१ थेस्‍लोनिकि 4:2 - याम्फु

² इन्‍ढोङ्‌होङ कानिङे़ॽ परभु येसुबाङ चुप्‍पॽआ हाम्‍बे हाम्‍बे आग्‍या हे़निङ पिटुङ्‌मे मो खा लेन्‍डानुमे।

१ थेस्‍लोनिकि 4:2 Iomraidhean Croise

मत्‍ति 28:20

के़ॽ हे़निङ पिबॽआ चोप आग्‍या पालना ले़टानुमे लुनुङ माहाजि इःडानुमे। खेप्‍सानुमे, का मक्‍खाम्‍डेममि चोप्‍पाङ ए़क्‍साङ्‌ए याकठोक सानिङ हे़निङ्‌नुङ सोरि टुङे।”

१ कोरिन्‍थि 9:21

नियम पालना मे़ले़ःॽखुबा अयहुदिजिमि रुम्‍बेॽ योम्‍बोक ले़ःॽमाबेॽ खोजिडे़ॽसो खिरिस्‍टबेॽ बिस्‍वास ले़टुजिरो लुनुङ यहुदि नियम मे़लेडिडोॽ ले़टुङ। तर निवाहाङ्‌मि नियम पालना मे़ले़ःॽपॽआगो ने़ॽनिबा, के़ॽको खिरिस्‍टमि नियम पालना ले़नुङे।

१ थेस्‍लोनिकि 4:1

हागो वावानिसानुङ नानुसाजि, हे़निङे़ॽ निवाहाङ्‌डे़ॽ नेन्‍जामारोमा हिङ्‌मवा इन्‍डोक्‍टे हिङ्‌मे लुमे खा कानिङ्‌बाङ चिङ्‌इटानुमे। चइबानोॽ कानिङ्‌बाङ चिम्‍बॽआ चाल चलन हे़निङे़ॽ ले़ःॽमे़ॽनिङ्‌सिन्‍डानुमे, मोबा अक्‍खा चाल चलन छना नुरोॽ ले़ःॽखे़ॽटानुमे लुनुङ बिन्‍ति ले़न्‍निम्‍ने़।

१ थेस्‍लोनिकि 4:3

हे़निङ पबित्‍रा लिसानिङे लुनुङ निवाहाङ्‌डे़ॽ मिॽइटे़, मोडोगे़ॽ चोप खालहा बेभिचारि योम्‍बोकबाङ ओः पेनानिङे।

२ थेस्‍लोनिकि 3:10

योम्‍बोक मे़ले़ःॽखुबा याॽमिडे़ॽ चामासो मे़न्‍चोसुजिरो लुनुङ कानिङे़ॽ हे़निङ्‌नुङ टुमाबेॽनोॽ लुबेॽनिम्‍ने़।

२ थेस्‍लोनिकि 3:6

वावानिसानुङ नानुसाजि, परभु येसुमि निङ्‌बेॽ हे़निङ आग्‍या पिनिम्‍ने़। इघा कानिङे़ॽ पिबॽआ सिक्‍छे मे़ङ्‌खेम्‍खुबानुङ पाङ्‌सुखुबा याॽमिजिबाङ ओः पेनानिङे।