१ थेस्‍लोनिकि 4:6 - याम्फु

⁶ इडोॽ टाङ्‌बामि वावानिसाजिमि बिरोधबेॽ पाप ले़ःॽमा फे़न्‍निबा। इन्‍ढोङ्‌होङ निवाहाङ्‌डे़ॽ इडोक्‍हा मङे़हा योम्‍बोकमि बेॽए दन्‍डा पिये लुमे खामि टुम्‍बेॽको कानिङे़ॽ याक्‍लोनोॽ हे़निङ चेतवानि पिबेटुङ्‌मे।

१ थेस्‍लोनिकि 4:6 Iomraidhean Croise

मरकुस 10:19

हे़ने़ॽ बेॽए आग्‍यागो नुरोक्‍नोॽ लेन्‍डुहा, याॽमि ए़सेॽमे, बेभिचार ए़ले़ःॽमे, ए़ॽखुमे़, मे़ॽनोक्‍हा साक्‍छि ए़ॽपिमे मोबा पाबा मामामि खा खेम्‍मे।”

लुका 12:5

असानुङ किस्‍सिमा खे़ये लुमे खा के़ॽ हे़निङ लुनिम्‍ने़, सिघे़ॽयेम्‍बाङ खेःलोकपेॽ पाङ्‌हेघुबा निवाहाङ्‌नुङ चाहिँ किस्‍सिमा खे़ये।

लुका 16:28

खो खे़ॽनुङ के़हा ङाबाङ वावानिसाजि खेःलोकबेॽ आङ्‌मा खे़हा चोप खा खेम्‍मेॽपेॽटुजिरो। इन्‍ढोङ्‌होङ ए़क्‍साङ खोजिसो इगो खेःलोकबेॽ काडोॽ खेः आङ्‌मा मे़न्‍सिॽरो।’

रोमि 1:18

निवाहाङ्‌मि सुरिक याॽमिजिमि पापि योम्‍बोकनुङ दुस्‍टा योम्‍बोकमि बिरोधबेॽ थाङ्‌सिरिबेॽ खाङ्‌मुटे़, माहाजिमि दुस्‍टा योम्‍बोकडे़ॽ चाइबमा खा टिप्‍चुम्‍इटुजे।

रोमि 12:19

के़हा वावानिसानुङ नानुसाजि, हे़निङ मङे़हा ले़ःॽखुबाजिनुङ साटो ए़लासानुमे, इगो योम्‍बोक निवाहाङ्‌नोॽ ले़ःॽमेॽटानुमे, इन्‍ढोङ्‌होङ धारमिक नेॽचिराबेॽ निवाहाङ्‌डे़ॽ इडोॽ लुये, “साटो लामे योम्‍बोक काङ्‌मि ले़ये, के़ॽनोॽ साटो लानुङे।”

रोमि 13:4

इन्‍ढोङ्‌होङ माहा सासकजि हे़निङ्‌मि लागि नुबा ले़ःॽमामिनोॽ निवाहाङ्‌डे़ॽ युङ्‌इटुजे। तर मङे़हा योम्‍बोक ले़न्‍डानिङ्‌होङ चाहिँ खोजिनुङ किस्‍सिसानिङे, इन्‍ढोङ्‌होङ निवाहाङ्‌डे़ॽ दन्‍डा पिमे अधिकार खोजि पिटुजे। मङे़हा योम्‍बोक ले़ःॽखुबा चोपजि दन्‍डा पिमामि लागि निवाहाङ्‌डे़ॽ खोजि युङ्‌इटुजे।

२ कोरिन्‍थि 7:11

हागो हे़निङे़ॽ निवाहाङ्‌मि लागि हाःप्‍माबेॽ इमाङ लिसे़, मिॽखाक्‍सानुमे। इगोसे़ॽ हे़निङ चाइबमा खा इःघुबा टोक्‍सा, बिरोङ मे़ॽनिङ्‌मा खाङ्‌मुखुबा टोक्‍सा, मोमि लागि बेॽलो अत्‍तुर टिसा, बेॽलो सुरके़ॽमेॽटा, मोढे़ॽलो किस्‍सिॽमेॽटा, बेॽलो कानुङ चुप्‍मा मिम्‍मेॽटा, बेॽलो भक्‍ति ले़ःॽमे जोस पिसा, पापिजिडे़ॽ दन्‍डा चुप्‍मा खे़ये लुमे निवा लेस्‍सा, इघा चोप खाडे़ॽ हे़निङ आप्‍टिक मे़ॽनिङ्‌हाजि ले़न्‍डानिङ लुनुङ खाङ्‌मुये।

