१ थेस्‍लोनिकि 3:6 - याम्फु

⁶ तर तिमोथि हे़निङ चुप्‍नुङ इगोबेॽ हागोनोॽ लेङ्‌इटे़। हे़निङ्‌बेॽ हागोसो बेॽलो नम्‍नमनुङ बिस्‍वास टुहा लुमे नुबा खा खेम्‍मेॽटा। मोबा हे़निङे़ॽ सानिङ्‌नोॽ कानिङ नम्‍नम ले़ःॽनुङ मिॽयुङ्‌इटानिङे ले़ए़ लुमे खासो खोसे़ॽ का खेम्‍मेॽटा।

१ थेस्‍लोनिकि 3:6 Iomraidhean Croise

एप्‍पा चोङ्‌सा 16:1

पावल डरबि सहर लिसाङ लुस्‍त्‍रा सहरबेॽ लेस्‍सा। मोबेॽ तिमोथि लुमे इक्‍को बिस्‍वासि पेने। खोमि मामासो परभुबेॽ बिस्‍वास ले़ःॽखुबा यहुदि ले़टे़, तर खोम्‍बा चाहिँ गिरिक जातिमि ले़टे़।

एप्‍पा चोङ्‌सा 18:1

मोबा ए़क्‍साङ पावल एथेन्‍स सहरबाङ बिदा लिनुङ कोरिन्‍थ सहरबेॽ खडा।

एप्‍पा चोङ्‌सा 18:5

सिलासनुङ तिमोथि माकेडोनिया लुमे ठाउँबाङ मोबेॽ लेस्‍साजि, पावलडे़ॽ चाहिँ सानिङ्‌नोॽ परचारमि योम्‍बोक ले़टु। खोसे़ॽ यहुदिजि “येसुनोॽ पापबाङ छुट्‌कारा पिघुबा हाङ्‌बा खिरिस्‍ट ले़ये” लुमे साक्‍छि पिसुजि।

१ कोरिन्‍थि 11:2

हे़निङे़ॽ सानिङ का मिॽपॽआनुङ के़ॽ पिबॽआ सिक्‍छेडे़ॽ लुबॽआडोॽ ले़ःॽपॽआसे़ॽ हे़निङ्‌मि ओहाङ ले़नुङे।

१ कोरिन्‍थि 13:13

हागो बिस्‍वास, आसानुङ नम्‍नम सानिङ टुडुङ्‌घे़ये। तर इघा सुम्‍जि खाबेॽ चोप्‍पाङ महान चाहिँ नम्‍नमनोॽ ले़ये।

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

कलस्‍सि 1:4

इन्‍ढोङ्‌होङ खिरिस्‍ट येसुबेॽ हे़निङ्‌मि बिस्‍वासनुङ चोप पबित्‍रा याॽमिजिबेॽ हे़निङे़ॽ ले़ःॽपॽआ नम्‍नममि टुम्‍बेॽ कानिङे़ॽ खेम्‍इटुङ्‌मे।

कलस्‍सि 4:18

का पावलडे़ॽ, सेवायो लुनुङ काङ्‌मिनोॽ हुगे़ॽ हे़निङ्‌मि लागि साप्‍मिटुङे। का तिरिङ्‌गा खिमबेॽ से़क्‍सिघे़ॽपॽआ खा सानिङ हे़निङ्‌मि पारथनाबेॽ मिडानुमे। हे़निङ्‌नुङ सानिङ निवाहाङ्‌मि अनुग्‍रहा टुडुङ्‌घे़ॽरो।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 2:17

वावानिसानुङ नानुसाजि, कानिङ हे़निङ्‌नुङ इक याक नियाक फाक्‍खे़ॽमा सिॽसो कानिङ्‌मि निवागो हे़निङ्‌नुङ्‌नोॽ टुये। कानिङ ए़क्‍साङ्‌सो हे़निङ्‌नुङ चुप्‍मामि बेॽलोनोॽ मिङ्‌इटिङ्‌मे।

१ थेस्‍लोनिकि 2:9

वावानिसानुङ नानुसाजि, हे़निङे़ॽ नुरोॽ लेन्‍डानुमे, कानिङे़ॽ ले़ःॽमे़ॽ हे़निङ असासो कानिङ कुमे भार मे़न्‍सिॽलो लुनुङ कानिङ पाप्‍मिहा चोप खामि लागि कानिङ्‌टाङ्‌बा लेन्‍डा सेन्‍डा योम्‍बोक ले़ःॽसाङ हे़निङ सुसमाचार खेम्‍मेॽटुङ्‌मा।

१ थेस्‍लोनिकि 3:7

मोडोगे़ॽ वावानिसानुङ नानुसाजि, हे़निङ्‌मि बिस्‍वासमि खा खेम्‍नुङ निङ्‌सिघे़ॽमाबेॽनुङ दुःखबेॽ सिॽपॽआ बेलाबेॽसो कानिङ साप्‍थाङ्‌इटिङ्‌मे़।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

२ तिमोथि 1:3

के़ॽ काङ्‌मि नुबानुङ मङे़ॽमा लेघुबा निवाडे़ॽ सेवा ले़ःपॽआ निवाहाङ ओहाक पिनुङे़, याक्‍लो खो के़हा टुबालाबाजिडे़ॽ सेवा ले़टुजे। के़ॽ सानिङ्‌नोॽ के़ए़ पारथनाबेॽ हे़न मिॽइन्‍ने़।

फिलेमोन 1:5

इन्‍ढोङ्‌होङ परभु येसुबेॽ हे़ने़ए़ बिस्‍वासमि टुम्‍बेॽनुङ निवाहाङ्‌बेॽ बिस्‍वास ले़ःॽखु याॽमिजि हे़ने़ॽ नम्‍नम ले़ःॽपॽआ खा खेम्‍इटुङे।

हिब्‍रु 13:3

तिरिङ्‌गा खिमबेॽ से़क्‍सिघे़ॽखुबाजिमि नुरोॽ ले़ख्‍खो ले़टानुमे। खोजिडे़ॽ आङ्‌बॽआ खेः टाङ्‌बे़ॽसो आङ्‌बॽआडोॽ मिडानुमे। इन्‍ढोङ्‌होङ हे़निङ टाङ्‌बासो हिङाबेॽ टुन्‍डानिङ।

हिब्‍रु 13:7

याक्‍लो हे़निङ निवाहाङ्‌मि बचन इःॽखुबा अगुवाजि मिडानुमे। बिस्‍वासबेॽ हिङ्‌मानुङ खोजिडे़ॽ ले़ःॽपॽआ नुबा खा मिडानुमे, मोबा खोजिडे़ॽ इन्‍डोक इगो मक्‍खाम्‍डेम याःॽयासुजे। हे़निङे़ॽसो मोडोक्‍नोॽ ले़टानुमे।

१ युहन्‍ना 3:23

निवाहाङ्‌मि आग्‍या चाहिँ इघानोॽ ले़हा- खोमि पसा येसु खिरिस्‍टबेॽ बिस्‍वास ले़ःॽमा खे़ये, मोबा खिरिस्‍टडे़ॽ लुडिडोॽ इक्‍कोसे़ॽ हाइको नम्‍नम ले़ःॽमा खे़ये।