१ थेस्‍लोनिकि 4:4 - याम्फु

⁴ पबित्‍रा, आदरनुङ टाङ्‌बामि हिङा अधिनबेॽ युङ्‌मे खा हे़निङ चोबे़ॽ लेमा खे़ये।

१ थेस्‍लोनिकि 4:4 Iomraidhean Croise

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

रोमि 1:24

मोडोगे़ॽ निवाहाङ्‌डे़ॽ माहाजिमि निवे़ॽ ले़ःॽमा मिॽपॽआडोक्‍नोॽ ङेसिमा टे़क्‍टे़क्‍हा असुद्‌ध योम्‍बोक ले़ःॽमामि योङ्‌मेॽटुजि, मोबा खोजिमि रुम्‍बेॽ इक्‍कोसे़ॽ हाइकोनुङ ङेसिमारोहा योम्‍बोक ले़टुजि।

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

रोमि 6:19

हे़निङे़ॽ लेहेसानुमे लुनुङ्‌नोॽ के़ॽ हे़निङे़ॽ लेमे खाप्‍लाबेॽ मायोङ्‌बानुङ सेउतेमि नमुना पिनुङ लुमे़ॽनिङ्‌सिनिम्‍ने़। इन्‍ढोङ्‌होङ याक्‍लो इक्‍खेॽ हे़निङे़ॽ टाङ्‌बामि हिङ्‌मवा चिक्‍चिमिॽमारोमा योम्‍बोकपेॽनुङ बेॽलो पापि योम्‍बोकपेॽ टिनुङ मोमि सेउतेडोॽ लिसानिङे। तर हागोएम्‍बाङ ए़क्‍साङ चाहिँ निवाहाङ्‌मि पोम्‍बेॽ नुबा योम्‍बोक ले़ःॽखुबा सेउतेडोॽ लिनुङ खोबेॽ हे़निङ्‌मि हिङ्‌मवा पबित्‍रा लिसाङ पिबेसानुमे।

१ कोरिन्‍थि 6:15

हे़निङ्‌मि हिङा खिरिस्‍टमि अङ्‌ग ले़ये लुमे खा हे़निङे़ॽ लेसानुम्‍ने ? मोडोक्‍होङ इमा के़ॽ खिरिस्‍टमि अङ्‌ग याङ्‌घे़ॽनुङ बेस्‍यामि अङ्‌गनुङ ठुमे ? इडोॽ इन्‍डोक्‍पेॽसो ले़ःॽमानोॽ फे़न्‍निबा।

१ कोरिन्‍थि 7:2

तर मोबेॽ बेॽलो बेभिचार लिबॽआसे़ॽ चोप मेॽनामिॽमि खोम बनिबा काप्‍टुरो, मोडोक्‍नोॽ चोप वडाङ्‌पसामिसो खोमबनिमा काप्‍टुरो।

१ कोरिन्‍थि 7:9

तर माहाजिडे़ॽ टाङ्‌बामि निवा हुप्‍हेसानुम्‍निहोङ फुङ्‌सया ले़ःॽमानोॽ चुये। इन्‍ढोङ्‌होङ माहाजि सानिङ तिरसनाबेॽ पेम्‍माबाङ्‌गो बोरु फुङ्‌सया ले़ःॽमा नुबा लिये।

२ कोरिन्‍थि 4:7

इडोक्‍मा जोति बेॽलो मोलनुङ्‌मा याङ्‌सरावा आक्‍खामामि सुॽउबेॽ युङ्‌डिडोॽ कानिङ याॽमिबेॽ युङ्‌बॽआ ले़ये। मोडोॽगे़ॽ कानिङ्‌बाङ ने़ॽनि, तर मो सक्‍ति चाहिँ निवाहाङ्‌मि हुकपेॽ टुये लुमे खा छे़ङ्‌गै लेडोक्‍इये।

फिलिप्‍पि 4:8

इघा खामि ए़क्‍साङ्‌बेॽ, के़हा वावानिसानुङ नानुसाजि लुनिम्‍ने़, इमाङ खा चाइबमा ले़ये, इमाङ खा नेन्‍जामारोमा ले़ये, इमाङ खा आदरनुङ्‌मा ले़ये, इमाङ खा न्‍यायनुङ्‌मा ले़ये, इमाङ खा चोखो ले़ये, इमाङ खा नम्‍नम ले़ःॽमारोमा ले़ये, इमाङ खा ओहाङ ले़ःॽमारोमा ले़ये, इमाङ खा सारोनोॽ नुबा ले़ये इघा चोप खा निवाबेॽ युक्‍सानुमे।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

१ पत्‍रुस 3:7

बनिबाजि, हे़निङे़ॽसो टाङ्‌बामि बनिमाजि हे़निङबाङ कमजोर ले़म्‍मे लुमे खा निवाबेॽ नुरोॽ युक्‍सानुमे। हे़निङे़ॽसो खोजि आदर ले़ःॽमा खे़म्‍मे, इन्‍ढोङ्‌होङ खोजिडे़ॽसो हे़निङ्‌नुङ सोरि हिङ्‌मवामि अनुग्‍रहा चुप्‍मिटुजे। इडोॽ हे़निङ्‌मि पारथनाबेॽ इमा बाधा मे़लेङ्‌रो लुनुङ बनिबानुङ बनिमा निप्‍पाङ नुरोॽ टोङ्‌जामा खे़ये।