गलाति 5:21

चेजेवा के़ॽमा, सेॽखे़ॽमा, मङे़हा मोजमज्‍जा ले़ःॽमा मोबा इडोक्‍हा हाइखा योम्‍बोक ले़ःॽखुबाजि चाहिँ याॽमिजि निवाहाङ्‌मि राज्‍यमि हकदार लिडोक्‍मिने लुनुङ के़ॽ याक्‍लोसो लुबेनिम्‍ने़, मोबा आयुसो लुमे़ॽसिनिम्‍ने़।

एफिसि 4:17

हागो के़ॽ परभुबाङ्‌ए अधिकारबाङ नुरोॽ लुनिम्‍ने़, हे़निङ निवाहाङ्‌बेॽ बिस्‍वास मे़ले़ःॽखुबा याॽमिजिडोॽ ए़ले़टानिङे। खोजिडे़ॽको योम्‍बोक मे़ॽनिङ्‌हा निवा खिन्‍डुजे।

एफिसि 4:28

हागो खुसुबाङ्‌डे़ॽ खुमा लेॽनुङ नुबा योम्‍बोक ले़चारो। मोबा मोसे़ॽ खाँचोबेॽ सिॽपॽआजि पिहेसुरो।

एफिसि 5:6

मे़ॽनोक्‍हा खा इःनुङ असे़ॽसो हे़निङ मे़रेम्‍हेमिरो। इडोक्‍हा खाडे़ॽनोॽ निवाहाङ्‌मि खा मे़ङ्‌खेम्‍खुबाजिबेॽ खोमि सुरिक सिॽइये।

१ थेस्‍लोनिकि 2:11

मोबा हे़निङे़ॽनोॽ लेन्‍डानुमे, पाबाडे़ॽ टाङ्‌बामि पसाजिनुङ ले़टिडोॽ कानिङे़ॽसो हे़निङ्‌नुङ बेबहार ले़टुङ्‌मा।

२ थेस्‍लोनिकि 1:8

मोबा निवाहाङ मे़लेघुबाजिनुङ कानिङ्‌मि परभु येसुमि सुसमाचार मे़ङ्‌खेम्‍खुबाजि खो मिमि राप्‍लवाबेॽ लेन्‍नुङ दन्‍डा पिन्‍डुजे।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

हिब्‍रु 2:6

धारमिक नेॽचिरामि इक्‍को ठाउँबेॽ इडोॽ साप्‍पॽआ ले़ये, “याॽमि इमाङ्‌डे, खो हे़ने़ॽ मिॽयुङ्‌इन्‍डुए ? अथबा याॽमिमि पसा इमाङ्‌डे ? हे़ने़ॽ खोमि ले़ख्‍खो ले़न्‍डुए ?

याकुब 2:6

तर हे़निङे़ॽको माहा गरिबजि हेला ले़टानुम। इमा माहा टाङायोङ्‌बाजिडे़ॽनोॽ हे़निङ हेला, अत्याचार ले़ःॽनुङ अदालतबेॽ लाघे़म्‍मे ने़ॽने ?

याकुब 5:4

हे़निङ्‌मि रोपाबेॽ योम्‍बोक ले़ःॽखुबाजि हे़निङे़ॽ पिमे नमयाक मे़म्‍पिडिॽटानुमे। माहाजिमि बिलौना खेप्‍सानुमे। माहा योम्‍बोक ले़ःॽखुबाजिमि बिलौना चोप्‍पाङ सक्‍तिदाङ्‌बा परमपरभु निवाहाङ्‌मि ने़ए़कपेॽ रुॽइटुहा।