोङ्‌मामि लागि खिरिस्‍टसोक्‍पेॽ कानिङ्‌मि पाप युङ्‌बेॽटु।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

१ थेस्‍लोनिकि 4:13

होउ वावानिसानुङ नानुसाजि, सिघे़ॽपॽआ बिस्‍वासिजिमि टुम्‍बेॽ हे़निङ लुनिम्‍ने़। आसा मे़ॽनिङ्‌हा हाइखा याॽमिजिडे़ॽ सोम्‍दुॽवा ले़टिडोॽ हे़निङे़ॽ ए़ले़टानुमे।

१ थेस्‍लोनिकि 4:15

कानिङ्‌मि परभुडे़ॽ इःॽपॽआ सिक्‍छेनोॽ कानिङे़ॽ हे़निङ पिनिम्‍ने़। परभु लेम्‍मे याकठोक कानिङ हिङ्‌घुबाजिडे़ॽ माहा याक्‍लो सिघे़ॽपॽआजिबाङ पोम्‍बेॽ यङ्‌घडिङ्‌मानि।

१ थेस्‍लोनिकि 4:17

मो याक लेङ्‌लो हिङ्‌घुबाजि कानिङ्‌सो खोजिनुङ्‌नोॽ परभु चुप्‍सिॽ मिन्‍डु खिम्‍मिॽवे़ॽटु ठेॽपोक्‍खे़न्‍डिङ्‌मा मोबा सानिङ्‌नोॽ परभुनुङ पेङ्‌इन्‍डिङ्‌मा।

१ थेस्‍लोनिकि 5:6

मोडोगे़ॽ कानिङ हाइखाजिडोॽ इम्‍मा फे़न्‍निबा, तर टाङ्‌बा चङ्‌खो पेन्‍नुङ चेन्‍दुबा लिनुङ पेम्‍मा खे़ये।

१ तिमोथि 2:6

चोप याॽमिजिमि पापमि सिङि खोमि हरिडे़ॽ फोङ्‌नुङ छुटाबा ले़ःॽमामि खोम्‍दाङ्‌बा काप्‍सिङ्‌बेॽ सिसा। निवाहाङ्‌डे़ॽ चोप याॽमि हिङ्‌बॽआ नेन्‍जोन्‍डुए लुमे खामि परमान इगोनोॽ ले़ये।

२ तिमोथि 2:11

इगो चाइबमा खा ले़ये, कानिङ खिरिस्‍टनुङ्‌नोॽ सिघे़न्‍डिङ्‌माहोङ, खोनुङ्‌नोॽ हिङ्‌बोक्‍इन्‍डिङ्‌मा।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।