१ थेस्‍लोनिकि 4:17 - याम्फु

¹⁷ मो याक लेङ्‌लो हिङ्‌घुबाजि कानिङ्‌सो खोजिनुङ्‌नोॽ परभु चुप्‍सिॽ मिन्‍डु खिम्‍मिॽवे़ॽटु ठेॽपोक्‍खे़न्‍डिङ्‌मा मोबा सानिङ्‌नोॽ परभुनुङ पेङ्‌इन्‍डिङ्‌मा।

१ थेस्‍लोनिकि 4:17 Iomraidhean Croise

मत्‍ति 26:64

येसुडे़ॽ मो लुसु, “इँहिॽ हे़ने़ॽनोॽ लुबेसु। तरसो हे़निङ लुनिम्‍ने़, हागोएम्‍बाङ ए़क्‍साङ हे़निङे़ॽ याॽमिमि पसा चोप्‍पा एप्‍पा सक्‍तिदाङ्‌बा निवाहाङ्‌मि चुप्‍थिङ्‌लाम पेम्‍बॽआ, मोबा नान्‍द्‌रुङ्‌मामि खिम्‍मिॽवाबेॽ उङ्‌मे़ॽसिबॽआ खाङ्‌डोॽइन्‍डानुमे।”

मरकुस 14:62

येसुडे़ॽ लुसु, “इँहिॽ कानोॽ ले़ङे, मोबा इक्‍याक हे़निङे़ॽ याॽमिमि पसा चोप्‍पाङ बेॽएम्‍मा निवाहाङ्‌मि चुप्‍थिङ्‌लाम पेम्‍बॽआनुङ नान्‍द्‌रुङ्‌माबेॽहा खिम्‍मिॽवानुङ उङ्‌मे़ॽनिङ्‌सिबॽआ खाङ्‌डोइन्‍डानुमे।”

युहन्‍ना 12:26

काङ्‌मि योम्‍बोक ले़ःॽमा मिॽखुबा कानुङ राम्‍मा खे़ये। का हाम्‍बेॽ हाम्‍बेॽ खे़ॽए़ङे, काङ्‌मि योम्‍बोक ले़ःॽमा मिॽखुबासो मोबेॽनोॽ खे़ॽमा खे़ये। काङ्‌मि पाबाडे़ॽ खो खाङ्‌इन्‍डुए।”

युहन्‍ना 14:3

का खे़ॽनुङ हे़निङ्‌मि लागि ठाउँ पोरोक्‍इनुङे, मोबा फेरि टेजानुङ हे़निङ्‌सो का पेन्‍ढामबेॽ चिक्‍खे़ॽनिम्‍ने़। मोडोक्‍नोॽ मोबेॽ हे़निङ कानुङ सोरि पेङ्‌इन्‍डानिङे।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

एप्‍पा चोङ्‌सा 1:9

येसुडे़ॽ इडोॽ इःसेॽनुङ ए़क्‍साङ माहाजिडे़ॽ खाङ्‌मे़ॽनिङ्‌सिमाबेॽ खो थाङ्‌सिरिॽटु ठेॽपुक्‍खे़ॽनुङ खिम्‍मिॽवाहोङ्‌सिॽयु यिःप्‍खडा।

एप्‍पा चोङ्‌सा 8:39

मोजि योङाबाङ पाखे़ॽयु आबाजि मोबा, परभुमि पबित्‍रा होङ्‌निवाडे़ॽ फिलिप राःप्‍खे़ॽटु, मोबा मो मेस्‍रेॽवाडे़ॽ फिलिप मे़ङ्‌खाङ्‌डोक्‍टु, तर खो साप्‍थाक्‍साङ खोमि राम खडा।

१ कोरिन्‍थि 15:52

मो बेलाबेॽ मिकमि इक झिमिकपेॽ चोप्‍पाङ ए़क्‍साङ्‌मा तुरहि मिःॽमासोरोॽ सिघे़ॽपॽआजि फेरि निवाहाङ्‌डे़ॽ नासि लिनिबा हिङाबेॽ हिङ्‌बोॽइन्‍डुजे, सिघे़ॽपॽआजि नासि मे़लिघुबा टोङ्‌नुङ हिङ्‌बोक्‍इन्‍डुजे मोबा कानिङ्‌मि हिङासो फेङ्‌इये।

२ कोरिन्‍थि 5:8

कानिङे़ॽ आसा ले़ःॽमा लेडुङ्‌मानि, थाङ्‌सिरिबेॽ चुप्‍मिये हिङा चुप्‍नुङ परभुनुङ पेम्‍मामि लागि इगो हिङा लेप्‍पेमासो पोरोक्‍इन्‍डिङ्‌मा।

फिलिप्‍पि 1:23

कागो इमा ले़ःॽमे ले़ःॽमे लिटिङे। इगो मक्‍खाम्‍डेम याःॽयानुङ खिरिस्‍टनुङ सोरि पेम्‍मासो का सारो मिङ्‌इङे। खोनुङ पेम्‍मा चोप्‍पाङ नुबा ले़ये।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 4:15

कानिङ्‌मि परभुडे़ॽ इःॽपॽआ सिक्‍छेनोॽ कानिङे़ॽ हे़निङ पिनिम्‍ने़। परभु लेम्‍मे याकठोक कानिङ हिङ्‌घुबाजिडे़ॽ माहा याक्‍लो सिघे़ॽपॽआजिबाङ पोम्‍बेॽ यङ्‌घडिङ्‌मानि।

१ थेस्‍लोनिकि 4:18

इडोक्‍नोॽ इघा खाडे़ॽ इक्‍कोसे़ॽ हाइको हाङ्‌हाङ पिघुसे़ॽचुसानिङे।

१ थेस्‍लोनिकि 5:10

परभु लेम्‍माबेॽ कानिङ सिबॽआहोङ्‌सो, हिङ्‌बॽआहोङ्‌सो खोनुङ्‌नोॽ हिङ्‌मामि लागि परभु कानिङ्‌मि साटोबेॽ सिसा।

२ पत्‍रुस 3:13

तर कानिङ चाहिँ निवाहाङ्‌डे़ॽ हेन्‍ज्‍रुङ हे़म्‍बॽआ चोङ थाङ्‌सिरिनुङ चोङ मक्‍खाम्‍डेममि राम खाङ्‌इन्‍डुङ्‌मे। मोबेॽ धारमिक खानुङ योम्‍बोकरेॽ टुहा।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।

परकास 11:12

मोबा मो निप्‍पाङ अगमबक्‍ताजिडे़ॽ थाङ्‌सिरिबाङ इक्‍को बेॽएम्‍मा सेम्‍लाडे़ॽ “इगिॽटु कडाजे” लुबॽआ खेप्‍साजु। मोबा चोप सतुरजिडे़ॽ खाङ्‌येॽ खाङ्‌येॽनोॽ मोजि खिम्‍मिॽवाबेॽ थाङ्‌सिरिॽटु ठेॽपोक्‍खडाजि।

परकास 12:5

मो मेॽनामिॽडे़ॽ चोप राज्‍यसोक्‍पेॽ चे़क्‍चिमि टोङ्‌इराडे़ॽ सासन ले़ःॽखुबा इक्‍को वडाङ्‌पसा टोगु। मो ओङे़क टोक्‍मासोरोॽनोॽ निवाहाङ पाबा टुढामबेॽ खोमि हाङ्‌पेन्‍ढामबेॽ ठेॽखे़ॽटु।