१ थेस्‍लोनिकि 4:13 - याम्फु

¹³ होउ वावानिसानुङ नानुसाजि, सिघे़ॽपॽआ बिस्‍वासिजिमि टुम्‍बेॽ हे़निङ लुनिम्‍ने़। आसा मे़ॽनिङ्‌हा हाइखा याॽमिजिडे़ॽ सोम्‍दुॽवा ले़टिडोॽ हे़निङे़ॽ ए़ले़टानुमे।

१ थेस्‍लोनिकि 4:13 Iomraidhean Croise

मत्‍ति 27:52

येःॽमा हेम्‍बोगा, बेॽलो धरमि याॽमिजि सिघे़ॽपॽआबाङ पुकडामि।

युहन्‍ना 11:24

मारथाडे़ॽ लुसु, “के़ॽ लेनुङे़, ए़क्‍साङ्‌ए याकपेॽ चोपनोॽ सिबॽआबाङ हिङ्‌बोक्‍इम्‍मे मोडोक्‍पेॽ के़ए़ निसासो हिङ्‌बोॽइये।”

एप्‍पा चोङ्‌सा 13:36

“दाउदडे़ॽ खोमि हिङ्‌मवा टुरो निवाहाङ्‌मि सेवा ले़टु, मोबा खो सिघे़ॽनुङ, खोमि पाबा टुबाजिनुङ्‌नोॽ येःॽमाबेॽ किम्‍घडा।

एप्‍पा चोङ्‌सा 7:60

मोबा खो टुम्‍रुगे़ॽ ठोःक्‍नुङ बेॽए सेम्‍लाडे़ॽ इडोॽ वोसा, “हे परभु, इघाजिडे़ॽ ले़ःॽपॽआ पापमि दन्‍डा इघाजिबेॽ मे़सिॽलो!” खो इडोॽ कासाङ खोमि सोःक्‍मा खडा।

रोमि 1:13

के़ॽ नम्‍नम मिॽपॽआ वावानिसानुङ नानुसाजि, का बेॽलोखेॽ हे़निङ्‌बेॽ आप्‍मा मिनिङ्‌रोसो, मे़आप्‍टोगिङ लुमे खा हे़निङे़ॽसो लेसानुमे मिॽइनुङे। अयहुदि जातिहा याॽमिजिमि रुम्‍बेॽ निवाहाङ्‌मि योम्‍बोक ले़टिडोॽ हे़निङ्‌मि रुम्‍बेॽनुङ हाइखा याॽमिजिबेॽ खिरिस्‍टमि योम्‍बोक ले़ःॽमा सारो मिॽइटुङे।

१ कोरिन्‍थि 10:1

वावानिसानुङ नानुसाजि, बेॽलो निङ याक्‍लो रे़क्‍रे़क्‍मा ठाउँबेॽ कानिङ्‌मि टुबालाबाजिमि हिङ्‌मवाबेॽ लिबॽआ खामि टुम्‍बेॽ हे़निङे़ॽ नुरोॽ लेसानुमे लुनुङ के़ॽ मिॽइनुङे। मिस्‍रा देस लेॽनुङ राम्‍बोक्‍माबेॽ खोजिमि पोम्‍बेॽ पोम्‍बेॽ खिम्‍मिॽवा राप्‍सा, माहोङ्‌मामि रुम्‍बाङ कानिङ्‌मि टुबालाबाजि राम्‍खडामि।

१ कोरिन्‍थि 12:1

वावानिसानुङ नानुसाजि, पबित्‍रा होङ्‌निवाडे़ॽ पिबॽआ बरदानमि टुम्‍बेॽ हे़निङ चाइबमा खा नुरोॽ लुमा मिॽइनुङे।

१ कोरिन्‍थि 15:6

मोबा ए़क्‍साङ खोबेॽ बिस्‍वास ले़ःॽखुबाजि ङाउम सयेबाङ्‌सो बेॽलो याॽमिजिमि पोम्‍बेॽ इक्‍खेॽपेॽ खाङ्‌मुसा। माहाजिबेॽ इन्‍डोक जना सिघडामि तर बेॽलो जनाजि चाहिँ आयुरोसो टुसिम्‍मे।

२ कोरिन्‍थि 1:8

वावानिसानुङ नानुसाजि खेप्‍सानुमे, कानिङे़ॽ एसिया मुलुकबेॽ आङ्‌बॽआ दुःखमि टुम्‍बेॽ हे़निङे़ॽ लेयागानुमे लुनुङ मिॽनिम्‍ने़। मोबेॽ कानिङे़ॽ सारोनोॽ बेॽएम्‍मा चुङ्‌जामा खेः आक्‍सुङ्‌मा, कानिङ हिङ्‌इन्‍डिमा लुमे आसानोॽ माॽआड।

एफिसि 2:12

मोडोक्‍पेॽ हे़निङ खिरिस्‍टबाङ ओः ले़टानिङ, निवाहाङ्‌डे़ॽ से़न्‍बॽआ जाति इस्‍राएलि याॽमिजिडे़ॽ चुप्‍पॽआडोॽहा हक हे़निङ्‌नुङ माॽआड। निवाहाङ्‌डे़ॽ याॽमिजिनुङ हुॽपॽआ हेन्‍ज्‍रुङ मे़लेघुबा ले़टानिङ, मोबा आसा मे़ॽनिङ्‌हाजिनुङ इगो मक्‍खाम्‍डेमबेॽ निवाहाङ मे़ॽनिङ्‌हा याॽमिजि ले़टानिङ।

एफिसि 2:3

माहाजिडे़ॽ ले़टिडोक्‍नोॽ याक्‍लो कानिङे़ॽसो टाङ्‌बामि हिङानुङ निवाडे़ॽ मिॽपॽआ मङे़ॽमा योम्‍बोक ले़ःॽसाङ हिक्‍सिङ्‌मा। कानिङ्‌मि चोप आनिबानि हाइखा याॽमिजिमिडोक्‍नोॽ ले़ःॽपॽआसे़ॽ निवाहाङ्‌मि सुरिकपेॽ सिॽमारोमा ले़टिङ्‌मा।

१ थेस्‍लोनिकि 4:14

इन्‍ढोङ्‌होङ कानिङे़ॽ येसु सिघे़ॽनुङ्‌सो हिङ्‌बोॽइटे़ लुमे खाबेॽ बिस्‍वास ले़न्‍डुङ्‌मा। मोडोक्‍नोॽ निवाहाङ्‌डे़ॽ खोबेॽ बिस्‍वास ले़ःॽनुङ सिघे़ॽपॽआजि फेरि हिङ्‌रिक टोङ्‌नुङ येसुनुङ्‌नोॽ लाघे़न्‍डुजे।

१ थेस्‍लोनिकि 4:15

कानिङ्‌मि परभुडे़ॽ इःॽपॽआ सिक्‍छेनोॽ कानिङे़ॽ हे़निङ पिनिम्‍ने़। परभु लेम्‍मे याकठोक कानिङ हिङ्‌घुबाजिडे़ॽ माहा याक्‍लो सिघे़ॽपॽआजिबाङ पोम्‍बेॽ यङ्‌घडिङ्‌मानि।

१ थेस्‍लोनिकि 5:10

परभु लेम्‍माबेॽ कानिङ सिबॽआहोङ्‌सो, हिङ्‌बॽआहोङ्‌सो खोनुङ्‌नोॽ हिङ्‌मामि लागि परभु कानिङ्‌मि साटोबेॽ सिसा।

१ थेस्‍लोनिकि 5:6

मोडोगे़ॽ कानिङ हाइखाजिडोॽ इम्‍मा फे़न्‍निबा, तर टाङ्‌बा चङ्‌खो पेन्‍नुङ चेन्‍दुबा लिनुङ पेम्‍मा खे़ये।

२ पत्‍रुस 3:4

“इमा खिरिस्‍टडे़ॽ का लेङ्‌इङे़ लुबॽआ ने़ॽने ? इन्‍ढोङ्‌होङ कानिङ्‌मि टुबालाबाजि सिघडामि, तर मक्‍खाम्‍डेममि सिरिस्‍टि लिनुङ आयुरोसो मोडोक्‍नोॽ टुसिइ।”

२ पत्‍रुस 3:8

तर के़हा लङ्‌गामजि, इगो खा लेयुक्‍सानुमे परभुमि लागि इक्‍याक हजार निङ्‌डोॽ लिये, हजार निङ इक्‍याकडोॽ लिये।